follow us:
‘బిగ్ బాస్ తెలుగు సీజన్‌ 6’ అట్టహాసంగా ప్రారంభై.. అంతే జోరుగా సాగుతోంది. మొదటి వారం కాదు.. మొదటి రోజు నుంచే హౌస్‌లో టాస్కులతో రచ్చ, గ్రూపుల రాజకీయం అన్నీ మొదలయ్యాయి. క్లాస్‌- మాస్‌- ట్రాష్‌ టాస్కుతో సభ్యుల మధ్య ఇప్పటికే చిచ్చు రాజుకుంది. ఎవరిని కదిలించినా నామినేషన్‌ కోసం రీజన్స్ వెతికేసుకుంటున్నారు. ఇప్పుడు ఉన్న ఇంటి సభ్యులు అందరిలో ఒక ఇద్దరు మాత్రం చాలా తెలివిగా, స్ట్రాటజీలు అప్లే చేస్తూ ఆడుతున్నారు. వాళ్లిద్దరే గలాటా గీతూ, యూట్యూబర్‌ ఆదిరెడ్డి. వాళ్లిద్దరికి బిగ్ బాస్ కొట్టిన పిండి. ఇప్పటికే ఎంతో మందిని, ఎన్నో ఎపిసోడ్స్‌ ని రివ్యూ చేస్తూ ఇక్కడి దాకా వచ్చారు. వారి ఎక్స్‌ పీరియన్స్‌ ఇక్కడ బాగా కనిపిస్తోంది.
గీతూ రాయల్‌ ఎంతో తెలివిగా కంటిన్యూగా కంటెంట్‌ ఇస్తూ వస్తోంది. మరోవైపు ఆదిరెడ్డి కూడా చాలా సమయస్ఫూర్తితో నిర్ణయాలు తీసుకుంటూ వస్తున్నాడు. మొదట ఈ టాస్కులో మాస్‌ సెక్షన్‌లో ఉన్న ఆదిరెడ్డి ఆ తర్వాత ఇనయా సుల్తానాతో టాస్క్‌ ఆడి క్లాస్‌ కేటగిరీలోకి వెళ్లాడు. ఆ సమయంలోనే ఆదిరెడ్డి ఐడియాలజీ అందరికీ అర్థమైంది. ఎలాఅంటే.. క్లాస్‌ లో ఉన్న ముగ్గురిలో ఒకర్ని సెలక్ట్‌ చేసి స్వాప్ అవ్వండి అంటూ ఆదిరెడ్డికి చెప్పారు. అయితే అలా చేసుంటే ఆదిరెడ్డి ఒకరి విషయంలో నెగెటివ్‌ అయ్యేవాడు. కానీ, అతను అలా చేయలేదు. అది మీరు డిసైడ్‌ చేసుకోవాలి. నేనుందుకు చేస్తానంటూ తెలివిగా నిర్ణయాధికారం వాళ్లకే ఇచ్చేశాడు. అలా ఆదిరెడ్డి ఎవరి ఫ్యాన్స్ దగ్గరా బ్యాడ్‌ కాకుండా ఉన్నాడు.
View this post on Instagram
మరోసారి ఆదిరెడ్డి మాస్టర్‌ ప్లాన్‌ వేశాడు. ఈసారి ఈ ప్లాన్‌తో మొదటి వారంలో బిగ్ బాస్ తెలుగు సీజన్‌ 6 ఫస్ట్ కెప్టెన్ కూడా అయ్యే అవకాశం లేకపోలేదు. రెండోసారి ట్రాష్‌ నుంచి క్లాస్‌ ఒక కంటెస్టెంట్‌ వచ్చేందుకు స్వాప్ చేయాల్సిన పరిస్థితి వచ్చింది. ఆ సమయంలో ఆర్జే సూర్య, బాలాదిత్యలతో తన మనసులో ఉన్నది క్లియర్‌గా చెప్పేశాడు. ఫస్ట్ వారం కెప్టెన్ అవ్వాలనుంది.. క్లాస్‌ ఉంటే అవకాశం ఉంటుంది కదా అని చెప్పుకొచ్చాడు. అందుకు ఓకే అని బాలాదిత్య, సూర్య మేమే వెళ్తాం.. ఒకళ్లని డిసైడ్‌ చెయ్యి అన్నారు. వారిలో బాలాదిత్యను ఆదిరెడ్డి సెలక్ట్‌ చేశాడు. ఎందుకంటే మొదటివారంలో బాలాదిత్య వెళ్లిపోడు కాబట్టి. అలా అక్కడ కూడా ఆదిరెడ్డి రివ్యూ నాలెడ్జ్‌ ఉపయోగపడింది.
View this post on Instagram
ఇంకో విషయం ఏంటంటే.. సాయంత్రం టాస్క్‌ పూర్తైన తర్వాత క్లాస్‌లో ఉన్న ముగ్గురు సభ్యలు కెప్టెన్సీ కంటెండర్లు అవుతారు. అప్పుడు ఆర్జే సూర్య, గీతూ రాయల్‌తో పోల్చుకుంటే.. ఫిజికల్ టాస్కులు వస్తే ఆదిరెడ్డికే ఎక్కువ అడ్వాంటేజ్‌ ఉంది. అదే జరిగి ఒక ఫిజికల్ టాస్క్‌ వస్తే ఆదిరెడ్డి తప్పకుండా బిగ్ బాస్ 6 మొదటివారం కెప్టెన్ అవ్వడం ఖాయం అవుతుంది. అంతేకాదు ఆదిరెడ్డిని కామన్‌ మ్యాన్‌ కేటగిరీ అన్నారు. సో కామన్‌ మ్యాన్‌ మొదటివారంలోనే కెప్టెన్ చేశామని చెపుకోవచ్చు కూడా. ఇది విన్ విన్ కాన్సెప్ట్‌ కాబట్టి దాదాపు ఆదిరెడ్డి మొదటి వారం కెప్టెన్ కావొచ్చు అనే టాక్‌ బాగా వినిపిస్తోంది. యూట్యూబర్‌ ఆదిరెడ్డి మొదటి కెప్టెన్ కాగలడా? మీ అభిప్రాయాలను కామెంట్స్ రూపంలో తెలియజేయండి.
View this post on Instagram
View this post on Instagram
