లాంచ్ అవ్వకముందే 2 లక్షల బుకింగ్స్.. Xiaomi అద్భుతమైన ఫీచర్స్!

ప్రపంచంలో రోజురోజుకి టెక్నాలిజీ ఎంతగా అభివృద్ధి చెందుతుందో.. అంతే వేగంగా గ్లోబల్ మార్కెట్ లో అత్యాధునిక ఫీచర్లతో స్మార్ట్ ఫోన్స్ లాంచ్ అవుతున్నాయి. ఆపిల్ మొదలుకొని అన్ని బ్రాండ్స్ మార్కెట్ లోకి కొత్త మోడల్స్ ని రిలీజ్ చేస్తున్నాయి. ప్రస్తుతం ఆ జాబితాలో ఆపిల్ తర్వాత చైనాకు చెందిన షావోమీ రెండవ స్థానంలో ఉంది. షావోమీ నుంచి Mi, Redmi స్మార్ట్ ఫోన్లు ప్రపంచవ్యాప్తంగా ఫేమ్ లోకి వచ్చేశాయి. అతిత్వరలో షావోమీ నుండి 12 సిరీస్ రిలీజ్ కాబోతుంది. Xiaomi 12, Xiaomi 12 Pro ఫోన్లు డిసెంబర్ 28న చైనాలో అందుబాటులోకి రానున్నట్లు తెలుస్తుంది. అందుకు ఈ స్మార్ట్ ఫోన్స్ లాంచింగ్ ముందే ప్రీ ఆర్డర్లకు అవకాశం కల్పించింది షావోమీ.

అయితే.. ఇప్పటివరకు 2 లక్షలకు పైగా ప్రీ ఆర్డర్లు వచ్చినట్టు ఓ నివేదిక తెలిపింది. ప్రస్తుతానికి ఈ ప్రీ ఆర్డర్లు అనేక ఈ కామర్స్ వెబ్ సైట్లలో జరుగుతుందట. నిజానికి Xiaomi 12 స్మార్ట్ ఫోన్ కి సంబంధించి ‘TMall‘, ‘JD.com‘లలో 18,000 – 80,000 మధ్య రిజర్వేషన్స్ తో 98,000 రిజర్వేషన్స్ జరిగాయని.. ఇక Xiaomi 12 Pro కి సంబంధించి TMall, JD.comలలో 21,000 – 92,000 రిజర్వేషన్స్ తో 1లక్ష 10వేలకు పైగా ప్రీ-ఆర్డర్స్ వచ్చినట్టు సమాచారం.

Xiaomi 12 – 12Pro సిరీస్:

ఈ స్మార్ట్‌ఫోన్ 120Hz రిఫ్రెష్ రేట్‌తో 2K డిస్‌ప్లేను కలిగి ఉంది. సాధారణ OLED డిస్‌ప్లేల కంటే E5 AMOLED ప్యానెల్ తక్కువ శక్తిని ఇస్తుంది. ఈ డివైజ్‌లో రిఫ్రెష్ రేట్ వేరియబుల్ 1Hz వరకు తక్కువగా ఉండనుంది. దీని ప్రాసెసర్ చూస్తే.. స్నాప్‌డ్రాగన్ 8 Gen 1 చిప్‌సెట్‌తో వస్తుంది. 12GB మాక్సిమం RAMతో, 512GB ఆన్‌ బోర్డ్ ఇంటర్నల్ స్టోరేజీతో రాబోతుంది. MIUI 13తో Android 12 ఆపరేటింగ్ సిస్టమ్ పై రన్ అవుతుందని తెలుస్తుంది. ఈ 12Pro స్మార్ట్ ఫోన్ ఎక్కువసేపు గేమింగ్ ఆడినా డివైజ్ హీటింగ్‌ కంట్రోల్ చేయగలదని తెలిపింది కంపెనీ.టిప్‌ స్టర్ (Evan Blass) Xiaomi 12 సిరీస్ స్మార్ట్ ఫోన్ రిలీజ్ చేయనుంది. గతంలో వచ్చిన సిరీస్ మోడల్స్ కంటే ఈ డిజైన్‌ భిన్నంగా ఉంటుందట. బ్యాక్ సైడ్ పొడవాటి కెమెరా సెట్ కలిగి ఉంది. ఇందులో ట్రిపుల్ రియర్ కెమెరాలు, LED ఫ్లాష్ ఉన్నాయి. ఫ్రంట్ సైడ్‌లో సెంట్రల్ పంచ్-హోల్ డిస్‌ప్లే వస్తుంది. Xiaomi 12 స్మార్ట్ ఫోన్ ప్రైమరీ కెమెరా 50-MPతో రాబుతుందట. 67W ఫాస్ట్ ఛార్జింగ్‌తో 4500mAh బ్యాటరీ సామర్థ్యంతో Xiaomi 12 సిరీస్ రాబోతుంది.

ప్రైమరీ రియర్ కెమెరాలో న్యూ Sony IMX707 సెన్సార్‌ను ఉపయోగించిన మొదటి ఫోన్ ఇదే అంటుంది కంపెనీ. కెమెరా సెన్సార్ స్పెసిఫికేషన్లలో.. 50 మెగాపిక్సెల్ రిజల్యూషన్, 1/1.28-అంగుళాల సెన్సార్ సైజ్, 1.22μm పిక్సెల్ సైజ్, 2.44um ఫ్యూజన్ పిక్సెల్స్ ఉన్నాయని తెలిపింది. చూడాలి మరి త్వరలోనే ఇండియాలో అందుబాటులోకి రానుందేమో! మరి Mi న్యూ ఫీచర్స్ పై మీ అభిప్రాయాలను కామెంట్స్ చేయండి.