షకీబ్‌ అల్‌ హసన్‌కు గాయం! అంబులెన్స్‌లో హుటాహుటిన ఆస్పత్రికి..

బంగ్లాదేశ్‌ టెస్టు కెప్టెన్‌ షకీబ్‌ అల్‌ హసన్‌ గాయంతో ఆస్పత్రి పాలయ్యాడు. భారత్‌తో టెస్టు సిరీస్‌ ఆరంభానికి ఒక్క రోజు ముందు షకీబ్‌ గాయపడటంతో బంగ్లాదేశ్‌ క్రికెట్‌ అభిమానులు ఆందోళన చెందుతున్నారు. టెస్టు సిరీస్‌ కోసం సిద్ధమవుతున్న షకీబ్‌.. మంగళవారం ప్రాక్టీస్‌ సెషల్‌లో గాయపడటంతో వెంటనే అంబులెన్స్‌లో హుటాహుటిన ఆస్పత్రికి తరలించినట్లు సమాచారం. కీలక టెస్టు సిరీస్‌కు ముందు తమ కెప్టెన్‌ ఆస్పత్రిలో చేరడంతో బంగ్లాదేశ్‌ టీమ్‌ సైతం ఆందోళన చెందుతోంది. షకీబ్‌ బంగ్లా టీమ్‌కు కెప్టెనే కాకా.. మిడిల్డార్‌లో కీలక బ్యాటర్‌. అలాగే బౌలింగ్‌తోనూ మ్యాచ్‌ను తిప్పేయగల స్టార్‌ ఆల్‌రౌండర్‌. అలాంటి ప్లేయర్‌ లేకుండా బంగ్లాదేశ్‌ టెస్టు సిరీస్‌లో రాణించడం కష్టమే అంటున్నారు క్రికెట్‌ అభిమానులు.

అయితే.. షకీబ్‌కు పెద్ద గాయం ఏమీ కాలేదని.. బుధవారం చిట్టాగాంగ్‌లో ప్రారంభం కానున్న తొలి టెస్టు కోసం నెట్స్‌లో బ్యాటింగ్‌ ప్రాక్టీస్‌ చేస్తుండగా.. తొడ కండారు పట్టేయడంతో అతన్ని ఆస్పత్రికి తీసుకెళ్లినట్లు బంగ్లాదేశ్‌ టీమ్‌ మేనేజ్‌మెంట్‌ తెలిపింది. అయితే.. అందుబాటులో వేరే వాహనాలు లేకపోవడంతో.. స్డేడియంలో ఉండే అంబులెన్స్‌లో షకీబ్‌ను ఆస్పత్రికి తరలించామని.. పెద్దగా కంగారు పడాల్సిన పనిలేదని వారు వెల్లడించారు. ఆటగాళ్లు ప్రాక్లీస్‌ సమయంలో, ఆటలో కండాలు పట్టేయడం సర్వసాధారణ విషయమే అయినా.. టీమ్‌ ఫిజియో ఉండగా కూడా ఆస్పత్రికి తరలించడంపై అనుమానాలు వ్యక్తం అవుతున్నాయి. షకీబ్‌కు పెద్దగా అయిందా? టీమ్‌ మేనేజ్‌మెంట్‌ దాస్తుందా? అంటూ బంగ్లా ఫ్యాన్స్‌ సోషల్‌ మీడియా వేదికగా సందేహాలు వ్యక్తం చేస్తున్నారు.

అయితే ఇప్పటికే పటిష్టమైన టీమిండియాను మూడు వన్డేల సిరీస్‌లో 2-1తో తేడాతో ఓడించిన బంగ్లాదేశ్‌.. మంచి జోరుమీదుంది. రోహిత్‌ శర్మ, విరాట్‌ కోహ్లీ, కేఎల్‌ రాహుల్‌ లాంటి హేమాహేమీలు ఉన్న టీమిండియాను ఓడించడంతో బంగ్లాదేశ్‌ ఆటగాళ్ల ఆత్మ విశ్వాసం రెట్టింపు అయింది. ఇదే ఊపులో టెస్టు సిరీస్‌లోనూ సత్తా చాటాలని భావిస్తున్నారు. పైగా.. టీమిండియా రెగ్యులర్‌ కెప్టెన్‌ రోహిత్‌ శర్మ గాయం కారణంగా తొలి టెస్టుకు దూరం కావడం కూడా బంగ్లాకు కలిసి వచ్చింది. దీంతో ఇదే అదునుగా టెస్టు సిరీస్‌ గెలిస్తే.. బంగ్లా చరిత్ర సృష్టించడం ఖాయం. మరి.. షకీబ్‌ తొలి టెస్టు ఆడతాడా? లేదా? అనే విషయంపై ఇంకా స్పష్టత లేదు. తొలి టెస్టులో షకీబ్‌ ఆడకపోతే.. ఆ ప్రభావం బంగ్లా టీమ్‌పై ఏ మేరకు ఉంటుందో.. కామెంట్ల రూపంలో తెలియజేయండి.

The Two Captains – @klrahul & Shakib Al Hasan pose with the silverware ahead of the two-match Test series.#BANvIND pic.twitter.com/IlcH39MncZ

— BCCI (@BCCI) December 12, 2022