1983 వరల్డ్‌ కప్‌ హీరో కపిల్‌ దేవ్‌ రికార్డును బ్రేక్‌ చేసిన జడేజా

బోర్డర్‌-గవాస్కర్‌ ట్రోఫీలో భాగంగా నాగ్‌పూర్‌ వేదికగా ఆస్ట్రేలియాతో జరుగుతున్న తొలి టెస్టులో టీమిండియా పట్టుబిగిస్తోంది. ఆస్ట్రేలియాను తొలి ఇన్నింగ్స్‌లో కేవలం 177 పరుగులకే ఆలౌట్‌ చేసిన భారత్‌.. బ్యాటింగ్‌లో ప్రస్తుతం 385 పరుగులు చేసి మూడో రోజు తొలి సెషన్‌లో సైతం బ్యాటింగ్‌ కొనసాగిస్తోంది. అక్షర్‌ పటేల్‌(72), సిరాజ్‌ క్రీజ్‌లో ఉన్నారు. ఇప్పటికే టీమిండియా 180 పరుగుల ఆధిక్యం లభించింది. ఈ లీడ్‌ను మరింత పెంచేందుకు అక్షర్, సిరాజ్‌ ప్రయత్నిస్తున్నారు. 7 వికెట్లకు 321 పరుగుల ఓవర్‌ నైట్‌ స్కోర్‌తో మూడో రోజు ఆటను ప్రారంభించిన టీమిండియా ఆరంభంలోనే జడేజా వికెట్‌ను కోల్పోయింది. 185 బంతుల్లో 9 ఫోర్లతో 70 పరుగులు చేసిన జడేజా.. టాడ్‌ మర్ఫీ బౌలింగ్‌లో అవుట్‌ అయ్యాడు. బౌలింగ్‌లోనూ 5 వికెట్లతో సత్తా చాటిన జడ్డూ.. బ్యాటింగ్‌లోనూ మంచి ప్రదర్శన కనబర్చాడు.

ఇప్పటికే ప్రపంచ నంబర్‌ వన్‌ ఆల్‌రౌండర్‌గా ఉన్న జడేజా మరోసారి తనకు ఆ స్థానం ఎందుకొచ్చిందో నిరూపిస్తూ.. ఓ క్రికెట్‌ లెజెండ్‌ నెలకొల్పిన రికార్డును బద్దలు కొట్టాడు. 1983లో టీమిండియా తొలి వన్డే వరల్డ్‌ కప్‌ అందించిన కెప్టెన్‌, దిగ్గజ ఆల్‌రౌండర్‌ కపిల్‌ దేవ్‌ సృష్టించిన రికార్డును తాజాగా జడేజా బ్రేక్‌ చేశాడు. ఆస్ట్రేలియాతో జరుగుతున్న తొలి టెస్టులో జడేజా ఆసీస్‌ తొలి ఇన్నింగ్స్‌లో 5 వికెట్లు తీసుకున్న విషయం తెలిసిందే. అలాగే బ్యాటింగ్‌లో హాఫ్‌ సెంచరీ సాధించాడు. ఇలా ఒక టెస్టు మ్యాచ్‌లో 5 వికెట్ల హాల్‌ సాధించడంతో పాటు హాఫ్‌ సెంచరీ చేయడం జడేజాకు ఇది ఐదో సారి. ఈ ఫీట్‌తో జడేజా కపిల్‌ దేవ్‌ రికార్డును బ్రేక్‌ చేశాడు. కపిల్‌ దేవ్‌ టెస్టుల్లో 5 వికెట్ల హాల్‌ సాధించి నాలుగు సార్లు హాఫ్‌ సెంచరీ చేశాడు. ఇప్పుడా రికార్డును జడేజా చెరిపేశాడు.

మోకాలి గాయం, సర్జరీతో దాదాపు నాలుగు నెలల​ గ్యాప్‌ తర్వాత టీమిండియాలోకి తిరిగి వచ్చిన జడేజా.. ఆడుతున్న తొలి మ్యాచ్‌లోనే అదరగొట్టాడు. టీ20 వరల్డ్‌ కప్‌ 2022కు ముందు మోకాలి గాయంతో టీమిండియాకు దూరమైన జడ్డూ.. ఆ తర్వాత మోకాలికి శస్త్రచికిత్స చేయించుకుని ప్రతిష్టాత్మకమైన టీ20 వరల్డ్‌ కప్‌కు దూరం అయ్యాడు. జడేజా టీమ్‌లో లేకపోవడం జట్టుపై తీవ్ర ప్రభావం చూపించింది. వరల్డ్‌ కప్‌ తర్వాత న్యూజిలాండ్‌, బంగ్లాదేశ్‌, శ్రీలంకతో జరిగిన సిరీస్‌లకు కూడా జడేజా అందుబాటులో లేడు. భారత్‌ వరల్డ్‌ టెస్టు ఛాంపియన్‌షిప్‌ ఫైనల్‌కు చేరాలంటే కచ్చితంగా గెలవాల్సిన ఆస్ట్రేలియా సిరీస్‌తో తిరిగి జట్టులోకి వచ్చాడు. వచ్చి రావడంతో మ్యాచ్‌ విన్నింగ్‌ ప్రదర్శన ఇస్తున్నాడు. మరి ఈ మ్యాచ్‌లో జడేజా బౌలింగ్‌, బ్యాటింగ్‌తో పాటు కపిల్‌ దేవ్‌ రికార్డు బ్రేక్‌ చేయడంపై మీ అభిప్రాయాలను కామెంట్ల రూపంలో తెలియజేయండి.

Indians to take five wickets and score Fifty most times in a test innings.

Ravindra Jadeja – 5*
Kapil Dev – 4#WhistlePodu | #INDvAUS pic.twitter.com/PytOyq6BLQ

— CSK Fans Army™ (@CSKFansArmy) February 11, 2023