నెలకు రూ.210 కడితే రూ.5,000 పెన్షన్.. భారీగా చేరుతున్న జనం!

మనలో చాలామంది పేద, అట్టడగు, మధ్య తరగతి కుటుంబాలకు చెందిన వారిమే. సంపాదన అంతంత మాత్రమే ఉన్న మనం.. భవిష్యత్తు పొదుపు గురించి ఆలోచించడం అనేది కొంచెం కష్టమైన పనే. అయితే భవిష్యత్తు గురించి ఆలోచించని పక్షంలో ఇబ్బందులు ఎదుర్కొనే అవకాశాలు కూడా ఎక్కువే. చిన్న చిన్న పనులు చేసుకుంటూ ప్రస్తుతానికి కాలం వెళ్లదీస్తున్న మనం.. రేపొద్దున ఏదైనా జరిగితే, వయస్సు పై బడితే.. ఆర్థికంగా భరోసా లేకుంటే.. ఊహించడానికే కష్టం. అందుకే, ఇప్పటివరకు అజాగ్రత్తగా ఉన్న మనం ఇప్పటికైనా మేల్కోవాలి. ఎంతో కొంత మొత్తంలో పొదుపు గురుంచి ఆలోచించాలి. అలా.. ఆలోచించే వారికోసం సరైన పథకం అటల్ పెన్షన్ యోజన.

కేంద్ర ప్రభుత్వం.. పేదలు, నిరుపేదలు, అసంఘటిత రంగంలోని కార్మికుల కోసం 2015న అటల్ పెన్షన్ యోజన పథకాన్ని ప్రారంభించింది. ఇందులో 18 నుంచి 40 సంవత్సరాల వయస్సు గల వారు ఎవరైనా ఈ పథకంలో చేరవచ్చు. వారి వయస్సు 60 సంవత్సరాలు వచ్చేవరకు డబ్బులు కట్టాల్సి ఉంటుంది. మనం ఎంపిక చేసుకునే పెన్షన్ అమౌంట్.. రూ. 1,000, రూ. 2 వేలు, రూ. 3 వేలు, రూ. 4 వేలు, రూ. 5,000 ఇలా.. వీటిలో మనకు 60 సంవత్సరాల తరువాత ఎంత కావాలనుకుంటామో.. దానికి తగ్గట్టుగా డబ్బులు కట్టాల్సి ఉంటుంది.కాకుంటే.. ఇందులో కట్టాల్సిన అమౌంట్ వయసుకు తగ్గట్టుగా.. అంటే 18 సంవత్సరాల వారికీ ఒకలా.. 40 సంవత్సరాల వారికి ఒకలా ఉంటుంది. అర్థం కాలేదా.. మరోసారి చూడండి. ఇప్పుడు 18 సంవత్సరాల వయసులో ఈ పథకంలో చేరేవారు.. మరో 42 సంవత్సరాల పాటు చెల్లించాలి కనుక అమౌంట్ తక్కువుగా ఉంటుంది. అదే 40 సంవత్సరాల వయసులో ఈ పథకంలో చేరేవారు.. మరో 20 సంవత్సరాలు మాత్రమే కట్టాలి కనుక అమౌంట్ ఎక్కువుగా ఉంటుంది.

ఇది కూడా చదవండి: మీకు పదేళ్ల వయసున్న పిల్లలున్నారా.. ఈ ఖాతా తెరవండి నెలకు రూ.2500 లాభం..!

ఖాతాదారుడు(డబ్బులు కట్టే వ్యక్తి) ఏదైనా కారణంతో మరణిస్తే పింఛను వారి జీవిత భాగస్వామికి అందించబడుతుంది. ఇద్దరూ మరణిస్తే (ఖాతాదారుడు మరియు జీవిత భాగస్వామి) పింఛను మొత్తం నామినీకి అందజేయడం జరుగుతుంది. కొన్ని ప్రత్యేక సందర్బాలలో అంటే లబ్దిదారుడు మరణిస్తే లేదా నయంకాని వ్యాధితో బాధపడుతున్నట్లైతే 60 ఏళ్ళ కంటే ముందే పింఛను మొత్తాన్ని తీసుకునేందుకు అనుమతిస్తారు, లేకుంటే ముందస్తు చెల్లింపు అనుమతించబడదు. మరిన్ని వివరాలకు టోల్ ఫ్రీ నెంబర్ 1800 110 069 ను సంప్రదించగలరు.

ఇది కూడా చదవండి: ఖాతాదారులారా మిస్ కాకండి! 342 చెల్లిస్తే చాలు.. రూ.4 లక్షల ప్రయోజనం..!

18 సంవత్సరాల వయసులో..1000 రూపాయల పెన్షన్ కోసమైతే 42 రూపాయలు, 5000 పెన్షన్ కోసమైతే 210 రూపాయలు కట్టాల్సి ఉంటుంది. పూర్తి వివరాలను పట్టిక రూపంలో అందిస్తున్నాం గమనించగలరు.

atal pension yojana..at the age 18 years.. pic.twitter.com/si9cTQqBDP

— Govardhan Reddy (@gova3555) March 22, 2022

18 నుంచి 40 సంవత్సరాల వరకు కట్టాల్సిన అమౌంట్ వివరాలు..

atal pension yojana 18- 40 years.. pic.twitter.com/DpFvK6tjnJ

— Govardhan Reddy (@gova3555) March 22, 2022

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.