Chandra Grahan 2022: చంద్రగ్రహణం తర్వాత ఈ పనులు చేస్తే.. ఊహించనంత ధన లాభం!

గ్రహణాలు ఎలా ఏర్పడతాయో సైన్స్‌ వివరించింది. అయినా సరే.. నేటికి కూడా మన దేశంలో గ్రహణం పట్టడం అంటే అశుభంగానే భావిస్తారు. గ్రహణ ప్రభావం నుంచి కాపాడుకోవడం కోసం ఇళ్ల నుంచి బయటకు రారు. ఆలానే ఆలయాలను సైతం మూసి వేస్తారు. గ్రహణం విడిచిన తర్వాత.. శుద్ది చేస్తారు. అయితే గ్రహణ సమయంలో ఆహారం తీసుకోవడం, తిరగడం వంటివి చేయకూడదు అంటారు. ఇక ఈ ఏడాది కేవలం 15 రోజుల వ్యవధిలో సూర్య, చంద్ర గ్రహణాలు ఏర్పడటం.. అది కూడా పండుగ వేళ ఏర్పడటంతో.. వీటిపై అనేక అనుమానాలు, గందరగోళాలు ఏర్పడ్డాయి. సరే ఆ సంగతి కాసేపు పక్కన పెడితే.. ఈసారి ఏర్పడే చంద్ర గ్రహణ అత్యంత విశిష్టమైనది.. సమయంలో కొన్ని దానాలు చేస్తే.. ఊహించని ధనలాభం కలుగుతుంది అంటున్నారు జ్యోతిష్య శాస్త్ర నిపుణులు. ఆ వివరాలు..

నవంబర్‌ 8న అనగా నేడు ఏర్పడే ఈ చంద్రగ్రహణం ఈ ఏడాదికి ఆఖరుది. ప్రపంచవ్యాప్తంగా పలు దేశాల్లో గ్రహణం మధ్యాహ్నం 2.39 గంటలకు ప్రాంరభం అవుతుంది. ఇక మన దేశంలో మాత్రం సాయంత్ర 5 గంటల తర్వాత ప్రారంభం అవుతుంది. అయితే ఈ గ్రహణ సమయంలో కానీ మరుసటి రోజు, గ్రహణానికి ముందు రోజు కానీ ఈ కింద చెప్పిన పరిహారాలు పాటిస్తే.. సమస్యలు తొలగిపోవడమే కాక.. ఊహించనంత ధనలాభం కలుగుతుంది అంటున్నారు జ్యోతిష్య శాస్త్ర నిపుణులు. అవేంటంటే..

• జ్యోతిష్య శాస్త్రం ప్రకారం.. మీరు నిరుద్యోగ సమస్యతో బాధపడుతున్నా.. ఉద్యోగ ప్రయత్నాలు ఫలించక నిరాశలో ఉంటే.. గ్రహణం రోజున తెల్లటి ముత్యాలు, తెల్లటి ముత్యాలతో చేసిన ఆభరణాలను దానం చేయడం వల్ల ప్రయోజనం ఉంటుంది అంటున్నారు జ్యోతిష్యాశ శాస్త్ర నిపుణలు. ముత్యాలను దానం చేయడం వల్ల ఉద్యోగ ప్రయత్నాలు ఫలించే అవకాశం ఉంది అంటున్నారు.
• సంతానం లేదని బాధపడుతున్నవారు.. గ్రహణం రోజున నిరుపేద పిల్లలకు పాలు, బొమ్మలు, బట్టలు వంటివి దానం చేయడం వల్ల మంచి ఫలితం ఉంటుంది అంటున్నారు.
• అలానే ఇంట్లో చికాకులు, కలతలతో సతమతమవుతుంటే.. గ్రహణం రోజున పంచదార లేదా తెల్లని బట్టలు దానం చేస్తే మంచిది అంటున్నారు. ఇలా చేయడం వల్ల ఇంట్లో చికాకులు, కలతలు తొలగిపోవడమే కాక.. ఎనలేని ఐశ్వర్యం సొంతమవుతుంది అంటున్నారు.
• ఇక ఆర్థిక సమస్యలతో ఇబ్బంది పడే వారు.. గ్రహణం రోజున పాలు, అన్నం, వాటితో చేసిన ఏదైనా వంటకాన్ని దానం చేస్తే ఉపయోగం ఉంటుంది అంటున్నారు. ఇక హిందూ మత విశ్వాసాల ప్రకారం వీటిని దానం చేయడం ద్వారా, విష్ణువు, లక్ష్మీ దేవి అనుగ్రహం లభిస్తుంది అని చెబుతారు
• దీర్ఘకాలంగా అనారోగ్య సమస్యలతో బాధపడే వారు గ్రహణం రోజున, గాజు పాత్రలో నీరు పోసి అందులో వెండి నాణెం వేయాలి. ఇప్పుడు జబ్బుపడిన వ్యక్తి నీటితో నిండిన గిన్నెలో తన ముఖాన్ని ఉంచాలి. ఆ తర్వాత నాణెంతో పాటు గిన్నెను కూడా దానం చేయాలి. ఇలా చేయడం వల్ల సదరు వ్యక్తి ఆరోగ్యం కుదుటపడుతుంది అంటున్నారు.

గమనిక: ఇవన్ని జోత్యిష్యశ శాస్త్ర నిపుణులు ఇచ్చే సూచనలు, సలహాలు మాత్రమే. కచ్చితంగా జరుగుతుంది అని ఎక్కడా నిరూపించలేదు.