follow us:
బ్యాంక్ ఖాతాదారుల వివరాలు హ్యాకర్ల చేతికి చేరినట్లు వస్తున్న వార్తలు కలకలం రేపుతున్నాయి. ప్రస్తుతం ఈ వార్త బ్యాంకింగ్ రంగాన్ని కుదిపేస్తోంది. ఓ హ్యాకర్‌.. వినియోగదారులు వ్యక్తిగత వివరాలకు సంబంధించిన డేటాను డార్క్‌వెబ్‌లో పోస్టు చేయడంతోపాటు దానిని ఉచితంగా డౌన్లోడ్ చేసుకునేలా చేశాడు. లీకైన డేటాలో వినియోగదారులు వ్యక్తిగత వివరాలతో పాటు రుణ సమాచారం, లావాదేవీల పద్ధతులు, క్రెడిట్‌ స్కోర్లు సహా పలు ఇతర వివరాలు ఉన్నట్టు తెలుస్తోంది.
దేశంలోనే అతి పెద్ద ప్రైవేటు రంగ బ్యాంకైన హెచ్‌డీఎఫ్‌సీ ఖాతాదారులు ఆపదలో చిక్కుకున్నారు. వారి వ్యక్తిగత వివరాలకు సంబంధించిన డేటా లీకైంది. ఓ ప్రఖ్యాత హ్యాకర్‌ వినియోగదారులకు చెందిన 7.5 జీబీ డేటాను డార్క్‌వెబ్‌లో పోస్టు చేశారు. అయితే, ఆ హ్యాకర్‌ ఎప్పటిలా డబ్బులు డిమాండ్ చేయకుండా ఆ డేటాను ఉచితంగా డౌన్లోడ్ చేసుకునేలా చేశాడు. దీంతో కొందరు యూజర్లు వాటిని డౌన్లోడ్ చేసి సోషల్ మీడియాలో పోస్ట్ చేయడంతో.. వార్త క్షణాల్లోనే దేశమంతటా పాకింది. ఓ ప్రముఖ జాతీయ ఛానల్, లీకైన డేటాకు సంబంధించి స్క్రీన్ షాట్లను కథనంలో పొందుపరించింది.
లీకైన డేటాలో హెచ్‌డీఎఫ్‌సీ బ్యాంకు వినియోగదారుల పేర్లు, పుట్టిన తేదీలు, ఫోన్‌నంబర్లు, ఈ-మెయిల్‌, నివాస, శాశ్వత చిరునామాలు, పిన్‌కోడ్లు, వయస్సు, వైవాహిక స్థితి వంటి వ్యక్తిగత వివరాలతో పాటు ఉద్యోగ, రుణ సమాచారం, లావాదేవీల పద్ధతులు, క్రెడిట్‌ స్కోర్లు సహా పలు ఇతర వివరాలు ఉన్నట్టు ఆ హ్యాకర్‌ తన పోస్టులో పేర్కొన్నాడు. దాన్ని బలపర్చేలా కొన్ని ‘డేటా శాంపిళ్ల’ను కూడా పోస్టు చేశాడు. ఇవన్నీ ఉచితంగా డౌన్లోడ్ చేసుకునేందుకు సిద్ధంగా ఉన్నాయి. ఇప్పటికే కొందరు యూజర్లు వాటిని డౌన్లోడ్ చేసి సోషల్ మీడియాలో పోస్ట్ చేశారు. అయితే, ఈ ఆరోపణల్ని హెచ్‌డీఎఫ్‌సీ యాజమాన్యం ఖండించింది. తమ బ్యాంక్ నుంచి డాటా లీక్‌ అయ్యే చాన్సే లేదని, తమ సాఫ్ట్ వేర్ వ్యవస్థను ఇతరులు యాక్సెస్‌ చేసే అవకాశమే లేదని స్పష్టం చేసింది. ఈ విషయంపై.. మీ అభిప్రాయాలను కామెంట్ల రూపంలో తెలియజేయండి.
HDFC Bank fallen victim to #databreach? A hacker has posted few GB of HDFC Bank loan data on dark web. pic.twitter.com/ChSIAWo1ti
— Arti Singh (@artijourno) March 6, 2023
monitor bank systems and our ecosystems to ensure highest standards of data security and safety. -Ajay, Service Manager
— HDFC Bank Cares (@HDFCBank_Cares) March 7, 2023
