వైరల్ అవుతున్న రోజా ట్వీట్.. ఇంతకీ ఏ విషయంలో!

విశాఖలో గ్లోబల్ ఇన్వెస్టర్స్ సమ్మిట్ జరగనున్న సంగతి తెలిసిందే. రేపటి నుంచి ప్రారంభం కానున్న ఈ సదస్సు నిర్వహణను ఆంధ్రప్రదేశ్ ప్రభుత్వం ప్రతిష్టాత్మకంగా తీసుకుంది. కేంద్ర మంత్రలతో పాటుగా 26 దేశాల నుంచి ప్రతినిధులు ఈ సమ్మిట్​లో హాజరుకానున్నారు. ఇప్పటికే ప్రభుత్వం వారి ఆతిథ్యానికి సంబంధించిన ఏర్పాట్లను పూర్తి చేసింది. ఈ సదస్సు ద్వారా దాదాపు రెండు లక్షల కోట్ల మేర పెట్టుబడులను ఆహ్వానించాలని ఏపీ ప్రభుత్వం టార్గెట్​గా పెట్టుకుంది. ఈ సదస్సుపై అందరిలోనూ మంచి ఆసక్తి కనిపిస్తోంది. అలాంటి ఈ సమయంలో ప్రతిష్టాత్మక సదస్సు నిర్వహణ వేళ మంత్రి రోజా సోషల్ మీడియాలో వేదికగా చేసిన ఓ ట్వీట్ వైరల్ అవుతోంది. పక్క రాష్ట్రాలకు ధీటుగా వైజాగ్​ను తీర్చిదిద్దుతామని మంత్రి రోజా అన్నారు.

‘ఢిల్లీ వాడు వెక్కిరించినా.. మద్రాస్ వాడు వెళ్లగొట్టినా.. హైదరాబాద్ వాడు గెంటేసినా.. మా కాళ్ల మీద మేం నిలబడుతున్నాం. పక్క రాష్ట్రాల రాజధానులకు ధీటుగా మా వైజాగ్​ను తీర్చిదిద్దుతాం. నిజమైన ఆంధ్రోడు’ అని రోజా ట్వీట్ చేశారు. అందరికీ వైజాగ్ స్వాగతం చెబుతోందని రోజా పేర్కొన్నారు. ఈ ట్వీట్​కు ఓ వీడియోను జత చేశారు. అందులో అడ్వాంటేజ్ ఏపీ పేరుతో సదస్సు వేళ ఏపీ సర్కారు సాధించిన విజయాలను వివరించారు. అలాగే రాష్ట్రంలో పెట్టుబడుల అవకాశాలను అందులో వెల్లడించారు. ఈజ్​ ఆఫ్ డూయింగ్ బిజినెస్​లో ఏపీ ఫస్ట్ ప్లేసులో నిలవడం.. 11.43 శాతంతో డబుల్ డిజిట్ గ్రోత్ సాధించడం లాంటి అంశాలను వివరించారు. ఈ ట్వీట్ ద్వారా ఆంధ్రప్రదేశ్​కు రాజధాని వైజాగ్​ అని ఆమె మరోసారి చెప్పకనే చెప్పారు. ఈ ట్వీట్ సోషల్ మీడియాలో వైరల్ అవుతోంది. మరి.. రోజా ట్వీట్​పై మీ అభిప్రాయాలను కామెంట్ల రూపంలో తెలియజేయండి.

ఢిల్లీ వాడు వెక్కిరించినా

మద్రాస్ వాడు వెళ్లగొట్టినా

హైదరాబాద్ వాడు గెంటేసినా

మా కాళ్ళ మీద మేము నిలబడుతున్నాం…

పక్క రాష్ట్రాల రాజధానులకు ధీటుగా మా వైజాగ్ ను తీర్చి దిద్దుతాం

– నిజమైన ఆంధ్రోడు 💪

VIZAG WELCOMES YOU 💐#YSJaganMarkGovernance#AdvantageAP #APGIS2023 pic.twitter.com/Br24qIafHc

— Roja Selvamani (@RojaSelvamaniRK) March 2, 2023