Hardik Pandya: కెప్టెన్ గా ధోని, రోహిత్ ని దాటేసిన హార్దిక్ పాండ్య! ప్రూఫ్ ఇదే..

ఐపీఎల్ లో మోస్ట్ షాక్ సక్సెస్ ఫుల్ కెప్టెన్ ఎవరు అని ఎదురు పడగానే ఠక్కున ధోని పేరునే చెప్పేస్తారు. లేకపోతే రోహిత్ ని ఎంచుకుంటారు. వీరిద్దరూ వారి కెప్టెన్ గా వహించిన టీంకి ఒకటి కాదు, రెండు కాదు ఏకంగా 5 ట్రోఫీలను వీరి జట్లకు అందించారు. అయితే వీరిద్దరూ బెస్ట్ కెప్టెన్స్ అనడంలో ఎలాంటి సందేహం లేదు. ఇదిలా ఉండగా.. ఐపీఎల్ లో కెప్టెన్ గా చూసుకుంటే ఒక విషయంలో గుజరాత్ టైటాన్స్ కెప్టెన్ హార్దిక్ పాండ్య వీరిద్దరిని దాటేయడం విశేషం. గతేడాది గుజరాత్ టైటాన్స్ కి కెప్టెన్ గా వ్యవహరించిన హార్దిక్ పాండ్య.. తొలి ప్రయత్నంలోనే జట్టుని విజేతగా నిలిపాడు. ఇక ఈ సీజన్ జట్టుని ఫైనల్ వరకు తీసుకెళ్లాడు. ఈ క్రమంలోనే ఐపీఎల్ లో కెప్టెన్ గా ఎవరికీ సాధ్యం కాని ఒక రికార్డ్ ని తన ఖాతాలో వేసుకున్నాడు.

ఐపీఎల్ లో మొత్తం 10 జట్లు.. పైగా గుజరాత్ టైటాన్స్ కి ఇదే మొదటి ఐపీఎల్..జట్టులో స్టార్ ప్లేయర్లు లేరు.. అయినా అన్ని జట్లకు షాకిస్తూ తొలిసారి హార్దిక్ నాయకత్వంలో ఏకంగా టైటిల్ ఎగరేసుకొని పోయింది. అదేదో గాలివాటం అనుకున్నారంతా.. కానీ ఈ సారి కూడా అంచనాలను అందుకుంటూ మరోసారి ఫైనలా చేరింది. ఒక టీం ఇలా ఐపీఎల్ లో మొదటి రెండు సీజన్ లు ఫైనల్ కి అర్హత సాధించడం గుజరాత్ జట్టుకి మాత్రమే సాధ్యమైంది. అంతేకాదు ఈ రెండు సీజన్ లు కూడా టేబుల్ టాపర్ గుజరాత్ టైటాన్స్ కావడం గమనార్హం. ఇంతలా విజయాలు సాధిస్తున్న గుజరాత్ టీంని హార్దిక్ ముందుండి నడిపించాడు. అందుకే ఇప్పుడు కెప్టెన్ గా రికార్డులు తన పేరున లిఖించుకుంటున్నాడు.

ఇప్పటివరకు ఐపీఎల్ లో కెప్టెన్ గా పాండ్య 2 సీజన్లలో కలిపి 31 మ్యాచులకు కెప్టెన్సీ చేశాడు. వీటిల్లో 22 మ్యాచుల్లో విజయాలు సాధించగా.. విజయాల శాతం 70.96 గా ఉంది. కనీసం 30 మ్యాచులకు కెప్టెన్సీ చేసిన వారిలో అత్యధిక విజయాలు శాతం నమోదు చేసిన కెప్టెన్ హార్ధిక్ పాండ్యానే. ఏ లిస్టులో మహేంద్ర సింగ్ ధోనీ 226 మ్యాచులకు కెప్టెన్సీ చేసి 133 మ్యాచుల్లో తన టీం ని గెలిపించగా.. మాహీ విన్నింగ్ పర్సంటేజ్ 58.84. ముంబై ఇండియన్స్ మాజీ కెప్టెన్ సచిన్ టెండూల్కర్ 51మ్యాచుల్లో 30 విజయాలు అందుకొని పర్సంటేజ్ 58.82 పర్సంటేజ్ తో ధోని తర్వాత స్థానంలో నిలిచాడు. పూణే సూపర్ జెయింట్స్, రాజస్థాన్ రాయల్స్ వంటి టీమ్స్‌కి కెప్టెన్సీ చేసిన స్టీవ్ స్మిత్ 58.13 తో నాలుగో స్థానంలో.. రోహత్ శర్మ (55.06) ఐదో స్థానంలో నిలిచారు. మొత్తానికీ ఏ ఐపీఎల్ ఫైనల్లో ఓడిపోయినా పాండ్య ఈ విషయంలో బెస్ట్ కెప్టెన్ అని అర్ధం అవుతుంది. ఈ విషయంలో మీ అభిప్రాయాలను కామెంట్ల రూపంలో తెలపండి.