గచ్చిబౌలి, లింగంపల్లి సమీపంలో ప్లాట్! రూ. 19 లక్షలకే 110 గజాలు..

ప్రస్తుతం ఉన్న పరిస్థితుల్లో హైదరాబాద్ సిటీ లోపల స్థలం కొనాలంటే అసాధ్యం. కానీ గచ్చిబౌలి, లింగంపల్లి, మాదాపూర్ వంటి ఏరియాలకు దగ్గరలో తక్కువ ధరకు ప్లాట్స్, ఫ్లాట్స్ అందుబాటులో ఉన్నాయి. గచ్చిబౌలి, మాదాపూర్, లింగంపల్లి ఏరియాలు హైదరాబాద్ వెస్ట్ జోన్ కిందకు వస్తాయి. లింగంపల్లిలో స్థలం కొనాలంటే చదరపు అడుగు రూ. 10 వేల పైనే ఉంది. గజం స్థలం కొనాలంటే రూ. 90 వేలు, రూ. 1 లక్ష రేంజ్ లో ఉంటాయి. హైదరాబాద్ నుంచి 40 కి.మీ. దూరంలో శంకరపల్లి ఉంది. లింగంపల్లి, గచ్చిబౌలి నుంచి 28 కి.మీ. దూరంలో ఉంది. కొండాపూర్, మాదాపూర్ లకి కూడా దగ్గరే. శంకరపల్లి ఎంఎంటీఎస్ రైల్వే స్టేషన్ కి 10 నిమిషాల దూరంలో ప్లాట్స్, ఫ్లాట్స్ ఉన్నాయి.

ఐఐటీ హైదరాబాద్ కి, ఐసీఎఫ్ఏఐ బిజినెస్ స్కూల్ కి 20 నిమిషాల్లో రీచ్ అవ్వచ్చు. ముత్తంగి అవుటర్ రింగ్ రోడ్ కి 25 నిమిషాలు, ఇండియన్ స్కూల్ ఆఫ్ బిజినెస్ గచ్చిబౌలికి 35 నిమిషాలు, ఫైనాన్షియల్ డిస్ట్రిక్ట్ ఐటీ హబ్ కి 35 నిమిషాలు, హైటెక్ సిటీకి 45 నిమిషాలు, రాజీవ్ గాంధీ అంతర్జాతీయ విమానాశ్రయానికి 55 నిమిషాలు పడుతుంది. ఎటు చూసినా గానీ శంకరపల్లి ఏరియా చాలా అనుకూలంగా ఉంటుంది. సైబరాబాద్ కి సులభంగా చేరుకోవచ్చు. శంకరపల్లి ఈ సైబరాబాద్ కి చాలా దగ్గరలో ఉండడం వల్ల ఈ ఏరియాలో రియల్ ఎస్టేట్ బాగా నడుస్తోంది. పేరున్న విద్యాసంస్థలు ఉన్నాయి. స్కూళ్ళు, కాలేజీలు ఉన్నాయి. గ్లోబల్ ఇండియన్ ఇంటర్నేషనల్ స్కూల్, ఇండస్ ఇంటర్నేషనల్ స్కూల్ వంటివి ఉన్నాయి.

ఐఐటీ, సెయింట్ జార్జ్ వంటి కాలేజీలు ఉన్నాయి. షాపింగ్ కాంప్లెక్సులు, లహరి రిసార్ట్ ఉన్నాయి. వెస్ట్ హైదరాబాద్ లో ఉన్న శంకరపల్లిలో ల్యాండ్ రేట్లు చదరపు అడుగు రూ. 1750 నుంచి రూ. 3200 రేంజ్ లో ఉన్నాయి. అంటే 2 బీహెచ్కేకి సరిపడా స్థలం 1000 చదరపు అడుగులకు కొనాలనుకుంటే రూ. 17,50,000 నుంచి రూ. 32 లక్షలు ఉంటుంది. యావరేజ్ గా అయితే చదరపు అడుగు రూ. 1900 పలుకుతోంది. 1000 చదరపు అడుగులు అంటే 110 గజాల స్థలం కొనాలంటే కనుక రూ. రూ. 19 లక్షలు అవుతుంది. అదే ఫ్లాట్ కొనాలనుకుంటే కనుక చదరపు అడుగు సగటున రూ. 3050 చొప్పున 1000 చదరపు అడుగుల ఫ్లాట్ కి రూ. 30,50,000 అవుతుంది.

గమనిక: ఈ ధరలు అంతర్జాలంలో దొరికిన సమాచారం ఆధారంగా ఇవ్వబడింది. ఈ ధరల్లో మార్పులు ఉండచ్చు. అలానే పైన చెప్పబడిన ప్రాంతంలో ప్రాపర్టీ కొనే ముందు నిపుణుల సలహాలు, సూచనలు తీసుకోవాల్సిందిగా మనవి.