follow us:
ఆర్‌ఆర్‌ఆర్‌ సినిమాలోని నాటు నాటు పాట ఆస్కార్‌ గెలుచుకోవటంపై ముఖ్యమంత్రి వైఎస్‌ జగన్‌మోహన్‌రెడ్డి శుభాకాంక్షలు తెలియజేశారు. ఈ మేరకు తన ట్విటర్‌ ఖాతాలో ఓ పోస్టు పెట్టారు. ఈ పోస్టుపై బాలీవుడ్‌ సింగర్‌ అద్నాన్‌ సమీ ఘాటుగా స్పందించారు.
95వ అకాడమీ అవార్డు వేడుకల్లో ఇండియా అద్భుతాలను సృష్టించింది. ఈ సారి ఏకంగా రెండు అవార్డులను సొంతం చేసుకుంది. ఆర్‌ఆర్‌ఆర్‌ సినిమాలోని ‘నాటు నాటు’ పాట బెస్ట్‌ ఒరిజినల్‌ సాంగ్‌ క్యాటగిరీలో ఆస్కార్‌ను గెలుచుకుంది. ‘ది ఎలిఫెంట్‌ విస్పరర్స్‌’ అనే డాక్యుమెంటరీ షార్ట్‌ ఫిల్మ్‌ కూడా ఆస్కార్‌ను గెలుచుకుంది. ఆర్‌ఆర్‌ఆర్‌ సినిమా సాధించిన విజయాన్ని కొనియాడుతూ సినిమా, రాజకీయ రంగాలకు చెందిన ప్రముఖులు శుభాకాంక్షలు చెప్పారు. ఈ నేపథ్యంలోనే ముఖ్యమంత్రి వైఎస్‌ జగన్‌మోహన్‌రెడ్డి తన ట్విటర్‌ వేదికగా స్పందిస్తూ.. ‘‘ తెలుగు జెండా ఎత్తులో ఎగురుతోంది. తెలుగు పాట ఆస్కార్‌ గెలిచినందుకు గర్వంగా ఉంది.
The #Telugu flag is flying higher!
I’m filled with pride on a Telugu song, that so beautifully celebrates our folk heritage, being given its due recognition internationally today. @ssrajamouli, @tarak9999, @AlwaysRamCharan and @mmkeeravaani have truly redefined excellence! 1/2 https://t.co/jp75mpiZHv— YS Jagan Mohan Reddy (@ysjagan) March 13, 2023
రాజమౌళి, తారక్‌, రామ్‌చరణ్‌, కీరవాణి అద్భుతానికి మారుపేరుగా మారారు. రాజమౌళి, తారక్‌, రామ్‌చరణ్‌, కీరవాణి, చంద్రబోస్‌, రాహుల్‌ సిప్లి గంజ్‌, కాలబైరవతో పాటు సినిమా బృందానికి శుభాకాంక్షలు. నాతో పాటు ప్రపంచవ్యాప్తంగా ఉన్న తెలుగు వారిని, దేశాన్ని గర్వపడేలా చేసినందుకు కృతజ్ఞతలు’’ అని అన్నారు. ఈ ట్వీట్లపై ప్రముఖ బాలీవుడ్‌ సింగర్‌ అద్నాన్‌ సమీ ఘాటుగా స్పందించారు. సమీ ట్విటర్‌ ఖాతాలో ఈ మేరకు ఓ పోస్టు పెట్టారు. ఆ పోస్టులో.. ‘‘ ప్రాంతీయ భావం కలిగిన బావిలోని కప్ప. దానికి సముద్రం గురించి తెలియదు. ప్రాంతీయ హద్దుల్ని క్రియేట్‌ చేస్తున్నందుకు..
జాతీయ గౌరవాన్ని పెంపొందించలేకపోతున్నందుకు నిన్ను చూస్తే సిగ్గుగా ఉంది. జై హింద్‌’’ అని పేర్కొన్నారు. అద్నాన్‌ సమీ సీఎం జగన్‌పై ఇలా కామెంట్లు చేయటం ఇదేమీ మొదటిసారి కాదు. గతంలోనూ తెలుగును పొగుడ్తూ సీఎం జగన్‌ పోస్టు పెట్టిన సందర్భంలో అద్నాన్‌ రెచ్చిపోయారు. ట్విటర్‌ వేదికగా కామెంట్లు చేశారు. ప్రస్తుతం సీఎం జగన్‌పై సమీ చేసిన వ్యాఖ్యలు సోషల్‌ మీడియాలో వైరల్‌గా మారాయి. వైఎస్‌ జగన్‌ అభిమానులు.. వైఎస్సార్‌ సీపీ కార్యకర్తలు సమీపై ఆగ్రహం వ్యక్తం చేస్తున్నారు. మరి, సీఎం జగన్‌పై సింగర్‌ అద్నాన్‌ సమీ వ్యాఖ్యలపై మీ అభిప్రాయాలను కామెంట్ల రూపంలో తెలియజేయండి.
What a regional minded frog in a pond who can’t think about the ocean because it’s beyond his tiny nose!! Shame on you for creating regional divides & unable to embrace or preach national pride!
Jai HIND!!🇮🇳 https://t.co/dodc3f0bfL— Adnan Sami (@AdnanSamiLive) March 13, 2023
