follow us:
ఇటీవల రోడ్డు ప్రమాదాలు ఎక్కువ జరుగుతున్న నేపథ్యంలో పోలీసులు వాహనదారులపై కొరడా ఝులిపిస్తున్నారు. ప్రత్యేక డ్రైవ్ ఏర్పాటు చేసి ట్రాఫిక్ నిబంధనలు ఉల్లంఘించినవారిపై కఠిన చర్యలు తీసుకుంటున్నారు.
ఈ మద్యకాలంలో ప్రతిరోజూ పదుల సంఖ్యల్లో రోడ్డు ప్రమాదాలు జరుగుతున్నాయి. డ్రైవర్ల నిర్లక్ష్యం, మద్యం సేవించి వాహనాలు నడపడం వల్లనే ఈ ప్రమాదాలు జరుగుతున్నాయని అధికారులు అంటున్నారు. డ్రంక్ అండ్ డ్రైవ్ పరీక్షలు నిర్వహించడం, ట్రాఫిక్ నిబంధనలు ఉల్లంఘించిన వారిపై కఠిన చర్యలు తీసుకోవడం లాంటివి చేస్తున్నారు అధికారు. ఎన్ని చర్యలు తీసుకుంటున్నా నిత్యం ఎక్కడో అక్కడ ప్రమాదాలు జరుగుతూనే ఉన్నాయి.. ఎంతో మంది అమాయకుల ప్రాణాలు గాల్లో కలిసిపోతున్నాయి. సాధారణంగా వాహనదారుల వద్ద ట్రాఫిక్ చెలాన్లు తనిఖీ చేసే సమయంలో విచిత్ర ఘటనలు చోటు చేసుకుంటాయి. అచ్చం అలాంటి ఘటనే విజయనగరం జిల్లాలో పోలీసులకు ఎదరైంది. వివరాల్లోకి వెళితే..
విజయనగరం జిల్లాలో ట్రాఫిక్ పోలీసులు నిబంధనలు ఉల్లంఘించిన వారిపై కొరడా ఝులిపించారు. ఈ క్రమంలో ఎక్కువ జరిమానాలు ఉన్న బైక్స్ పై దృష్టి సారించారు. ఈ నేపథ్యంలో పట్టణంలో ప్రత్యేక డ్రైవ్ నిర్వహించారు. సుమారు 163 వాహనదారుల వద్ద నుంచి చలానాలు వసూలు చేశారు. ఆ సమయంలో ట్రాఫిక్ పోలీసులకు మైండ్ బ్లాక్ అయ్యే సంఘటన ఎదురైంది. తనిఖీలు చేస్తున్న సమయంలో అటుగా వస్తున్న హీరో గ్లామర్ బైక్ ని ఆపి రికార్డ్స్ తనిఖీ చేశారు. డ్రైవింగ్ లైసెన్స్, బైక్ సీబుక్, బైక్ ఇన్స్యూరెన్స్ తో పాటు ఇతర డాక్యుమెంట్లు తనిఖీ చేయగా అవి అందుబాటులో లేవని చెప్పాడు. అదే సమయంలో బైక్ పై ఉన్న చలాన్లు చూసి ఒక్కసారిగా అవాక్కయ్యారు పోలీసులు.
ఆ బైక్ పై ఒకటి కాదు రెండు కాదు.. ఏకంగా 93 చలాన్లు ఉండటంతో ట్రాఫిక్ పోలీసులకు మైండ్ బ్లాంక్ అయ్యింది. ఆ చలాన్లు అన్నీ ఆటోమెటిక్ ఈ చలానా సిస్టమ్ ద్వారా పడ్డాయి. ఒకటికి రెండు సార్లు చెక్ చేసిన పోలీసులు ఇన్ని ఫైన్స్ పడాలే వాహనాన్ని ఎలా నడిపావ్ అని ప్రశ్నించారు. చలాన్ లీస్ట్ చూసి కంగారు పడ్డ వాహనదారుడు తాను ఎలాంటి తప్పు చేయలేదని.. ఆ బండి ఇటీవల సెకండ్ హ్యాండ్ లో కొనుగోలు చేశానని జరిమానాలు పెండింగ్ ఉన్న విషయం తనకు తెలియదని వాపోయాడు. ఇవన్నీ మాకు అనవసరం.. చాలాన్లు కట్టాలని ట్రాఫిక్ పోలీసులు అన్నారు.
మొదట ఖంగారు పడ్డ వాహనదారుడు తన బైక్ పై అన్ని చలాన్లు చూసి నిర్ఘాంతపోయాడు. ట్రాఫిక్ పోలీసులతో సార్ ఈ బైక్ అమ్మినా కూడా ఫైన్స్ కట్టేంత డబ్బు రాదు.. నేను చేయని తప్పుకు ఎలా డబ్బు కట్టాలి? చలాన్ కట్టడం నా వల్ల కాదు అంటే నిరాశగా తన బండిని అక్కడే వదిలేసి వెళ్లిపోయాడు. చేసేదేమి లేక పోలీసులు చట్ట ప్రకారం బైక్ ని సీజ్ చేసి పోలీస్ స్టేషన్ కి తరలించారు. ఈ సందర్భంగా పోలీసులు మాట్లాడుతూ.. సెకండ్ హ్యాండ్ బండి కొనేవారు, వాహన యజమాని వద్ద డాక్యూమెంట్స్ క్లీయర్ గా ఉన్నాయా లేవా అని చెక్ చేసుకోవాలి. సదరు వాహనంపై చలాన్లు ఏమైనా పెండింగ్ ఉన్నాయా? అన్న విషయం తెలుసుకోవాలి.. అవి పూర్తయితేనే కొనుగోలు చేయాలి అన్ని చెబుతున్నారు. అలా కాకుండా తక్కువ ధరకు వస్తుందని కదా అని కొనుగోలు చేస్తే తర్వాత తీవ్ర పరిణామాలు ఎదుర్కోవాల్సి వస్తుందని హెచ్చరించారు.
