Wanindu Hasaranga: ప్రపంచ రికార్డ్ ని సమం చేసిన హసరంగా.. తొలి ప్లేయర్ ఎవరంటే?

శ్రీలంక స్టార్ స్పిన్నర్ హసరంగా గురించి ప్రత్యేకంగా పరిచయం అవసరం లేదు. ఫార్మాట్ ఏదైనా ఎక్కడ లీగ్ జరిగినా.. జట్టు విజయంలో కీలక పాత్ర పోషిస్తాడు. ఎంతటి బ్యాటర్ ని అయినా సరే వారి బౌలింగ్ తో ముప్పుతిప్పలు పెట్టగలిగే అతి కొద్ది మందిలో హసరంగా ఒకడు. గత కొంత కాలంగా ప్రపంచ క్రికెట్ లో తానేంటో నిరూపించుకుంటూ వస్తున్నాడు. ఈ క్రమంలో ఎన్నో రికార్డులు నెలకొల్పిన ఈ లెగ్ స్పిన్నర్..తాజాగా వన్డేల్లో ఏకంగా ప్రపంచ రికార్డ్ ని నమోదు చేసాడు. వన్డే చరిత్రలో ఇప్పటివరకు ఈ రికార్డ్ కేవలం పాకిస్థాన్ బౌలర్ పేరిట మాత్రమే ఉంది. తాజాగా అతని సరసన చేరిపోయాడు హసరంగా. ఇంతకీ నెలకొల్పిన ప్రపంచ రికార్డ్ ఏంటి? ఆ బౌలర్ ఎవరో ఇప్పుడు చూద్దాం.

భారత్ వేదికగా అక్టోబర్ లో ప్రపంచ కప్ జరగనున్న సంగతి తెలిసిందే. ఈ ప్రపంచ కప్ కి ఇప్పటికే కొని జట్లు నేరుగా అర్హత సాధించగా.. మరో 10 జట్లు రెండు గ్రూప్ లుగా విడిపోయి మ్యాచులు ఆడుతున్నాయి. ఇందులో భాగంగా నిన్న జరిగిన శ్రీలంక, ఐర్లాండ్ జట్ల మధ్య జరిగిన మ్యాచులో స్పిన్నర్ హసరంగా 5 వికెట్లు తీసి సత్తా చాటాడు. ప్రతి మ్యాచులో అదిరిపోయే ప్రదర్శన చేస్తున్న హసరంగా.. ఇలా 5 వికెట్ల ప్రదర్శన చేయడం ఇది వరుసగా మూడో సారి. దీంతో వరుసగా మూడు సార్లు 5 వికెట్లు తీసుకొని వన్డేల్లో పాకిస్థాన్ స్పీడ్ బౌలర్ వకార్ యూనిస్ రికార్డ్ ని సమం చేసాడు. ఇక ఇప్పటికే మూడు మ్యాచులు ఆడిన మొత్తం 16 వికెట్లతో క్వాలిఫయర్ మ్యాచుల్లో ప్రధమ స్థానంలో నిలిచాడు.

ఇక మ్యాచ్ విషయానికి వస్తే మొదట బ్యాటింగ్ చేసిన శ్రీలంక 325 పరుగులు చేసింది. ఓపెనర్ కరుణ రత్నే(103) సెంచరీతో చెలరేగగా.. సమర విక్రమ(82) అర్ధ సెంచరీతో రాణించాడు. చివర్లో ధనుంజయ డిసిల్వా(42) మెరుపులు మెరిపించాడు. ఇక లక్ష్య ఛేదనలో ఐర్లాండ్ జట్టు 192 పరుగులకే ఆలౌట్ అయింది. జట్టులో ఎవరో కూడా అర్ధ సెంచరీ చేయలేదు. 39 పరుగులు చేసిన కాంఫర్ హైయెస్ట్ స్కోరర్. హసరంగా 5 వికెట్లతో రాణించాడు. మొత్తానికి వరుసగా మూడు సార్లు 5 వికెట్లు తీసి ప్రపంచ రికార్డ్ నెలకొల్పిన హసరంగా రికార్డ్ పై మీ అభిప్రాయాలను కామెంట్ల రూపంలో తెలపండి.

Wanindu Hasaranga’s third consecutive five-for puts Sri Lanka in the Super Six as Ireland’s #CWC23 hopes end!

📝 #SLvIRE: https://t.co/U7ra1VHfI0 pic.twitter.com/JLoXvcMCMV

— ICC (@ICC) June 25, 2023