స్టార్‌ క్రికెటర్‌కు కరోనా పాజిటివ్‌! తర్వాతి టెస్ట్‌కు దూరం

ప్రపంచ వ్యాప్తంగా కరోనా కొత్త రకం ఓమిక్రాన్‌ వ్యాప్తితో కల్లోలం రేగుతోంది. ఈ కరోనా సెగ ఇప్పుడు క్రికెటర్లకు కూడా తాకింది. యాషెస్ సిరీస్‌లో ఉన్న ఇంగ్లండ్ జ‌ట్టు స్టాఫింగ్ స్టాఫ్‌లోని ఏడుగురు స‌భ్యులు ఇప్పటికే క‌రోనా బారిన ప‌డ‌గా.. తాజాగా ఆస్ట్రేలియా స్టార్ బ్యాట‌ర్ ట్రావియస్‌ హెడ్‌కు క‌రోనా సోకింది. ఈ విష‌యాన్ని క్రికెట్ ఆస్ట్రేలియా అధికారికంగా ప్ర‌క‌టించింది. కాగా హెడ్‌కు ఎటువంటి క‌రోనా ల‌క్ష‌ణాలు లేవు. ప్ర‌తి రోజూ టీమ్ మొత్తానికి నిర్వ‌హించే క‌రోనా టెస్టుల్లో భాగంగా హెడ్‌ను కూడా ప‌రీక్షించ‌గా పాజిటివ్‌గా నిర్దార‌ణ అయింది. దీంతో హెడ్ వారం రోజులపాటు భార్య‌తో క‌లిసి మెల్‌బోర్న్‌లోనే ఐసోలేష‌న్‌లో ఉండ‌నున్నాడు.

జ‌న‌వరి 5 నుంచి సిడ్నీ వేదిక‌గా జ‌రిగే నాలుగో టెస్టు మ్యాచ్‌కు హెడ్ దూరం కానున్నాడు. హెడ్‌తో స‌న్నిహితంగా మెలిగిన కార‌ణంగా ఆస్ట్రేలియా కెప్టెన్ పాట్ క‌మిన్స్ రెండో టెస్ట్ మ్యాచ్‌కు దూర‌మైన సంగ‌తి తెలిసిందే. ఇప్ప‌టివ‌ర‌కు జ‌రిగిన యాషెస్ సిరీస్‌లో ట్రావియ‌స్ హెడ్ స‌త్తా చాటాడు. ఆస్ట్రేలియా 3-0తో సిరీస్ గెలుచుకోవడంలో కీల‌క పాత్ర పోషించాడు. బ్రిస్బేన్ వేదిక‌గా జ‌రిగిన తొలి టెస్ట్‌లో హెడ్ 148 బంతుల్లోనే 152 ప‌రుగులు చేసి ఆస్ట్రేలియా మ్యాచ్ గెల‌వ‌డంలో కీల‌క పాత్ర పోషించాడు. మరి క్రికెటర్లకు కరోనా సోకడంపై మీ అభిప్రాయాలను కామెంట్ల రూపంలో తెలియజేయండి.

Australian batter Travis Head has tested positive to Covid-19 following a routine PCR test.

As a precautionary measure Mitchell Marsh, Nic Maddinson and Josh Inglis have joined the Australian squad as additional cover.

Full statement 👇 pic.twitter.com/1j6o80qZJI

— Cricket Australia (@CricketAus) December 31, 2021