follow us:
ఐపీఎల్‌ 2022లో మంగళవారం లక్నో సూపర్‌జెయింట్స్‌తో జరిగిన మ్యాచ్‌లో గుజరాత్‌ టైటాన్స్‌ సూపర్‌ విక్టరీ సాధించి సగర్వంగా ప్లేఆఫ్స్‌కు క్వాలీఫై అయింది. ఈ మ్యాచ్‌లో గుజరాత్‌ టైటాన్స్‌ స్పిన్నర్‌ రషీద్ ఖాన్ నాలుగు వికెట్లతో కీలకపాత్ర పోషించాడు. రషీద్ దెబ్బకు లక్నో సూపర్‌ జెయింట్స్‌ 82 పరుగులకే కుప్పకూలింది. ఈ నేపథ్యంలోనే రషీద్ ఖాన్ టీ20 క్రికెట్‌లో అరుదైన ఘనత సాధించాడు. ఒక ఏడాదిలో టీ20ల్లో అత్యధిక వికెట్లు తీసిన బౌలర్‌గా రషీద్ తొలి స్థానంలో ఉన్నాడు. 2022 ఏడాదిలో రషీద్ ఇప్పటివరకు 27 మ్యాచ్‌ల్లో 40 వికెట్లతో తొలిస్థానం.. సందీప్‌ లమిచ్చానే 23 మ్యాచ్‌ల్లో 38 వికెట్లతో రెండు, డ్వేన్‌ బ్రావో 19 మ్యాచ్‌ల్లో 34 వికెట్లతో మూడు, జాసన్‌ హోల్డర్‌ 17 మ్యాచ్‌ల్లో 29 వికెట్లతో నాలుగో స్థానంలో ఉన్నారు.
ఇక రషీద్ లక్నోతో మ్యాచ్‌ ద్వారా తన ఐపీఎల్‌ కెరీర్‌లో బెస్ట్‌ ఫిగర్స్‌ నమోదు చేశాడు. లక్నోతో మ్యాచ్‌లో 3.5 ఓవర్లలో 24 పరుగులిచ్చి 4 వికెట్లు తీశాడు. అంతకముందు 2020 ఐపీఎల్‌ సీజన్‌లో ఢిల్లీ క్యాపిటల్స్‌పై(3 వికెట్లు/7 పరుగులు), పంజాబ్‌ కింగ్స్‌పై(3 వికెట్లు/12 పరుగులు) బెస్ట్‌ ఫిగర్స్‌ నమోదు చేశాడు. ఇక మ్యాచ్‌ విషయానికి వస్తే.. టాస్‌ గెలిచి గుజరాత్‌ టైటాన్స్‌ తొలుత బ్యాటింగ్‌ చేసింది. నిర్ణీత 20 ఓవర్లలో 4 వికెట్లు కోల్పోయి 144 పరుగులు చేసింది. ఓపెనర్‌ శుభ్‌మన్‌ గిల్‌ 49 బంతుల్లో 7 ఫోర్లతో 63 పరుగులు చేసి రాణించాడు. 145 పరుగుల స్వల్ప లక్ష్యాన్ని ఛేదించలేక లక్నో చతికిల పడింది. 13.5 ఓవర్లలోనే కేవలం 82 పరుగులకు ఆలౌట్‌ అయింది. ఈ మ్యాచ్‌లో లక్నో విజయం సాధించి ఉంటే ప్లేఆఫ్స్‌ చేరిన తొలి జట్టుగా నిలిచి ఉండేది. కానీ రషీద్ ఖాన్ దెబ్బకు ఓటమి చవిచూసింది. మరి రషీద్ బౌలింగ్‌పై, నమోదు చేసిన రికార్డుపై మీ అభిప్రాయాలను కామెంట్లరూపంలో తెలియజేయండి.
ఇదీ చదవండి: Rovman Powell: పేదరికం నుంచి బయటపడేందుకు క్రికెటర్‌ అయ్యాను: పావెల్‌
Magician OP 💙🤩🔥#SeasonOfFirsts #AavaDe #LSGvGT pic.twitter.com/3W0faSBKo0
— Gujarat Titans (@gujarat_titans) May 10, 2022
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
