చంద్రగ్రహణ సమయంలో ఈ పనులు తప్పకుండా చేయాలి.. లేదంటే ప్రమాదమే!

ఈ ఏడాది మే నెల 5 వ తేదీన తొలి చంద్ర గ్రహణం ఏర్పడనుంది. 130 ఏళ్ల తర్వాత వైశాఖ పూర్ణిమ రోజున ఈ గ్రహణం ఏర్పడుతుండటంతో.. చాలా ప్రత్యేకం అంటున్నారు పండితులు. మే 5న అనగా శుక్రవారం రాత్రి దాదాపు 8:45 గంటలకు గ్రహణం ప్రారంభమవుతుంది. అర్థరాత్రి 1:00 గంటకు ముగుస్తుంది. ఇక గ్రహణం ప్రారంభం కావడానికి 9 గంటల ముందు నుంచి సూతకం అనగా అశుభ గడియలు ప్రారంభమై గ్రహణం ముగియడంతో ముగుస్తాయి. ఈ సమయంలో ఆలయాల తలుపులు మూసేస్తారు. గర్భిణులు బయటకు రాకూడదని, నేరుగా ఎవ్వరూ గ్రహణం వీక్షించకూడదని, గ్రహణ సమయంలో ఏమీ తినకూడదని చెబుతారు పెద్దలు. అయితే ఈ ఏడాది ఏర్పడుతున్న తొలి చంద్ర గ్రహణం భారతదేశంలో కనిపించదు. కేవలం యూరప్, ఆస్ట్రేలియా, ఆఫ్రికా, అంటార్కిటికా, మధ్య ఆసియా, పసిఫిక్ అట్లాంటిక్ , హిందూ మహాసముద్రంలో ఇది కనపడుతుంది.

ఈ గ్రహణ ప్రభావం భారతదేశంలో కనిపించకపోయినా.. గ్రహణం ఏర్పడే సమయంలో కొన్ని నియమాలను పాటించాలి అంటున్నారు పండితులు. కొన్ని పనులు చేయకూడదు అంటున్నారు. అవేంటంటే..

చేయకూడని పనులు..

• గ్రహణ సమయంలో ఆహారం తినకూడదు అంటారు పెద్దలు.
• వారు పెట్టిన నియమం పట్టించుకోకుండా ఆహారం తింటే జీర్ణవ్యవస్థలో ఇబ్బంది ఏర్పడుతుంది.
• అలానే ఈ సమయంలో గర్భిణీ స్త్రీలు తీసుకునే ఆహారంపై మాత్రమే కాకుండా అనేక ఇతర విషయాలపై కూడా ప్రత్యేక శ్రద్ధ వహించాలని సూచించారు.
• గ్రహణం సమయంలో నీరు త్రాగకూడదు అంటారు కానీ దీనికి శాస్త్రీయ రుజువు లేదు. కానీ ఇప్పటికీ ప్రజలు ఈ నియమాలను అనుసరిస్తూనే ఉన్నారు.
• గ్రహణం సమయంలో నిద్రపోకూడదు. ముఖ్యంగా గర్భిణీ స్త్రీలు గ్రహణ సమయంలో ప్రత్యేక శ్రద్ధ వహించాలి.
• గ్రహణ సమయంలో గర్భిణీ స్త్రీలు చేసే పనుల వలన కలిగే నష్టాన్ని తల్లి, బిడ్డ ఇద్దరూ భరించవలసి ఉంటుందని విశ్వాసం.

చేయాల్సిన పనులు

• చంద్రగ్రహణం సమయంలో తప్పకుండా కులదైవాన్ని కొలుచుకోవాల్సి ఉంటుంది.
• అలానే గ్రహణం సమయంలోగాయత్రీ మంత్రం, మహామృత్యుంజయ మంత్రం, హనుమాన్‌ చాలీసా పఠించాలి.