Ross Taylor: నా తిండి చూసి సెహ్వాగ్‌ నాకో సలహా ఇచ్చాడు: రాస్‌ టేలర్‌

రాస్‌ టేలర్‌ తన ఆత్మకథలో ఆసక్తికర విషయాలు వెల్లడిస్తున్నాడు. 2022 ఏప్రిల్‌లో తన 16 ఏళ్ల క్రికెట్ కెరీర్‌కు ముగింపు పలికిన తర్వాత టేలర్ తన ఆత్మకథగా ‘రాస్‌ టేలర్‌ బ్లాక్ & వైట్’ అనే పుస్తకం రాసుకున్నాడు. తన జీవితంలో, కెరీర్‌లో జరిగిన ముఖ్యమైన ఘట్టాలను, ఆసక్తికరమైన ఎన్నో విషయంలో ఆ పుస్తకంలో వెల్లడించాడు. ఇప్పటికే న్యూజిలాండ్‌ డ్రెస్సింగ్‌ రూమ్‌ జాత్యహంకారం, ఐపీఎల్‌లో రాజస్థాన్ రాయల్స్ ఓనర్‌ తనపై టేలర్‌పై చేసుకున్న విషయాలు సంచలనంగా మారాయి.

తాజాగా వీరేంద్ర సెహ్వాగ్‌కు తనకు మధ్య జరిగిన ఒక విషయాన్ని టేలర్‌ తన పుస్తకంలో పేర్కొన్నాడు. 2012లో ఢిల్లీ డేర్‌డెవిల్స్ జట్టుకు ఆడుతున్న సమయంలో తాను పరుగులు చేయలేక ఇబ్బందిపడుతున్న సమయంలో టీమిండియా డాషింగ్‌ ఓపెనర్‌ వీరేంద్ర సెహ్వాగ్ తనకు ఓ అదిరిపోయే ఐడియా ఇచ్చాడని టేలర్‌ వెల్లడించాడు. రొయ్యలు తినేటప్పుడు ఎలా ఆస్వాదిస్తూ తింటావో అలాగే బ్యాటింగ్ చేయమని టేలర్‌కు సెహ్వాగ్ సలహా ఇచ్చాడు.

‘మేము ఓ రోజు సెహ్వాగ్‌తో పాటు రెస్టారెంట్‌‌కు వెళ్లాం. ఫుట్ బాల్ మ్యాచ్ చూస్తూ అక్కడున్న వంటకాలను ఎంతో ఇష్టంగా తింటున్నాం. వంటకాలన్నీ అద్భుతంగా ఉండటంతో ఎంత తింటున్నామో కూడా తెలియలేదు. ముఖ్యంగా ప్రాన్స్‌ను నేను ఎంతో ఇష్టంగా తిన్నాను. ఒక వైపు తింటూనే మరోవైపు ఫుట్‌బాల్‌ మ్యాచ్‌లో లీనమైపోయాను. అదే టైమ్‌లో సెహ్వాగ్ నన్ను గమనించినట్లున్నాడు. వీడేంటి పందిలా మెక్కుతున్నాడని బహుశా అతను అనుకోని ఉండొచ్చేమో(సరదాగా). అయిన సెహ్వాగ్ నన్ను గమనిస్తున్న విషయాన్ని నేను గ్రహించలేదు’ అని టేలర్ వెల్లడించాడు.

‘మరుసటి రోజు మ్యాచ్‌లో సెహ్వాగ్ ఒక్కడే దంచికొడుతున్నాడు. వేలంలో నాకు భారీగా ధర దక్కడంతో ఎలాగైనా పరుగులు చేయాలనే ఒత్తిడిలో కాస్త భయపడ్డాను. నేను ఒత్తిడితో బ్యాటింగ్ చేస్తుండగా.. సెహ్వాగ్ అవతలి ఎండ్‌లో నుంచి వచ్చి చాలా రిలాక్స్‌గా.. రాస్ ఇబ్బంది పడకు. నువ్వు ప్రాన్స్ తింటున్నప్పుడు ఎంత హ్యాపీగా తింటావో అలాగే బ్యాటింగ్ చేయి అన్నాడు. క్రికెట్‌ను ఎలా ఎంజాయ్‌ చేస్తూ ఆడాలో అప్పుడు నాకు అర్థమైంది.’ అని టేలర్‌ పుస్తకంలో రాశాడు. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.

💬 “The pressure was on when I went in to bat, but Sehwag was so relaxed: he glove-punched me and said, ‘Ross, just bat like you’re eating prawns’.”

– Ross Taylor in his autobiography ‘Ross Taylor: Black & White’ #CricketTwitter #RossTaylor https://t.co/bUfx5ULYv9

— Firstpost Sports (@FirstpostSports) August 14, 2022

ఇది కూడా చదవండి: రాస్ టేలర్ చెంపలు వాయించిన RR ఓనర్‌.. ఎందుకో తెలుసా?