follow us:
ఆధార్ కార్డుని వెరిఫై చేసుకున్నారా? లేదా? వెరిఫై చేసుకోకపోతే ఓటర్ ఐడీ, రేషన్ కార్డు, పాన్ కార్డు వంటివి రద్దు అయ్యే అవకాశం ఉంది. ఆధార్ ను గుర్తింపు రుజువుగా అంగీకరించే ముందు ఆధార్ నంబర్ ను ఖచ్చితంగా ధృవీకరించాలని యూఐడీఏఐ స్పష్టం చేసింది. అలా అనడానికి కారణం ఏంటంటే?
భారత విశిష్ట గుర్తింపు ప్రాధికార సంస్థ (యూఐడీఏఐ) అన్ని రాష్ట్రాలకు, సంస్థలకు కీలక సూచన చేసింది. ఆధార్ కార్డుని ఎక్కడైనా ఐడెంటిటీ ప్రూఫ్ గా అంగీకరించే ముందు.. ఖచ్చితంగా ఆ ఆధార్ నంబర్ ను ధృవీకరించాలని యూఐడీఏఐ స్పష్టం చేసింది. ఇక నుంచి ఆధార్ కార్డుని గుర్తింపుగా రుజువు చేసే పక్షంలో ఖచ్చితంగా ధృవీకరించాలని వెల్లడించింది. ఆఫ్ లైన్, ఆన్ లైన్ మోడ్స్ లో ఆధార్ కార్డు ధృవీకరణ ప్రక్రియ అందుబాటులో ఉందని భారత ఐటీ, ఎలక్ట్రానిక్స్ మంత్రిత్వ శాఖ వెల్లడించింది. ఎంఆధార్ యాప్ లేదా ఆధార్ క్యూఆర్ కోడ్ స్కానర్ ద్వారా ఏ ఆధార్ నంబర్ నైనా వెరిఫై చేసుకోవచ్చునని స్పష్టం చేసింది.
ఆండ్రాయిడ్, ఐఓఎస్ మొబైల్స్ అన్నిటిలోనూ.. అలానే విండో బేస్డ్ అప్లికేషన్స్ లోనూ క్యూఆర్ కోడ్ స్కానర్ ద్వారా ధృవీకరణ ప్రక్రియ చేసుకునే సౌలభ్యం ఉందని తెలిపింది. ఈ దేశంలో ఉన్న పౌరులందరికీ ఆధార్ కార్డు అనేది చాలా అవసరం. గుర్తింపు కార్డుగానే కాకుండా పలు రకాల ప్రభుత్వ పథకాలకు, ఇతర అవసరాలకు ఆధార్ కార్డునే ప్రామాణిక గుర్తింపుగా తీసుకుంటారు. బ్యాంకు ఖాతాలు తెరవడం కోసం, లావాదేవీలు జరపడం కోసం ఆధార్ కార్డు అవసరం ఉంటుంది. అలాంటి ఆధార్ కార్డుని కొంతమంది దుర్వినియోగం చేస్తుంటారు. అందుకే యూఐడీఏఐ ఎప్పటికప్పుడు ప్రజల్ని అప్రమత్తం చేస్తుంటుంది. మోసాలు జరక్కుండా ఉండేందుకు రెగ్యులర్ ఇంటర్వెల్స్ లో ఆధార్ కార్డుని వెరిఫై చేసుకోవడం చాలా ముఖ్యం.
ఈ క్రమంలో యూఐడీఏఐ కీలక ప్రకటన చేసింది. గుర్తింపు రుజువుగా అంగీకరించే ముందు ఆధార్ ను వెరిఫై చేసుకోవాలని సూచించింది. ఆధార్ వెరిఫై చేసుకోకపోతే ఓటర్ కార్డు, పాన్ కార్డు, రేషన్ కార్డు సహా పలు ఇతర కార్డులు రద్దయ్యే అవకాశం ఉంది. అందుకే ఆధార్ ను వెరిఫై చేసుకోవాలి. ప్రస్తుత రాజ్యసభ సమావేశాల్లో కేంద్ర న్యాయశాఖ మంత్రి కిరెన్ రిజిజు ఆధార్ వెరిఫికేషన్ అంశాన్ని ప్రస్తావించారు. ఎన్నికల ఓటర్ల జాబితాను శుద్ధి చేసే ప్రక్రియలో భాగంగా.. ఇతర డాక్యుమెంట్ల కంటే కూడా ఆధార్ అనేది ప్రామాణిక గుర్తింపు కోసం కీలక పాత్ర పోషిస్తుందని అన్నారు. ఓటర్ల జాబితా ప్రక్షాళన ప్రక్రియ కొనసాగుతోందని అన్నారు.
#DosandDontsForOVSE
Verify Aadhaar prior to accepting it as proof of identity.
This applies to all modes of offline usage of Aadhaar, ie. secure QR Code on Aadhaar Letter (or copy thereof) / e-Aadhaar/ m-Aadhaar or in the Aadhaar Paperless Offline e-KYC (XML), as the case may be. pic.twitter.com/DWoPe7rTjU— Aadhaar (@UIDAI) February 10, 2023
