ED విచారణలో కవితకు ఎదురైన ప్రశ్నలు ఇవే!

ఢిల్లీ లిక్కర్ స్కామ్ వ్యవహారంలో ఎమ్మెల్సీ కవిత ఈడీ తాజా విచారణ ముగిసింది. శనివారం ఉదయం 11 గంటలకు ఈ విచారణ మొదలుకాగా.. దాదాపు 9 గంటలకుపైగా అంటే రాత్రి 8 గంటల వరకు అది కొనసాగింది. సాయంత్రం 5:30 గంటలకే విచారణ పూర్తి కావాల్సి ఉన్నప్పటికీ.. సడన్ గా ఆ సమయాన్ని అధికారులు పెంచేశారు. రూల్ ప్రకారం అయితే సాయంత్రం 6 గంటలకే కవిత విచారణ ముగియాల్సింది. కానీ లేట్ కావడంతో కవిత అరెస్ట్ తప్పదా అని బీఆర్ఎస్ శ్రేణులు కంగారు పడ్డాయి. అయితే ఆమె బయటకు రావడంతో అంతా ఊపిరిపీల్చుకున్నారు. కవిత బయటకు రావడానికి ముందు ఈడీ ఆఫీస్ దగ్గర నుంచి పార్టీ శ్రేణుల్ని దూరంగా పంపించేశారు.

ఇక విషయానికొస్తే.. కవితని శనివారం 9 గంటలపాటు విచారించిన ఈడీ అధికారులు, ఈ నెల 16న మరోసారి విచారణకు రావాలని ఆదేశించారు. తాజాగా జరిగిన ఎంక్వైరీలో పూర్తిగా కవిత మొబైల్ ఫోన్లు ధ్వంసం చేస్తున్నట్లు వచ్చిన ఆరోపణలు, స్కామ్ లో సౌత్ గ్రూప్ పాత్రపై విచారించారని తెలుస్తోంది. అరుణ్ పిళ్ళై రిమాండ్ రిపోర్ట్ ఆధారంగా కవితపై ఈడీ అధికారులు ప్రశ్నల వర్షం కురిపించినట్లు తెలుస్తోంది. అయితే తాజాగా విచారణలో మాత్రం కవితని ఏమేం ప్రశ్నలు అడిగారనేది కాస్త ఇంట్రెస్టింగ్ గా మారింది. కవితని అడిగిన ప్రశ్నలు ఇవేనంటూ కొన్ని సోషల్ మీడియాలో చక్కర్లు కొడుతున్నాయి. ఇంతకీ అవేంటి? వాటి సంగతేంటి అనేది ఇప్పుడు చూద్దాం. అలానే ఈ ప్రశ్నలన్నీ కూడా సమచారం మాత్రమే. మరోసారి విచారణకు రావాలని ఆదేశించిన నేపథ్యంలో ఏం జరుగుతుందోనని అందరూ మాట్లాడుకుంటున్నారు.

ED విచారణలో కవితకు ఎదురైన ప్రశ్నలు

1. ఢిల్లీ మద్యం పాలసీలో మార్పులు చేసింది మీరేనా? అని కవితని ఈడీ అధికారులు ప్రశ్నించినట్లు తెలుస్తోంది.
2. ఈ మార్పులు చేర్పులు వెనక ఎవరెవరి పాత్ర ఉంది? మనీష్ సిసోడియాతో పరిచయం ఎలా? అని అడిగారు.
3. ఢిల్లీ ప్రభుత్వానికి-సౌత్ గ్రూప్ కు మధ్యవర్తి మీరేనా? అని కవితని క్వశ్చన్ చేశారు.
4. ఢిల్లీ మద్యం వ్యాపారంతో మీకున్న సంబంధం ఏంటి?
5. లిక్కర్ స్కామ్ లో మీ పాత్ర ఉందా లేదా?
6. అరుణ్ రామచంద్ర పిళ్లై మీకు బినామీనా కాదా?
7. మీ ప్రతినిధి అని పిళ్లై చెప్పిన విషయంలో నిజమెంత?
8. పిళ్లైకు మీకు మధ్య ఆర్థిక లావాదేవీలు ఏమైనా జరిగాయా?
9. రామచంద్రతో వ్యాపారం చేస్తే నాతో చేసినట్లే అని మీరు చెప్పలేదా?
10. సౌత్ గ్రూప్ తో మీకున్న సంబంధం ఏంటి? అని కవితని ఈడీ అధికారులు అడిగినట్లు తెలుస్తోంది.
11. ఛార్టెడ్ ఫ్లైట్ లో వెళ్లి రూ.130 కోట్లు లంచం మీరిచ్చారా?
12. ఈ మొత్తం డబ్బు మీకు ఎక్కడి నుంచి వచ్చింది?
13. ఛార్టెడ్ ఫ్లైట్ మీకు ఎవరు అరేంజ్ చేశారు?
14. లిక్కర్ స్కామ్ లో ఆరోపణలు ఎదుర్కొంటున్న వారిలో ఎవరినైనా మీరు కలిశారా?
15. ఫేస్ టైంలో మీరు సమీర్ మహేంద్రుతో మాట్లాడారా లేదా?
16. శరత్ చంద్రారెడ్డిని ఎన్నిసార్లు కలిశారు? అని కవితని ఈడీ అధికారులు విచారించారు.
17. శరత్ చంద్రతో రెగ్యులర్ గా మాట్లాడాల్సిన అవసరం ఏంటి?
18. ఆధారాలు మాయం చేసేందుకు సెల్ ఫోన్లు ధ్వంసం చేశారా?
19. సెల్ ఫోన్స్ ఎందుకు ధ్వంసం చేశారు?
20. గోరంట్ల బుచ్చిబాబుతో మీకున్న సంబంధం ఏంటి? అని కవితను ఈడీ అధికారులు విచారించినట్లు తెలుస్తోంది.