ఒక్క సెంచరీ తర్వాత రమీజ్ రాజాకు కౌంటర్ ఇచ్చిన సర్ఫరాజ్ అహ్మద్!

సాధారణంగా ఏ ఒక్క మ్యాచ్ తోనో, ఏ ఒక్క సిరీస్ తోనో ఆటగాడి సామర్థ్యాన్ని గుర్తించడం తగదు. ఒక్క మ్యాచ్ లో అతడు విఫలం అయినంత మాత్రాన.. అతడు తక్కువ స్థాయి ఆటగాడు అని నిర్థారణకు రాకుడదు. గతంలో ఇలాంటి నిర్ధారణకే వచ్చాడు మాజీ పీసీబీ ఛైర్మన్ రమీజ్ రాజా. కొన్ని మ్యాచ్ లు విఫలం అయిన సర్ఫరాజ్ అహ్మద్ పై ఆటగాడిగా నీ కెరీర్ ముగిసిపోయింది అని అన్నాడు. ఆ వ్యాఖ్యలను అలాగే మనసులో పెట్టుకున్నాడు సర్ఫరాజ్. తాజాగా న్యూజిలాండ్ తో జరిగిన టెస్ట్ సిరీస్ లో అద్భుతంగా రాణించాడు సర్ఫరాజ్. రిజ్వాన్ స్థానంలో జట్టులోకి వచ్చిన అతడు రెండు టెస్టుల్లో పోరాటపటిమను కనబర్చాడు. ఈ క్రమంలోనే సెంచరీ తర్వాత రమీజ్ రాజాకు కౌంటర్ ఇచ్చాడు సర్ఫరాజ్.

సర్ఫరాజ్ అహ్మద్.. న్యూజిలాండ్ తో జరిగిన రెండు టెస్ట్ మ్యాచ్ ల్లో హీరోగా నిలిచాడు. ఈ రెండు మ్యాచ్ లు డ్రాగా ముగిసినప్పటికీ.. సర్ఫరాజ్ మాత్రం అద్భుతంగా రాణించాడు. తొలి టెస్ట్ లో రెండు అర్దశతకాలు చేసిన సర్ఫరాజ్.. రెండు టెస్ట్ లో కూడా మెరిశాడు. తొలి ఇన్నింగ్స్ లో 78 పరుగులు చేసిన ఇతను.. రెండో ఇన్నింగ్స్ లో 118 పరుగులు చేసి పాక్ ను ఓటమి నుంచి తప్పించాడు. ఇక మ్యాచ్ అనంతరం ప్రెస్ కాన్ఫరెన్స్ లో రమీజ్ రాజా పేరు ఎత్తకుండానే పరోక్షంగా అతడిపై కౌంటర్ వేశాడు సర్ఫరాజ్. ఆటగాడిగా నీ కెరీర్ ముగిసిపోయింది అన్నాడు రమీజ్. దీనిపై నీ స్పందన ఏంటి? అని విలేకరులు ప్రశ్నించారు.

What an incredible comeback!

Sarfaraz Ahmed, what a player!👏

📸: SonyLiv#CricTracker #SarfarazAhmed #PAKvNZ pic.twitter.com/AhZ0sghHHH

— CricTracker (@Cricketracker) January 6, 2023

ఈ ప్రశ్నకు సర్ఫరాజ్ సమాధానం చెప్తు..”నాకు ముందు నుంచి సరైన వ్యక్తుల సహకారం ఉంది. అలాగే మీడియా ప్రోత్సాహం కూడా ఉంది. వారితో పాటుగా కుటుంబ సభ్యుల సహకారంతోనే నేను కెరీర్ లో ఇక్కడిదాక వచ్చాను” అంటూ చెప్పుకొచ్చాడు సర్ఫరాజ్. అంటే పరోక్షంగానే రమీజ్ నుంచి ఎటువంటి సహకారం లేదని చెప్పుకొచ్చాడు సర్పరాజ్. తన మాటల్లో రమీజ్ పేరు రాకుండానే సమాధానం చెప్పాడు. ఇక నాలుగు సంవత్సరాల తర్వాత కివీస్ తో టెస్ట్ సిరీస్ ద్వారా టీమ్ లోకి రీ ఎంట్రీ ఇచ్చాడు సర్ఫరాజ్. చీఫ్ సెలక్టర్ గా అఫ్రిదీ రాగానే రిజ్వాన్ ను పక్కన పెట్టి సర్ఫరాజ్ ను జట్టులోకి తీసుకున్నాడు. దాంతో అఫ్రిదీపై విమర్శలు వచ్చాయి. ఆ విమర్శలన్నింటికి తాజాగా తన బ్యాట్ తోనే సమాధానం ఇచ్చాడు సర్ఫరాజ్ అహ్మద్.

Sarfaraz Ahmed’s press conference following the drawn Test in Karachi.#PAKvNZ | #TayyariKiwiHai
https://t.co/oSRFkM3L2k

— Pakistan Cricket (@TheRealPCB) January 6, 2023