ధోని, కోహ్లి కాదు.. భారత క్రికెట్​లో రోహిత్ బెస్ట్ కెప్టెన్.. ఇదిగో ప్రూఫ్!

ఒక్క ఓటమితో టీమిండియా కెప్టెన్​ రోహిత్ శర్మపై భారీ ఎత్తున విమర్శలు వస్తున్నాయి. ప్రతిష్టాత్మక ప్రపంచ టెస్ట్ చాంపియన్​షిప్​లో భారత జట్టును ఓటమిని తట్టుకోలేని ఫ్యాన్స్.. హిట్​మ్యాన్​ను టార్గెట్​గా చేసుకొని విమర్శలకు దిగుతున్నారు. సోషల్ మీడియాలో రోహిత్​పై ట్రోలింగ్ చేస్తున్నారు. టెస్టుల్లో నంబర్ వన్ బౌలర్ అయిన రవిచంద్రన్ అశ్విన్​ను ఫైనల్లో ఆడించకుండా రోహిత్ తప్పు చేశాడని అంటున్నారు. అతడి కెప్టెన్సీలో దూకుడు కనిపించట్లేదని చెబుతున్నారు. హిట్​మ్యాన్ కెప్టెన్సీ బాధ్యతల నుంచి తప్పుకోవాలని డిమాండ్ చేస్తున్నారు. కెప్టెన్సీ సంగతి తర్వాత ముందు బ్యాటింగ్​పై అతడు దృష్టి సారిస్తే బాగుంటుందని సూచిస్తున్నారు. రోహిత్​ ఫామ్​లోకి రాకపోతే వన్డే వరల్డ్ కప్​లో భారత్​కు ఇబ్బందులు తప్పవని.. అందుకే అతడు రన్స్ చేయడంపై ఫోకస్ చేయాలని క్రికెట్ విశ్లేషకులు కూడా చెబుతున్నారు.

ఇకపోతే, డబ్ల్యూటీసీ ఫైనల్ ఓటమితో రోహిత్​ శర్మ కెప్టెన్సీపై ఎన్ని విమర్శలు వస్తున్నా.. అతడే బెస్ట్ కెప్టెన్ అని చెప్పొచ్చు. భారత క్రికెట్ చరిత్రలో హిట్​మ్యానే బెస్ట్ కెప్టెన్. ఇది నమ్మాల్సిందే. ఎందుకంటే.. భారత్​కు టీ20, వన్డే వరల్డ్​ కప్​లతో పాటు ఛాంపియన్స్ ట్రోఫీ అందించిన మహేంద్ర సింగ్ ధోనీకి కూడా కెప్టెన్​గా లేని ఒక రికార్డు రోహిత్ ఖాతాలో ఉంది. అదేంటంటే.. భారత సారథుల్లో రోహిత్ అత్యంత విజయంతమైన కెప్టెన్​గా ఉన్నాడు. కెప్టెన్​గా విజయాల శాతం చూసుకుంటే.. మిగతా అందరు భారత సారథుల కంటే హిట్​మ్యాన్ ముందున్నాడు. ఇంటర్నేషనల్ క్రికెట్​లో కెప్టెన్​గా రోహిత్ గెలుపు శాతం 74.69గా ఉంది. అదే విరాట్ కోహ్లీ విన్ పర్సంటేజ్ 63.38 శాతం, ఎంఎస్ ధోని 53.61 శాతం, సౌరవ్ గంగూలీ 49.74 శాతం, రాహుల్ ద్రావిడ్ 48.07 శాతంగా ఉంది. సక్సెస్ రేట్​లో ముందున్నప్పటికీ ఐసీసీ టోర్నీల్లో భారత్​ను గెలిపించడంలో మాత్రం రోహిత్ వెనుకంజలో ఉన్నాడు.