శృంగారం ఎన్నిసార్లు చేస్తే మంచిది? అతిగా చేస్తే ప్రమాదమేనా?

శృంగారం అనేది బూతుగా కాకుండా.. ఉపయోగకరమైన సమాచారంగా చూడాలి. చాలా వరకు ఆలోచనా విధానం మారిందనే చెప్పాలి. ఇప్పటికీ చాలా మంది దీనిని ముట్టుకోకూడని పదార్థం అన్నట్లుగానే చూస్తున్నారు. అలాగే దీనికి సంబంధించిన అనుమానాలు, సందేహాలు, సమస్యలను చర్చించి నిర్ణయం తీసుకునే పరిస్థితి లేదు. కుటుంబంలో అయితే శృంగారానికి సంబంధించి అసలు ప్రశ్నలే అడగకూడదు. అయితే ఈ ఆర్టికల్ లో శృంగారానికి సంబంధించిన ఓ అనుమానాన్ని నివృతి చేద్దాం. అసలు శృంగారం ఎన్నిసార్లు చేయాలి? అతిగా చేస్తే వచ్చే నష్టాలేంటి? అనే విషయాన్ని తెలుసుకుందాం.

నిజానికి శృంగారం అనేది సంతానోత్పత్తి కోసమే కాదు. మీరు శరీరానికి ఉల్లాసాన్ని, ఉత్సాహాన్ని, ఉత్తేజాన్ని ఇచ్చే ఒక క్రీడ. నిజానికి శృంగారం అనేది వరం. దానిని లైట్ తీసుకుంటే అదే మీకు శాపంగా కూడా మారుతుంది. దాని వల్ల ఆరోగ్య సమస్యలు దూరమవుతాయి. శారీరకంగా హుషారుగా ఉంటారు. గుండె జబ్బులకు దూరంగా ఉంటారు. క్యాన్సర్ వంటి రోగాలు కూడా దరి చేరవని అధ్యయనాలు చెబుతున్నాయి. అలాంటి శృంగారాన్ని చాలా మంది నిర్లక్ష్యం చేస్తుంటారు.

ఇంక మరోవైపు రెండో విభాగం కూడా ఉంటుంది. అది అతిగా చేసే బ్యాచ్. లేడికి లేచిందే పరుగు అన్నట్లు వీళ్లు ఏదో యుద్ధంలా చేస్తుంటారు. ఏదైనా శ్రుతి మించితే కష్టమని మీకు తెలిసిందేగా. అలాగే శృంగారం కూడా శ్రుతి మించితే ఇబ్బందే మరి. దీనికి సంబంధించి ఓ అధ్యయనం కూడా చేశారు. అసలు ఏ వయసు వాళ్లు ఎన్నిసార్లు శృగారంలో రాల్గొంటే మంచిది అని చెప్పుకొచ్చారు. మరి.. ఆ అధ్యయనం ఏం చెబుతుందోచూద్దాం.

శృంగారం విషయంలో వీళ్లు చేసిన అధ్యయనం ప్రకారం వయసు పెరుగుతున్న కొద్దీ సామర్థ్యం తగ్గుతూ ఉంటుంది. సామర్థ్యం తగ్గే కొద్దీ మీ ప్రతాపం కూడా తగ్గించాలి. అలా కాకుండా నాకు ఎదురు లేదు అని మొండిగా ముందుకెళితే మొదటికే మోసం వస్తుంది. 18 నుంచి 29 ఏళ్ల మధ్య వయసున్న కుర్రాళ్లు ఏడాదికి సగటున 112సార్లు పాల్గొనవచ్చు. అదే 30 నుంచి 39 మధ్య వాళ్లు ఏడాదికి సగటున 86సార్లు, 40- 49 మధ్యవాళ్లు ఇయర్ కి 69 సార్లు పాల్గొనవచ్చు. అంటే వయసు పెరుగుతున్న కొద్దీ మీ శృంగార వాంఛలను అదుపులో పెట్టుకోవాలి.

అయితే దీర్ఘకాలిక సమస్యలు, గుండె సమస్యలు ఉన్నవాళ్లు ఈ విషయంలో వైద్యుల సలహా తీసుకోవడం మంచిది. అలాగే శారీరక సామర్థ్యాన్ని బట్టి ఈ లెక్కలు మారుతూ ఉంటాయి. కూడా. మరోవైపు మీరు శృంగారానికి పూర్తిగా దూరంగా ఉండటం కూడా తప్పే. దానివల్ల మీకు లేనిపోని రోగాలు వస్తాయ. అతిగా చేసినా, అసలు చేయకపోయినా మీకు నష్యాలు తప్పవు. కాబట్టి ఒక లెక్క ప్రకారం, పద్ధతిగా ఈ విషయంలో ముందుకు వెళితే అంతా సుఖంగా, చక్కగా జరుగుతాయని చెబుతున్నారు.