follow us:
Maruti Alto K10:దేశీయ ఆటోమొబైల్ సంస్థ మారుతి సుజుకి సరికొత్త కార్లను అందుబాటులోకి తీసుకువచ్చింది. మారుతి ఆల్టో కె10 పేరుతో వీటిని విడుదల చేసింది. సామాన్యుడికి సైతం అందుబాటులో ఉండేలా తక్కువ ధరల్లో వీటిని తీసుకొచ్చింది. ప్రారంభ ధర రూ. 3.99 లక్షలు కాగా, టాప్ వేరియంట్ ధర రూ. 5.84 లక్షలు(ఎక్స్-షోరూమ్). మొత్తం ఆరు వేరియంట్లలో విడుదల చేసింది కంపెనీ. వీటిలో నాలుగు మ్యాన్యువల్‌ కాగా, మరో రెండు ఆటోమేటిక్‌ వేరియంట్లు ఉన్నాయి.
ప్రస్తుతమున్న ఆల్టో 800 అప్ డేటెడ్ వర్షన్ గా ఆల్టో కె10 డిజైన్‌ను రూపొందించింది. ఇందులో కొత్త స్వెప్ట్‌బ్యాక్‌ హాలోజన్‌ హెడ్‌ల్యాప్‌లు, సుజుకీ బ్యాడ్జ్‌పైన ఉన్న పెద్ద సింగిల్-పీస్‌గ్రీన్‌ వంటివి ఉన్నాయి. ముందు భాగంలో బంపర్‌ కూడా సరికొత్తగా తయారు చేసింది కంపెనీ. ఆల్టో కె10 లోపలి భాగం చాలా వరకు నలుపు రంగులో ఫినిష్ చేయబడి ఉంది. ఆల్టో కె10.. 998సీసీ, త్రీ సిలిండర్ పెట్రోల్ ఇంజన్ 5,500 ఆర్‌పిఎమ్ వద్ద 66 బిహెచ్‌పి శక్తిని, 3,500 ఆర్‌పిఎమ్ వద్ద 89 ఎన్ఎమ్ శక్తిని విడుదల చేస్తుంది. మైలేజీ విషయానికొస్తే లీటర్‌కు 24.9 కిలోమీటర్ల సర్టిఫైడ్ మైలేజీని అందిస్తుంది.
మారుతి ఆల్టో కె10 వేరియంట్స్ – ధరలు(ఎక్స్-షోరూమ్)
మారుతి ఆల్టో కె10.. మొత్తం 6 కలర్స్ లో అందుబాటులో ఉంది. సాలిడ్ వైట్, సిల్కీ సిల్వర్, గ్రానైట్ గ్రే, సిజ్లింగ్ రెడ్, స్పీడీ బ్లూ మరియు ఎర్త్ గోల్డ్. అలాగే.. కె10లో రెండు కస్టమైజేషన్ ప్యాకేజీలు కూడా అందుబాటులో ఉన్నాయి. ఒకటి గ్లింటో, మరొకటి ఇంపాక్టో. సేఫ్టీ ఫీచర్స్ పరంగానూ ఇందులో 15 కి పైగా సేఫ్టీ ఫీచర్స్ అందుబాటులో ఉన్నాయి. మొత్తం మీద కొత్త ఆల్టో కె10 చాలా ఆధునికంగా కనిపిస్తోంది. తప్పకుండా వినియోగదారులను ఆకర్షిస్తుంది.
The new Maruti #AltoK10 is here. Prices: ₹3.99-5.83 lakh. 1.0 k-series petrol engine with manual and AMT options. How do you like its looks?
(Previous gen #Alto800 to continue as is in the market.)
SVP#hatchback #entryhatch #smallcar #MarutiSuzuki #SuzukiAlto #marutialto pic.twitter.com/GDb3qCYYDU— Siddharth Vinayak Patankar (@sidpatankar) August 18, 2022
