షాపింగ్‌ మాల్‌ కక్కుర్తి.. రూ.12 కోసం ఆశపడితే… 21 వేలు చెల్లించాల్సి వచ్చింది!

ప్రభుత్వం ప్లాస్టిక్‌ కవర్ల వినియోగం మీద నిషేధం విధించిన నాటి నుంచి దుకాణాలు, మాల్స్‌.. వాటికి చార్జ్‌ చేస్తున్నాయి. కొన్ని మాల్స్‌ ప్లాస్టిక్‌ కవర్ల స్థానంలో పేపర్‌, జ్యూట్‌ సంచులు తీసుకువచ్చాయి. అయితే వీటికి సుమారు 20 రూపాయల వరకు చెల్లించాల్సి వస్తుంది. ఇది వినియోగదారులకు భారంగా మారింది. కానీ తప్పడం లేదు. ఈ క్రమంలో ఓ వ్యక్తి క్యారీబ్యాగ్‌కు డబ్బులు తీసుకోవడం ఏంటని ప్రశ్నించడమే కాక.. కోర్టుకు వెళ్లాడు. అతడి వాదన విన్న కోర్టు.. షాపింగ్‌మాల్‌కు 21 వేల జరిమానా విధించింది. ఆ వివరాలు..

విశాఖలో న్యాయవాదిగా పనిచేస్తోన్న రామారావు 2019లో జూలై 14న ఓ షాపింగ్ మాల్‌కు వెళ్లి రూ. 628.96 విలువైన దుస్తులను కొనుగోలు చేశాడు. వాటికి బిల్లు చెల్లించే దగ్గర క్యాషియర్ క్యారీ బ్యాగ్‌లో బట్టలు పెట్టి…. ఆ క్యారీ బ్యాగ్ ధర రూ.12 చెల్లించాలని కోరాడు. అయితే ఆ డబ్బులను చెల్లించడానికి రామారావు నిరాకరించాడు. దీనిపై స్టోర్ మేనేజర్‌తో మాట్లాడగా క్యారీ బ్యాగ్‌ను ఉచితంగా ఇవ్వడానికి ఒప్పుకోలేదు. దాంతో రామారావు రూ.12లు చెల్లించి క్యారీ బ్యాగ్‌ తీసుకున్నాడు.

ఇది కూడా చదవండి: ఊరేగింపులో రాళ్లు విసిరాడంటూ చేతులు లేని వ్యక్తిపై కేసు!అయితే ఆ క్యారీ బ్యాగ్‌పై రెండు వైపులా షాపింగ్‌ మాల్‌కు సంబంధించిన యాడ్ ముద్రించి ఉంది. దానిని గమనించిన రామారావు షాపుకు సంబంధించిన ప్రకటన కోసం ఉపయోగించే క్యారీ బ్యాగ్‌కు ఛార్జ్ చేయడం చట్టవిరుద్ధమని స్టోర్ మేనేజర్‌కు చెప్పాడు. అయినా కూడా సదరు మేనేజర్‌.. రామారావుపైనే అరిచాడు. దాంతో రామారావు వినియోగదారుల కోర్టును ఆశ్రయించాడు. దానిపై విచారించిన కోర్టు ఒక క్యారీ బ్యాగ్‌కు 12 రూపాయలు వసూలు చేసినందుకు పరిహారంగా కస్టమర్‌కు రూ. 21,000 చెల్లించాలని ఆ షాపింగ్‌ మాల్‌ను ఆదేశించింది. అలాగే రామారావు దగ్గర నుంచి వసూలు చేసిన రూ.12లను కూడా తిరిగి ఇవ్వాలని, న్యాయపరమైన ఖర్చు కోసం రూ. 1,500 చెల్లించాలని రిటైలర్‌ను ఆదేశించింది.

ఇది కూడా చదవండి: 15 రూపాయలకే మూడు పూటల భోజనం..! ఎక్కడంటే

షాపుల్లో ఇచ్చే బ్యాగ్‌లపై బ్రాండ్ లోగోలు ముద్రించబడి ఉంటే అది కంపెనీకి ప్రచారం అవుతోంది. ఓ చట్టం ప్రకారం రిటైల్ దుకాణాలు వినియోగదారుల ఖర్చుతో తమ బ్రాండ్‌లను ప్రచారం చేయకూడదు. గత ఏడాది డిసెంబర్‌లో డిమార్ట్‌కు హైదరాబాద్ కన్స్యూమర్ కోర్టు ఇలాంటి తీర్పునే ఇచ్చింది. క్యారీ బ్యాగ్ కోసం మూడున్నర రూపాయలు వసూలు చేయడంతో కస్టమర్ కన్సూమర్స్ ఫోరంని ఆశ్రయించాడు. వెయ్యి రూపాయలు జరిమానా చెల్లించాలని ఆదేశించింది.

ఇది కూడా చదవండి: హెల్మెంట్ లేకుంటే చలాన్ వేయరు! ఎక్కడంటే..

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.