తిరుమల శ్రీవారికి భారీ విరాళం..

తిరుమల శ్రీవారిని దర్శించుకునేందుకు ప్రపంచ నలుమూలల నుంచి భక్తులు వస్తుంటారు. ఇక శ్రీవారి ఆలయానికి వచ్చే విరాళల గురించి ప్రత్యేకంగా చెప్పాల్సిన పని లేదు. నిత్యం ఎందరో భక్తులు.. స్వామి వారికి ధనం, బంగారం విరాళంగా ఇస్తారు. తాజాగా ఓ భక్తురాలు తిరుమల శ్రీవారికి భారీ విరాళం ఇచ్చారు. టీటీడీకి 9 కోట్ల 20 లక్షల భారీ విరాళాన్ని అందించారు. చెన్నైలోని మైలాపూర్‏కు చెందిన రేవతి విశ్వనాథం అనే మహిళ.. ఆమె సోదరి డాక్టర్ పర్వతం కన్నుమూయడంతో ఆమె జ్ఞాపకార్థం సోదరి ఆస్తిని టీటీడీకి విరాళంగా ఇచ్చారు.

ఇందులో రూ. 3 కోట్ల 20 లక్షల రూపాయల నగదు కాగా.. రూ. 6 కోట్లు రూపాయల విలువైన రెండు ఇళ్లు ఉన్నాయి. ఈ మొత్తం విరాళాన్ని శ్రీవారి ఆలయంలోని రంగనాయకుల మండపంలోని టీటీడీ బోర్డ్ చైర్మన్ వైవీ సుబ్బారెడ్డికి రేవతి విశ్వనాథం అందచేశారు. భక్తురాలు ఇచ్చిన విరాళంలో రూ. 3 కోట్ల 20 లక్షల నగదును చిన్న పిల్లల ఆసుపత్రికి వినియోగించనున్నారు. దీనిపై మీ అభిప్రాయాలను కామెంట్స్‌ రూపంలో తెలియజేయండి.