భారీ స్కోర్‌ చేసి ఓడిన బంగ్లాదేశ్! ప్రతీకారం తీర్చుకున్న శ్రీలంక

ఆసియా కప్‌లో శ్రీలంక సూపర్‌ ఫోర్‌కు చేరింది. తప్పక గెలవాల్సిన నాకౌట్‌ లాంటి మ్యాచ్‌లో బంగ్లాదేశ్‌ను రెండు వికెట్ల తేడాతో ఓడించింది. దీంతో నిధాస్‌ ట్రోఫీ సెమీ ఫైనల్‌లో బంగ్లాదేశ్‌ చేతిలో ఎదురైన ఓటమికి బదులు తీర్చుకుంది. విశేషం ఏమిటంటే ఆ మ్యాచ్‌లో శ్రీలంక కూడా రెండు వికెట్ల తేడాతో ఓడింది. ఇప్పుడు ఆవే రెండు వికెట్ల తేడాతో విజయం సాధించింది. ఇప్పటికే గ్రూప్‌ బీ నుంచి అఫ్ఘనిస్థాన్‌ సూపర్‌ ఫోర్‌కు చేరుకోగా.. గురువారం జరిగిన మ్యాచ్‌లో బంగ్లాపై గెలుపుతో శ్రీలంక సూపర్‌ ఫోర్‌కు క్వాలిఫై అయింది. చివరి వరకు ఉత్కంఠభరితంగా సాగిన ఈ మ్యాచ్‌లో బంగ్లా తొలుత భారీ స్కోర్‌ చేసినా.. బౌలింగ్‌లో ఒత్తిడికి గురై గెలవాల్సిన మ్యాచ్‌ను చేజార్చుకుంది. చివరి ఓవర్‌లో నోబాల్స్‌ బంగ్లా కొంప ముంచాయి.

ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్‌ నిర్ణీత 20 ఓవర్లలో 7 వికెట్లు కోల్పోయి 183 పరుగుల భారీ స్కోర్‌ సాధించింది. బంగ్లా బ్యాటర్లలో మెహిదీ హసన్ మీర్జా 26 బంతుల్లో 2 ఫోర్లు, 2 సిక్స్‌లతో 38, అఫిఫ్ హోస్సేన్ 22 బంతుల్లో 4 ఫోర్లు, 2 సిక్స్‌లతో 39 పరుగులు చేసి రాణించారు. చివరర్లో మొసద్దెక్ హోస్సేన్ 9 బంతుల్లో 4 ఫోర్లుతో 24 పరుగులతో మెరుపు ఇన్నింగ్స్‌ ఆడి నాటౌట్‌గా నిలిచాడు. లంక బౌలర్లలో హసరంగా, కరణరత్నే రెండేసి వికెట్లు పడగొట్టారు. దిల్లాన్, మహీశ థీక్షణ, ఫెర్నాండో తలో వికెట్ తీసుకున్నారు.

బంగ్లా నిర్దేశించిన 184 పరుగుల భారీ లక్ష్యచేధనకు దిగిన శ్రీలంక 19.2 ఓవర్లలో 8 వికెట్లకు 184 పరుగులు చేసి గెలుపొందింది. కుశాల్ మెండీస్ 37 బంతుల్లో 4 ఫోర్లు, 3 సిక్స్‌లతో 60 పరుగులు చేసి అదరగొట్టాడు. డసన్ షనక 33 బంతుల్లో 3 ఫోర్లు, 2 సిక్సర్లతో 45 కీలక ఇన్నింగ్స్ ఆడాడు. చివర్లో లంక టెయిలండర్లు సైతం విలువైన పరుగులు చేయడంతో ఆసియా కప్‌లో లంక సూపర్‌ ఫోర్‌కు దూసుకెళ్లింది. ఇక​ బంగ్లాదేశ్‌ బౌలర్లలో ఇబాదత్‌ హోస్సెన్ మూడు వికెట్లు తీయగా.. టస్కిన్ అహ్మద్ రెండు పడగొట్టాడు. ముస్తాఫిర్ రెహ్మాన్, మెహ్‌దీ హసన్ చెరొక వికెట్ తీసుకున్నారు.

నోబాల్స్‌ కొంపముంచాయి..
మంచి టార్గెట్‌ ఇచ్చి కూడా బంగ్లాదేశ్‌ బౌలింగ్‌లో చేసిన తప్పిదాలతో ఈ మ్యాచ్లో ఓటమి పాలైంది. చివర్లో విజయానికి 12 బంతుల్లో 25 పరుగులు కావాల్సిన సమయంలో 19వ ఓవర్‌ వేసిన ఇబాదత్‌ ఒక నో బాల్‌, ఒక వైడ్ వేసి ఆ ఓవర్‌లో ధారళంగా పరుగులు ఇచ్చిచాడు. 19వ ఓవర్‌లో ఏకంగా 16 పరుగులు రావడంతో ఆఖరి ఓవర్‌లో 9 పరుగులు అవసరమయ్యాయి. చివరి ఓవర్‌లో కూడా నో బాల్ వేసిన బంగ్లాదేశ్ బౌలర్‌ మూల్యం చెల్లించుకున్నాడు.

హైలెట్‌గా నిలిచిన నాగినీ డాన్స్‌..
నాకౌట్‌ లాంటి మ్యాచ్‌లో బంగ్లాదేశ్‌పై చివరి వరకు ఉత్కంఠగా సాగిన మ్యాచ్‌లో గెలవడంతో.. శ్రీలంక ఆటగాళ్లు నాగినీ డాన్స్‌తో సంబురాలు చేసుకున్నారు. నిజానికి నాగినీ డాన్స్‌ బంగ్లా ఆటగాళ్ల ట్రేడ్‌ మార్క్‌ డాన్స్‌. 2018లో నిధాస్‌ ట్రోఫ్రీ సెమీస్‌లో శ్రీలంకపై రెండు వికెట్ల తేడాతో గెలిచిన బంగ్లా ఆటగాళ్లు మైదానంలో నాగినీ డాన్స్‌తో రచ్చ రచ్చ చేశాడు. ఇప్పుడు ఆసియా కప్‌ నాకౌట్‌లో బంగ్లాను ఇంటికి పంపిన శ్రీలంక ఆటగాళ్లు వారి స్టైల్‌లోనే నాగినీ డాన్స్‌తో రచ్చ చేశారు. ప్రస్తుతం శ్రీలంక ఆటగాడు నాగినీ డాన్స్‌ చేస్తున్న వీడియో సోషల్‌ మీడియాను ఊపేసుంది. మరి ఈ మ్యాచ్‌లో శ్రీలంక విజయంపై, నాగినీ డాన్స్‌పై మీ అభిప్రాయాలను కామెంట్ల రూపంలో తెలియజేయండి.

ఇది కూడా చదవండి: కోహ్లీకి కోపం తెప్పించినోడే.. ఇప్పుడు అరుదైన గౌరవం పొందాడు!

Wining moment for srilanka!

#BANVSSL #BANvSL #AsiaCupT20 pic.twitter.com/MzsoPmqIqt

— Madhav Singh 💙 (@Send4Singh) September 1, 2022

Snake Biting Finish 😂 #BANVSSL pic.twitter.com/i8BEPeHoqz

— SR Cricket Fantasy (@CricketFantasyS) September 1, 2022

Nagin dance!#karma#BANvsSL#SLvsBAN#Asiacup pic.twitter.com/OMAZxUzAHf

— Team11 Prediction (@Team11P) September 1, 2022

Always a peaceful to watch bangladesh losing in tight compitition.

Ab Karo nagin dance.#AsiaCupT20#BANVSSL pic.twitter.com/pos1dQVxXE

— Deepak Visani (@idee2499) September 1, 2022