ఈ ఎలక్ట్రిక్ స్కూటర్ల ధర 50 వేలకంటే తక్కువే!

దేశంలో పెట్రోల్, డీజిల్ ధరలు ఆకాశాన్ని అంటుతున్నాయి. ప్రతి రోజూ ఎంతో కొంత మొత్తంలో ధరలు పెంచుతూ ఆయిల్ కంపెనీలు సామాన్యులకు చుక్కలు చూపిస్తున్నాయి. దీంతో చాలామంది ఎలక్ట్రిక్ స్కూటర్ల వైపు దృష్టి పెడుతున్నారు. కానీ, ఎలక్ట్రిక్ స్కూటర్ అంటే.. ధర ఎక్కువేమో అన్నది అందరి అభిప్రాయం. అలాంటి వారికి ఈ వార్త శుభవార్తగానే చెప్పవచ్చు. కేవలం 50 వేలు లేదా అంతకంటే.. తక్కువ ధరకు అందుబాటులో ఉన్న కొన్ని ఎలక్ట్రిక్ బైకుల సమాచారాన్ని మీకు అందిస్తున్నాం.

బౌన్స్ ఇన్ఫినిటీ E1

హైదరాబాద్‌లో బౌన్స్ ఇన్ఫినిటీ E1 ప్రారంభ ధర రూ. 45,099. ఇందులో 1500 వాట్ సామర్థ్యం గల బ్యాటరీ ఇస్తున్నారు. ఒక్కసారి ఛార్జ్‌ చేస్తే 85 కిలోమీటర్ల మైలేజీ ఇస్తుంది. ఈమోడల్ లో టాప్ వేరియంట్ ధర రూ.79,999.

హీరో ఎలక్ట్రిక్ ఫ్లాష్

హీరో ఎలక్ట్రిక్ ఫ్లాష్ ప్రారంభ ధర రూ. 46,640. ఇందులో 48 వోల్ట్స్, 30 ఆంప్స్.. 250 వాట్ సామర్థ్యం గల బ్యాటరీ ఇస్తున్నారు. ఒక్కసారి ఛార్జ్‌ చేస్తే 85 కిలోమీటర్ల మైలేజీ ఇస్తుంది. ఈమోడల్ లో టాప్ వేరియంట్ ధర రూ. 56,940.

కొమాకి XGT KM

కొమాకి XGT KM ప్రారంభ ధర రూ. 46,640. ఇందులో 60 వోల్ట్స్, 20- 30 ఆంప్స్.. 250 వాట్ సామర్థ్యం గల బ్యాటరీ ఇస్తున్నారు. ఒక్కసారి ఛార్జ్‌ చేస్తే 85 కిలోమీటర్ల మైలేజీ ఇస్తుంది.

ఒకినావా రిడ్జ్

ఒకినావా రిడ్జ్ ప్రారంభ ధర రూ. 47,980. వినియోగదారుల హృదయాలను గెలుచుకున్న ఈ స్కూటర్.. ఒక్కసారి ఛార్జ్‌ చేస్తే 84 కిలోమీటర్ల మైలేజీ ఇస్తుంది.

ఆంపియర్ రియో

ఆంపియర్ రియో ప్రారంభ ధర రూ. 42,490. ఇందులో 48 వోల్ట్స్, 27 ఆంప్స్.. 250 వాట్ సామర్థ్యం గల బ్యాటరీ ఇస్తున్నారు. ఒక్కసారి ఛార్జ్‌ చేస్తే 60 కిలోమీటర్ల మైలేజీ ఇస్తుంది.

వీటితో పాటు మరిన్ని ఎలక్ట్రిక్ స్కూటర్లు తక్కువ ధరకే అందుబాటులో ఉన్నాయి.

• హీరో ఎలక్ట్రిక్ డాష్ రూ. 50,000 – 62,000
• అవాన్ ఇ స్కూట్ రూ. 45,000
• అవాన్ ఇ లైట్ రూ. 28,000
• రాఫ్తార్ ఎలక్ట్రికా రూ. 48,540
• అవాన్ ఇ ప్లస్ రూ. 25,000
• అవాన్ ఇ మేట్ రూ. 45,000