నిరుద్యోగులకు గుడ్ న్యూస్.. టెన్త్‌ అర్హతతో 11,400 ఉద్యోగాలు!

నిరుద్యోగులారా.. కేంద్ర ప్రభుత్వ ఉద్యోగాలకై ఎదురు చూస్తున్నారా..? అయితే ఈ శుభవార్త మీ కోసమే, కేంద్ర ప్రభుత్వంలోని వివిధ శాఖల్లో ఖాళీగా ఉన్న పోస్టుల భర్తీకి స్టాఫ్ సెలక్షన్ కమిషన్ (ఎస్‌ఎస్‌సి) నోటిఫికేషన్ విడుదల చేసింది. మొత్తం 11 వేలకు పైగా పోస్టులను భర్తీ చేయనుంది. మల్లీ టాస్కింగ్(నాన్-టెక్నికల్) స్టాఫ్, హవల్దార్ (సిబిఐసి, సిబిఎన్) పోస్టులకు నోటిఫికేషన్ విడుదల చేసింది. పదవ తరగతి విద్యార్హతతోనే కేంద్ర ప్రభుత్వ ఉద్యోగాన్ని సొంతం చేసుకోవచ్చు.

ఇప్పటికే దరఖాస్తు ప్రక్రియ ప్రారంభమైంది. దరఖాస్తుకు ఫిబ్రవరి 17తో ముగుస్తుంది. ఇంకెందుకు ఆలస్యం.. ఇక ఆప్లయ్ చేసుకోండికా.. ఎలా చేసుకోవాలనుకుంటున్నారా.. అర్హులైన అభ్యర్థులు ఎస్‌ఎస్‌సి అధికారిక వెబ్‌సైట్ https://ssc.nic.in/ ద్వారా అప్లయ్‌ చేసుకోవచ్చు. వివరాల్లోకి వెళితే

మొత్తం ఖాళీల సంఖ్య : 11,409

మల్టీ టాస్కింగ్ (నాన్-టెక్నికల్) స్టాఫ్ (ఎంటిఎస్): 10,880 పోస్టులు
హవల్దార్ (సిబిఐసి, సిబిఎన్): 529 పోస్టులు

విద్యార్హతలు, ఇతర వివరాలు

అభ్యర్థులు తప్పనిసరిగా పదవ తరగతి పాసై ఉండాలి. ఫిబ్రవరి 17, 2023 నాటికి ఏదైనా గుర్తింపు పొందిన బోర్డు నుండి పదవ తరగతి లేదా, దానికి సమానమైన పరీక్షలో ఉత్తీర్ణులై ఉండాలి.

సిబిఎన్ (రెవెన్యూ శాఖ)లో ఎంటిఎస్, హవల్దార్ దరఖాస్తు చేసుకునే అభ్యర్ధుల వయస్సు ఈ ఏడాది జనవరి 1 నాటికి 18 నుండి 25 ఏళ్ల మధ్య ఉండాలి. సిబిఐసి (రెవెన్యూ శాఖ)లో హవల్దార్, కొన్ని ఎంటిఎస్ పోస్టులకు దరఖాస్తు చేసుకోవాలంటే అభ్యర్థులు జనవరి 1,2023 నాటికి 18 నుండి 27 ఏళ్ల మధ్య ఉండాలి. ఎస్సీ, ఎస్టీ అభ్యర్థులకు వయో పరిమితి ఐదేళ్ల సడలింపు ఉండగా, ఒబీసీ అభ్యర్థులకు మూడేళ్లు, పీడబ్ల్యూడీ (అన్ రిజర్వ్డ్) అభ్యర్థులకు పదేళ్లు, పీడబ్ల్యూ‌బీడీ(ఓబీసీ)-13 ఏళ్లు, పీడబ్ల్యూబీ‌డీ (ఎస్సీ/ఎస్టీ) అభ్యర్థులకు – 15 ఏళ్ల వరకు వయో సడలింపు ఉంటుంది.

దరఖాస్తు చేసుకునే విధానం:

ఆన్ లైన్ లో దరఖాస్తు చేసుకోవాలి.

పరీక్ష కూడా ఆన్ లైన్ లో నిర్వహిస్తారు.

వేతన వివరాలు :

సుమారు రూ. 18 వేల నుండి 22 వేల వరకు ఉంటుంది.

ఫీజు వివరాలు:

అన్ రిజ్వర్డ్ అభ్యర్థులు రూ.100 ఫీజు చెల్లించాలి. ఇక ఎస్టీ, పీడబ్ల్యూబీడీ, ఈఎస్‌ఎం అభ్యర్థులకు ఫీజు మినహాయింపు ఇచ్చారు. వీరు ఎలాంటి ఫీజు చెల్లించాల్సిన అవసరం ఉండదు.

ఎంపిక ప్రక్రియ:

ఎస్‌ఎస్‌సి ఎంటిఎస్ అండ్‌ హవల్దార్ పరీక్ష 2023 ఏప్రిల్‌లో జరగనుంది. ఇది కంప్యూటర్ బేస్డ్ టెస్ట్ ఉంటుంది. దీన్ని తొలిసారిగా 15 భాషల్లో నిర్వహిస్తున్నారు. హవల్దార్ పోస్టుకు ఫిజికల్ ఎఫిషియన్సీ టెస్ట్ ఉంటుంది. అయితే పరీక్ష తేదీలను సంస్థ ఇంకా అధికారికంగా వెల్లడించలేదు. మరిన్నీ వివరాలకు ఎస్ఎస్ సి అధికారిక వెబ్ సైట్ ను https://ssc.nic.in/ చెక్ చేయండి