Yashasvi Jaiswal: సెంచరీ చేసి బూతులు తిట్టిన జైస్వాల్.. కోహ్లీ ఏం చేసాడో తెలుసా?

వెస్టిండీస్ తో టెస్టు సిరీస్ ద్వారా తొలి సారి టీమిండియాలోకి అడుగుపెట్టాడు యశస్వి జైస్వాల్. ఇప్పటికే ఫస్ట్ క్లాస్ క్రికెట్, ఐపీఎల్ లో రాణించిన ఈ ముంబై కుర్రాడు తన అంతర్జాతీయ కెరీర్ ని భారీ సెంచరీతో గ్రాండ్ గా ప్రారంభించాడు. విండీస్ తో జరుగుతున్న తొలి టెస్టులో 143 పరుగులు చేసి అజేయంగా నిలిచాడు. ఈ క్రమంలో ఎన్నో రికార్డులను తన ఖాతాలో వేసుకున్నాడు. జైస్వాల్ ఊపు చూస్తుంటే మూడో రోజు సింపుల్ గా డబల్ సెంచరీ చేసేలా కనిపిస్తున్నాడు. ఈ నేపథ్యంలో ఈ కొత్త కుర్రాడి మీద సర్వత్రా ప్రశంసలు కురిపిస్తున్నారు. ఇంతవరకు బాగానే ఉన్నా.. జైస్వాల్ చేసిన ఒక పని ఇప్పుడు చర్చనీయాంశమైంది. గ్రౌండ్ లో బూతులు తిడుతూ తిడుతూ కనిపించాడు. దీనికి కారణమేంటో ఇప్పుడు చూద్దాం.

ప్రస్తుతం జైస్వాల్ కెరీర్ లోనే అత్యున్నత ఫామ్ లో ఉన్నాడు. మ్యాచ్ ఎక్కడ, ఎవరితో అని చూడకుండా పరుగుల వరద పారిస్తున్నాడు. అయితే జైస్వాల్ ఆట చూడడానికి కాస్త ప్రశాంతంగానే కనపడినా.. వ్యక్తిగతంగా చాల దూకుడు స్వభావం కలవాడని చాలా కొద్ది మందికే తెలుసు. ఆటతో పాటు ప్రవర్తనలో అగ్రేషన్ చూపిస్తూ కొన్ని సార్లు కెమెరాకు చిక్కేస్తాడు. గతేడాది రంజీ మ్యాచులో భాగంగా జైస్వాల్ ప్రత్యర్థి ఆటగాడి మీదకు దూసుకెళ్తే కెప్టెన్ రహానే జైస్వాల్ కి బుద్ధి చెప్పాడు. తాజాగా విండీస్ తో రెండో రోజు ఆటలో సెంచరీ చేసి మంచి జోరు మీదున్న రోచ్ మీద నోరు పారేసుకున్నాడు. జైస్వాల్ వ్యక్తిగత స్కోర్ 133 పరుగుల వద్ద రన్ కోసం వెళ్తున్నాడు.

విండీస్ ఫాస్ట్ బౌలర్ కీమర్ రోచ్ జైస్వాల్ పరుగు తీస్తున్న సమయంలో పిచ్ మీద అడ్డం వస్తుండడంతో .. హిందీలో ఏవో బూతులు తిట్టాడు. పైగా కోహ్లీకి ఫిర్యాదు కూడా చేసాడు. దీనికి కోహ్లీకి స్పందిస్తూ ఎవరు? అని జైస్వాల్ ని అడగడం వీడియోలో కనపడింది. ఇక మ్యాచ్ విషయానికి వస్తే రెండో రోజు ఆట ముగిసేసరికి టీమిండియా 2 వికెట్లకు 312పరుగులు చేసింది. కెప్టెన్ రోహిత్ శర్మ సెంచరీ చేసి అవుట్ కాగా.. గిల్ సింగిల్ డిజిట్ కే పరిమితమయ్యాడు. ప్రస్తుతం క్రీజ్ లో విరాట్ కోహ్లీ(36), సెంచరీ హీరో జైస్వాల్ (143) ఉన్నారు. మరి ఈ చిన్నపాటి వివాదంపై మీ అభిప్రాయాలను కామెంట్ల రూపంలో తెలపండి.

yashasvi jaiswal scolding kemar roach in hindi #YashasviJaiswal #ViratKohli𓃵 #INDvsWI pic.twitter.com/2dhX4VrliH

— Sayyad Nag Pasha (@nag_pasha) July 14, 2023