follow us:
తీన్మార్‌ సావిత్రక్కగా ప్రేక్షకుల మదిలో స్థానం సంపాదించుకుంది యాంకర్‌ శివజ్యోతి. ఓ మారుమూల ప్రాంతం నుండి వచ్చి.. యాంకర్‌గా గుర్తింపు సంపాదించుకుని… బిగ్‌ బాస్‌ షోలో కూడా పాల్గొన్నది. ప్రస్తుతం తన యూట్యూబ్ చానెల్‌, వరుస షోలతో బిజీగా ఉంది శివజ్యోతి. ఈ క్రమంలో గత కొన్న రోజులుగా శివజ్యోతికి సంబంధించి ఓ వార్త తెగ వైరలవుతోంది. అదేంటి అంటే.. తను ప్రెగ్నెంట్ అని. కొన్ని రోజుల క్రితం శివజ్యోతి.. తన ఇన్‌స్టాగ్రామ్‌లో భర్తతో కలిసి.. మామిడి చెట్టు కింద దిగిన ఫోటోని షేర్‌ చేసింది. దీనిలో తను మామిడి కాయ తింటున్న ఫోజు ఇచ్చింది. దాంతో కొన్ని సైట్లు, యూట్యూబ్ చానెల్స్‌.. శివజ్యోతి ప్రెగ్నెంట్ అంటూ వార్తలు రాసుకొచ్చాయి.
ఈ క్రమంలో తాజాగా ఈ వార్తలపై శివజ్యోతి స్పందించారు. తన గురించి ఇలాంటి తప్పుడు వార్తలు ప్రచారం చేస్తే.. కఠిన చర్యలు తీసుకోవాల్సి వస్తుంది.. మర్యాదగా తను ప్రెగ్నెంట్ అంటూ పెట్టిన వీడియోలును డిలీట్‌ చేయాలని సూచించింది. ఈ సందర్భంగా ఆమె మాట్లాడుతూ..‘మీ అందరికీ ఓ ముచ్చట చెప్పాలి.. నా గురించి నాకు తెలియని విషయాలు చాలా ప్రచారం అవుతున్నాయి. ఎందుకు నాపై ఇలాంటి వార్తలు వస్తున్నాయో తెలియదు. స్టార్టింగ్‌లో ఎందుకులే రియాక్ట్ కావడం అని వదిలేశా. ఇవన్నీ ఎందుకు వస్తున్నాయంటే.. నేను ఓ ఈవెంట్‌కి వెళ్లినప్పుడు మామిడికాయ పట్టుకుని ఓ ఫొటో దిగా.. దాన్ని పట్టుకుని ఇంత రచ్చ చేస్తున్నారు’’ అని తెలిపింది.
ఇది కూడా చదవండి: RCB మ్యాచుకు హాజరుకానున్న అధీర, రమికా సేన్!
‘‘అవును నేను లావు అయ్యాను. 30 ఏళ్లు వస్తున్నాయి.. శరీరంలో మార్పులు వస్తాయి.. మీకేంటి బాధ? దాన్ని పట్టుకుని ప్రెగ్నెంట్.. తల్లికాబోతుంది.. అంటూ టైటిల్స్ పెడుతున్నారు. నాకు లేదా యూట్యూబ్ చానెల్‌.. నేను పెట్టుకోలేనా? యూట్యూబ్‌లో వ్యూస్ కోసం ఎంత కష్టపడతారో నాకు తెలుసు. పోనీలే బతకనియ్యి అని వదిలేశా. కానీ ఎప్పుడైతే నా పర్సనల్, ప్రొఫెషనల్ విషయాన్ని లేవనెత్తారో వదిలే ప్రసక్తే లేదు. వ్యూస్ కోసం ఇంత కక్కుర్తి పడతారేంటి. అవును నాకు పెళ్లై చానాళ్లు అయ్యింది.. నేను తల్లి కావాలని.. నా పిల్లల్ని ఎత్తుకోవాలని నా తల్లిదండ్రులు, కుటుంబ సభ్యులు ఎదురు చూస్తున్నారు. అలాంటప్పుడు ఇలాంటి వార్తలు.. వారిని ఎమోషనల్‌గా ఎంత బాధపెడుతాయో నేను మీకు చెప్పలేను. ఏడ్చినా మీకు వేరే విధంగా అర్థం అవుతుంది’’ అంటూ ఆవేదన వ్యక్తం చేసింది.
ఇది కూడా చదవండి: తెలుగు స్టార్ హీరోలపై KGF మదర్ క్రేజీ కామెంట్స్.. వీడియో వైరల్!
‘‘ఈ వార్తలు చూసి.. అందరూ ఫోన్లు చేసి నన్ను అడుగుతున్నారు. మీరు రాసిన రాతల వల్ల.. నాకు ఈవెంట్లు కూడా రావడం లేదు.. ప్రెగ్నెంట్ కదా.. ఆమె చేయదులే అని నాకు పని కూడా ఇవ్వడం లేదు. నా ఫ్రెండ్స్ అందర్ని ఇందులో ఇన్వాల్వ్ చేస్తున్నారు. నా జీవితంలో ప్నెగ్నెన్సీ అనేది చాలా గొప్ప విషయం. ఆ సమయం వస్తే నేనే మీకు చెబుతా. నా వ్యక్తిగత విషయాలు నేను చెప్తా.. నువ్ నీ యూట్యూబ్ ఛానల్‌లో నా ఫ్యామిలీ మ్యాటర్స్ లాగావు కాబట్టి.. నిన్ను విడిచిపెట్టా. ఇది రిక్వెస్ట్ అనుకుంటావో.. బెదిరింపు అనుకుంటావో నీ ఇష్టం. నేను ఏది చేయాలో అది చేస్తా’’ అంటూ శివజ్యోతి హెచ్చరించింది. దీనిపై మీ అభిప్రాయాలను కామెంట్స్ రూపంలో తెలియజేయండి.
