follow us:
Viral Video: వైద్యో నారాయణో హరి అన్నారు పెద్దలు. వైద్యుడంటే దైవంతో సమానం అని దానర్థం. ఈ సృష్టిలో వైద్యుడనే వాడు లేకపోతే.. మనుషులు, చాలా జీవులు కూడా చిన్న చిన్న రోగాలకు ప్రాణాలు కోల్పోవలిసి వస్తుంది. ప్రాణాలతో బతకరు అనుకున్న ఎంతో మందికి వైద్యులు ప్రాణం పోశారు. నిండు నూరేళ్ల ఆయుష్సును ప్రసాదించారు. తాజాగా, ఓ రోగి తన కళ్ల ముందు గుండె పోటుతో పడిపోగా.. ఓ డాక్టర్ సీపీఆర్‌ చేసి ప్రాణం పోశాడు. ఈ సంఘటన మహారాష్ట్రలో ఆలస్యంగా వెలుగుచూసింది. వివరాల్లోకి వెళితే..
మహారాష్ట్రలోని కోల్హాపూర్‌కు చెందిన ఓ వ్యక్తి కొద్దిరోజుల క్రితం గుండెకు సంబంధించిన అనారోగ్యంతో అర్జున్‌ అద్‌నాయక్‌ అనే డాక్టర్ దగ్గరకు వెళ్లాడు. రోగితో పాటు మరో వ్యక్తి అతడికి తోడుగా వెళ్లాడు. డాక్టర్ ముందు రోగి, రోగితో పాటు వెళ్లిన వ్యక్తి కుర్చీలలో కూర్చుని ఉన్నారు. రోగి తన పరిస్థితి డాక్టర్‌కు చెప్పాడు. డాక్టర్ అర్జున్‌ రోగికి సంబంధించిన వివరాలను రాస్తూ ఉన్నాడు. ఇంతలో రోగి కూర్చున్న కుర్చీలోనే వెనక్కు తల వాల్చాడు. అది గమనించిన డాక్టర్ వెంటనే స్పందించాడు. పరుగున తన కుర్చీలోంచి రోగి దగ్గరకు వెళ్లాడు.
ఇక, ఏమాత్రం ఆలస్యం చేయకుండా రోగి గుండెలపై మెల్లగా గుద్దుతూ సీపీఆర్‌ చేశాడు. కొద్దిసేపటి తర్వాత రోగి కోలుకున్నాడు. మామూలు స్థితిలోకి వచ్చాడు. ఇక, ఈ సంఘటనకు సంబంధించిన వీడియోను రాజ్యసభ ఎంపీ ధనుంజయ్‌ మహాధిక్‌ తన ట్విటర్‌ ఖాతాలో షేర్‌ చేశాడు. ప్రస్తుతం ఈ వీడియో సోషల్‌ మీడియాలో వైరల్‌గా మారింది. డాక్టర్ చేసిన పనిని నెటిజన్లు కొనియాడుతున్నారు. తగిన సమయంలో స్పందించి పేషంట్‌ ప్రాణాలు కాపాడినందుకు ప్రశంసలు కురిపిస్తున్నారు. మరి, రోగి ప్రాణాలు కాపాడిన డాక్టర్ అర్జున్‌పై మీ అభిప్రాయాలను కామెంట్ల రూపంలో తెలియజేయండి.
This video shows an example of a real life hero living in our midst. Dr. Arjun Adnaik, one of the best cardiologists, from Kolhapur saving a patient’s life. I applaud such honourable and virtuous heroes. pic.twitter.com/Gd9U2ubldJ
— Dhananjay Mahadik (@dbmahadik) September 5, 2022
ఇవి కూడా చదవండి : వీడియో: వైన్స్ లో దొంగతనానికి వెళ్లి.. మందు కొట్టి పడిపోయారు!
