జట్టులోకి పిలుస్తారని నమ్మకం లేదు! ట్రిపుల్ సెంచరీ తర్వాత పృథ్వీ షా షాకింగ్ కామెంట్స్!

అతడి ఆటకు ఫిదా కానీ క్రికెట్ అభిమాని లేడు. సొగసైన బ్యాటింగ్ తో టీమిండియాలోకి స్పీడ్ గా దూసుకొచ్చాడు. అయితే అంతే స్పీడ్ గా జట్టులోంచి వెళ్లిపోయాడు. ఇక అప్పటి నుంచి అతడిని బీసీసీఐతో పాటుగా, సెలెక్షన్ కమిటీ సైతం మర్చిపోయినట్లుగా ఉంది. అయితే తనను మర్చిపోయిన ప్రతీసారి తన బ్యాటింగ్ పవర్ తో గుర్తుచేస్తూనే వస్తున్నాడు టీమిండియా డాషింగ్ బ్యాటర్, చోటా వీరేంద్ర సెహ్వాగ్ పృథ్వీ షా. దేశవాలీ ట్రోఫీల్లో దుమ్మురేపుతున్నాడు. తాజాగా జరుగుతున్న రంజీ ట్రోఫీలో ట్రిపుల్ సెంచరీతో చెలరేగాడు షా. దాంతో దేశవ్యాప్తంగా అతడిపై ప్రశంసల వర్షం కురుస్తోంది. అయితే ఈ ఇన్నింగ్స్ అనంతరం ప్రముఖ వార్తా పత్రికతో మాట్లాడిన షా.. నన్ను జట్టులోకి తీసుకుంటారు అన్న నమ్మకం లేదంటూ.. షాకింగ్ కామెంట్స్ చేశాడు.

పృథ్వీ షా.. దేశవాలీ క్రికెట్ లో మారుమ్రోగుతున్న పేరు. రంజీ ట్రోఫీలో భాగంగా అస్సాంతో జరుగుతున్న మ్యాచ్ లో రికార్డు ట్రిపుల్ సెంచరీతో చెలరేగాడు. దాంతో పలు రికార్డులు సైతం బద్దలు కొట్టాడు షా. రంజీల్లో రెండో అత్యధిక వ్యక్తిగత స్కోరు చేసిన రెండవ బ్యాటర్ గా రికార్డు సృష్టించాడు. ఈ మ్యాచ్ లో 49 ఫోర్లు, 4 సిక్స్ లతో 379 పరుగులు చేశాడు షా. దాంతో ముంబై జట్టు భారీ స్కోర్ సాధించింది. అయితే గత కొంత కాలంగా అద్భుతంగా రాణిస్తున్న షాని టీమిండియా జట్టులోకి మాత్రం ఎంపిక చేయడం లేదు. ఇక ఇదే విషయంపై ట్రిపుల్ సెంచరీ తర్వాత ప్రముఖ వార్త పత్రికతో ముచ్చటించాడు షా. పృథ్వీ షా మాట్లాడుతూ..”నేను ఏ జట్టు తరపున ఆడినా గానీ.. ఆ జట్టుకు ట్రోఫీని అందివ్వాలని చూస్తా. ప్రస్తుతం నా దృష్టి మెుత్తం రంజీ ట్రోఫీని ముంబైకి అందివ్వాలి అన్నదే. ఇక ఇతరులు నా గురించి ఏమనుకుంటున్నారు, ఏం రాస్తున్నారో నాకు అనవసరం. నన్ను ప్రేమించిన వారినే నేను ప్రేమిస్తాను, గౌరవిస్తాను. ఇక నాకు టీమిండియా జట్టులో స్థానం లభిస్తుంది అన్న నమ్మకంలేదు” అంటూ షాకింగ్ కామెంట్స్ చేశాడు.

He scored a maiden triple-hundred in first-class cricket, but an India call-up is not on Prithvi Shaw’s mind

▶️ https://t.co/VC1GTYlCMi #RanjiTrophy pic.twitter.com/0jRkYWbBfm

— ESPNcricinfo (@ESPNcricinfo) January 12, 2023

సెలెక్షన్ కమిటీ నుంచి నాకు పిలుపు వస్తుందా? రాదా? అన్న దాని గురించి నేను ఆలోచించడం లేదు. వచ్చేది ఎలాగైనా వస్తుంది. దాని గురించి ఆలోచించడం కంటే.. ప్రస్తుతం ఉన్న దాని గురించి ఆలోచించడమే ఉత్తమం అని షా పేర్కొన్నాడు. ఇక షా రికార్డు ట్రిపుల్ సెంచరీ ఇన్నింగ్స్ పై బీసీసీఐ కార్యదర్శి జై షా సైతం ప్రశంసలు కురిపించాడు. అయితే నెటిజన్లు మాత్రం దీనిపై విమర్శలు గుప్పిస్తున్నారు. ప్రశంసలు కురిపిస్తారు గానీ అతడికి జట్టులో చోటు మాత్రం కల్పించరు అంటూ సోషల్ మీడియా వేదికగా కామెంట్స్ చేస్తున్నారు. మరి జట్టులో చోటు గురించి పృథ్వీ షా చేసిన వ్యాఖ్యలపై మీ అభిప్రాయాలను కామెంట్స్ రూపంలో తెలియజేయండి.

Thank you so much @JayShah sir. Your words of encouragement means a lot. Will keep working hard. https://t.co/RoDw5FbUEV

— Prithvi Shaw (@PrithviShaw) January 11, 2023

The highest individual score for Mumbai in first-class history 🤯

Roaring past a 3️⃣2️⃣-year old record to sit on 🔝 with a 🔥 knock 🫶

Take a bow, @PrithviShaw 🙌#ASMvMUM #YehHaiNayiDilli #RanjiTrophy pic.twitter.com/EdidIrasl7

— Delhi Capitals (@DelhiCapitals) January 11, 2023