SSC MTS, Havaldar Recruitment 2023: పదోతరగతి పాసయ్యారా? అయితే ఈ ప్రభుత్వ ఉద్యోగం మీ కోసమే..

పదో తరగతి పాసైన వారికి గుడ్ న్యూస్. టెన్త్ అర్హతతో కేంద్ర ప్రభుత్వ శాఖల్లో పలు ఉద్యోగాలు పడ్డాయి. కేంద్ర ప్రభుత్వ శాఖల్లోని వివిధ విభాగాల్లో మల్టీ టాస్కింగ్ స్టాఫ్ (నాన్ టెక్నికల్), హవల్దార్ (సీబీఐసీ & సీబీఎన్) ఉద్యోగాల భర్తీకి స్టాఫ్ సెలక్షన్ కమిషన్ నోటిఫికేషన్ విడుదల చేసింది. మొత్తం 1,558 పోస్టుల్లో 1,198 మల్టీ టాస్కింగ్ సిబ్బంది పోస్టులు కాగా.. 360 హవల్దార్ పోస్టులు ఖాళీగా ఉన్నాయి. పడవ తరగతి పాసైన అభ్యర్థులు ఎవరైనా సరే ఈ ఉద్యోగాలకు దరఖాస్తు చేసుకోవచ్చు. గ్రూప్ సీ, నాన్ మినిస్టీరియల్ విభాగంలో పోస్టులను భర్తీ చేయనున్నారు. దరఖాస్తు చివరి తేదీ ఎప్పుడు? వయసు పరిమితి ఎంత ఉండాలి? వంటి వివరాలు మీ కోసం.

గ్రూప్ సీ, నాన్ మినిస్టీరియల్ కేటగిరీకి చెందిన పోస్టులు:

• మల్టీ టాస్కింగ్ (నాన్ టెక్నికల్) పోస్టులు: 1198
• హవల్దార్ పోస్టులు: 360

అర్హతలు:

• ప్రభుత్వ గుర్తింపు పొందిన విద్యాసంస్థ లేదా బోర్డు నుంచి పదో తరగతి పాసై ఉండాలి. లేదా తత్సమాన ఉత్తీర్ణత కలిగి ఉండాలి.

వయోపరిమితి:

• 01/08/2023 నాటికి పోస్టులను బట్టి 18 నుంచి 25, 18 నుంచి 27 ఏళ్ల మధ్య ఉండాలి.

ఎంపిక విధానం:

• మల్టీ టాస్కింగ్ స్టాఫ్ ఖాళీలకు సెషన్ 1,2 కంప్యూటర్ ఆధారిత పరీక్షలు నిర్వహించి.. డాక్యుమెంట్ వెరిఫికేషన్ ఆధారంగా ఎంపిక చేస్తారు.
• హవల్దార్ పోస్టులకు కంప్యూటర్ ఆధారిత పరీక్ష, ఫిజికల్ స్టాండర్డ్ టెస్ట్, డాక్యుమెంట్ వెరిఫికేషన్ ఆధారంగా ఎంపిక చేస్తారు.

పరీక్షా కేంద్రాలు:

• ఏపీలో: విశాఖపట్నం, విజయవాడ, విజయనగరం, గుంటూరు, చీరాల, నెల్లూరు, కర్నూలు, కాకినాడ, రాజమండ్రి, తిరుపతి
• తెలంగాణలో: హైదరాబాద్, కరీంనగర్, వరంగల్

దరఖాస్తు వివరాలు:

• దరఖాస్తు: ఆన్ లైన్ లో చేసుకోవాలి.
• దరఖాస్తు ఫీజు: రూ. 100 (ఎస్సీ, ఎస్టీ, దివ్యాంగులు, మాజీ సైనికులకు ఫీజు లేదు)
• దరఖాస్తు ప్రారంభ తేదీ: జూన్ 30 2023
• దరఖాస్తు చివరి తేదీ: జూలై 21 2023
• ఆన్ లైన్ లో ఫీజు చెల్లింపునకు ఆఖరు తేదీ: జూలై 22 2023 రాత్రి 11 గంటల వరకూ
• చలానా ద్వారా ఫీజు చెల్లింపునకు చివరి తేదీ: జూలై 24 2023
• దరఖాస్తు సవరణ తేదీలు: జూలై 26, 27, 28 తేదీల్లో రాత్రి 11 గంటల వరకూ
• కంప్యూటర్ ఆధారిత పరీక్షల తేదీ: సెప్టెంబర్ 2023లో ఉంటుంది.

 

• నోటిఫికేషన్ కోసం ఇక్కడ క్లిక్ చేయండి
• ఎక్కడెక్కడ ఖాళీలు ఉన్నాయో తెలుసుకోవడం కోసం ఇక్కడ క్లిక్ చేయండి
• దరఖాస్తు చేసుకునేందుకు ఇక్కడ క్లిక్ చేయండి