follow us:
హైదరాబాద్ లో గజాల్లో స్థలం కొనాలంటే కోట్లు అవుతుంది. గజం రూ. 50 వేల నుంచి రూ. లక్ష, రూ. 2 లక్షలు పైనే ఉంటాయి. 150 గజాల స్థలం కొనాలంటే సామాన్యులకు హైదరాబాద్ సూటవ్వదు కానీ వేరే ఏరియా ఉంది. టీసీఎస్, టాటా ఏరోస్పేస్ కంపెనీలు ఉన్న ఏరియాలో తక్కువ బడ్జెట్ లో ప్లాట్స్ అందుబాటులో ఉన్నాయి.
హైదరాబాద్ దక్షిణ ప్రాంతంలో డిమాండ్ ఉన్న ఏరియాల్లో ఆదిభట్ల ఒకటి. హైదరాబాద్ లో మరో ఐటీ, ఏరో స్పేస్ అండ్ డిఫెన్స్ హబ్ గా ఆదిభట్లను ప్రకటించడంతో ఇక్కడ రియల్ ఎస్టేట్ డిమాండ్ బాగా పెరిగిపోయింది. ఇన్ఫర్మేషన్ టెక్నాలజీ ఇన్వెస్ట్మెంట్ రీజియన్ లో ఉన్న ఆదిభట్లలో ఇప్పటికే టాటా ఏరోస్పేస్ సెజ్, టీసీఎస్ ఆదిభట్ల క్యాంపస్ కార్యకలాపాలను కొనసాగిస్తున్నాయి. ఆదిభట్లకు దగ్గరగా ఉన్న ప్రాంతాలు మన్నెగూడ, బొంగుళూర్. ఈ రెండు ఏరియాలు ఆదిభట్ల నుంచి 7 నుంచి 8 కి.మీ. దూరంలో ఉన్నాయి. శ్రీశైలం హైవే, సాగర్ హైవే, అవుటర్ రింగ్ రోడ్ కి చాలా దగ్గరలో ఉంది. ఆదిభట్లలో ఇప్పటికే పలు బిల్డర్ కంపెనీలు ప్రాజెక్టులను పూర్తి చేసి విక్రయిస్తున్నాయి. స్థలాలు, అపార్ట్మెంట్లు, ఇళ్ళు, విల్లాలు వంటివి కస్టమర్ అభిరుచికి తగ్గట్టు అందిస్తున్నాయి.
ఆదిభట్లలో కొన్ని చోట్ల చదరపు అడుగు రూ. 1550 నుంచి రూ. 2900 రేంజ్ లో ఉన్నాయి. ఇంకొన్ని చోట్ల రూ. 1500 నుంచి రూ. 2600 రేంజ్ లో ఉన్నాయి. గజం స్థలం రూ. 13,400, రూ. 13,950, రూ. 18,340, రూ. 23,300, రూ. 26,100 రేంజ్ లో ఉన్నాయి. అంటే 150 గజాల స్థలం కొనాలనుకుంటే కనుక రూ. 20,10,000 నుంచి రూ. 39,15,000 అవుతుంది. ఈ ఏరియాలో రూ. 20 లక్షలు, రూ. 27 లక్షలు, రూ. 39 లక్షల రేంజ్ లో 150 గజాల స్థలం దొరుకుతుంది. ఆదిభట్లలోనే తక్కువ ధర కలిగిన ప్రదేశాలు, ఎక్కువ ధర కలిగిన ప్రదేశాలు, యావరేజ్ ధర కలిగిన ప్రదేశాలు ఉన్నాయి. యజమానులు విక్రయిస్తున్న స్థలాలు కూడా ఉన్నాయి. చదరపు అడుగు రూ. 694, రూ. 919, రూ. 956, రూ. 1,111, రూ. 1320, రూ. 1556, రూ. 1,778, రూ. 2,000 చొప్పున విక్రయిస్తున్నారు.
20 లక్షల బడ్జెట్ లో 150 గజాల నుంచి 200 గజాల స్థలం కూడా అందుబాటులో ఉంది. 150 గజాలు అంటే 1350 చదరపు అడుగులు. ఈ స్పేస్ లో 3 బీహెచ్‌కే ఇల్లు కట్టుకోవచ్చు. 200 గజాల్లో అంటే 4 బీహెచ్‌కే ఇల్లు కట్టుకోవచ్చు. ఆదిభట్లలో 2013లో గజం రూ. 5,700 నుంచి 7,600 మధ్యలో ఉంటే ఈ పదేళ్లలో రూ. 13 వేల నుంచి 25 వేలకు చేరుకుంది. డబుల్ కంటే ఎక్కువ పెరిగింది. అంటే పదేళ్ల క్రితం పెట్టిన 8 లక్షల 55 వేలు పెట్టుబడి ఇప్పుడు రూ. 20 లక్షలు అయ్యింది. నాలుగేళ్లలో రూ. 11 లక్షల 50 వేలు లాభం వచ్చినట్టు. అంటే ఏడాదికి రూ. 1,15,000 లాభం వచ్చింది. కాబట్టి ఆదిభట్ల ప్రాంతం పెట్టుబడికి ఉత్తమ ఛాయిస్ అని చెప్పవచ్చు. ఇక్కడ ఐటీ హబ్ ఏర్పడితే హైటెక్ సిటీ, మాదాపూర్ రేంజ్ లో స్థలాల ధరలకు రెక్కలు వచ్చేస్తాయి.
గమనిక: ఈ ధరలు అంతర్జాలంలో దొరికిన సమాచారం ఆధారంగా ఇవ్వబడింది. ఈ ధరల్లో మార్పులు ఉండచ్చు. అలానే పైన చెప్పబడిన ప్రాంతంలో ప్రాపర్టీ కొనే ముందు నిపుణుల సలహాలు, సూచనలు తీసుకోవాల్సిందిగా మనవి.
