వీడియో: బాల్ తో అంపైర్ ను కొట్టిన పాక్ ఫీల్డర్! అంపైర్ కోపంతో..

సాధారణంగా క్రికెట్ మ్యాచ్ లు జరిగే సందర్భంలో అనేక సంఘటనలు జరుగుతుంటాయి. కొన్ని ప్రేక్షకుల మధ్య జరిగితే.. కొన్ని మైదానంలో ప్లేయర్ల మధ్య జరుగుతుంటాయి. కొన్ని ఘటనలు నవ్వులు పూయిస్తాయి, మరికొన్ని ఘర్షణలకు దారితీస్తాయి. ఇలాంటి ఘటనే తాజాగా న్యూజిలాండ్-పాకిస్థాన్ మధ్య జరిగిన రెండో వన్డే మ్యాచ్ లో చోటుచేసుకుంది. ఈ మ్యాచ్ లో న్యూజిలాండ్ 79 పరుగులతో విజయం సాధించిన సంగతి మనకు తెలిసిందే. అయితే ఈ మ్యాచ్ లో పాక్ ఫీల్డర్ బాల్ తో అంపైర్ ను కొట్టాడు. దాంతో ఆ బాధకు అంపైర్ విలవిల్లాడాడు. ప్రస్తుతం ఆ వీడియో నెట్టింట వైరల్ గా మారింది.

టెస్టు సిరీస్ ఓటమికి.. వన్డే సిరీస్ గెలిచి ప్రతీకారం తీర్చుకోవాలనుకుంది పాకిస్థాన్. అందుకు తగ్గట్లుగానే తొలి వన్డేలో కివీస్ పై విజయం సాధించింది. కానీ రెండో వన్డేలో మాత్రం తడబడింది. ఈ మ్యాచ్ లో బ్యాటర్లు వైఫల్యం చెందడంతో 79 పరుగులతో కివీస్ చేతిలో ఓటమి పాలైంది. అయితే ఈ మ్యాచ్ లో ఓ సరదా సన్నివేశం చోటుచేసుకుంది. న్యూజిలాండ్ బ్యాటింగ్ చేస్తున్న క్రమంలో 36వ ఓవర్ లో ఈ ఘటన చోటుచేసుకుంది. వివరాల్లోకి వెళితే.. హరీస్ రౌఫ్ వేసిన ఈ ఓవర్ లో గ్లేన్ ఫిలిప్స్ స్క్వేర్ లెగ్ దిశగా బంతిని ఆడాడు. ఇక ఆ బంతిని అందుకున్న పాక్ ఫీల్డర్ మహమ్మద్ వాసీమ్ జూనియర్.. బంతిని నేనుగా నాన్ స్ట్రైకర్ స్టంప్స్ వైపు విసిరాడు. ఆ బంతి నేరుగా ఫీల్డ్ అంపైర్ అలీందార్ యాంకిల్ కు బలంగా తాకింది. ఆ నొప్పిని తట్టుకోలేక అలీందార్ విలవిల్లాడాడు. నొప్పిని తట్టుకోలేక చేతిలో ఉన్న బౌలర్ జెర్సీని నేలకేసి కొట్టాడు. అయితే ఈ తతంగాన్ని అంతా చూస్తున్న బాబర్ మాత్రం ముసిముసి నవ్వులు నవ్వుతున్నాడు. ఇక మరోప్లేయర్ వచ్చి అంపైర్ కాలిని రుద్దుతు.. ఉపశమనం కలిగించే ప్రయత్నం చేశాడు. ప్రస్తుతం ఈ వీడియో సోషల్ మీడియాలో వైరల్ గా మారింది.

ఇక మ్యాచ్ విషయానికి వస్తే.. తొలుత బ్యాటింగ్ చేసిన న్యూజిలాండ్ 49.5 ఓవర్లకు 261 పరుగులకు కుప్పకూలింది. జట్టులో స్టార్ ఓపెనర్ డెవాన్ కాన్వే సెంచరీతో చెలరేగాడు. 92 బంతుల్లో 13 ఫోర్లు, 1 సిక్స్ తో 101 రన్స్ చేశాడు కాన్వే. కెప్టెన్ విలియమ్సన్ 85 పరుగులతో రాణించాడు. పాక్ బౌలర్లలో నవాజ్ 4 వికెట్లు తీయగా, నసీమ్ షా 3 వికెట్లు పగడొట్టాడు. అనంతరం 262 పరుగుల లక్ష్యంతో బరిలోకి దిగిన పాక్ ఏ దశలోనూ లక్ష్యం వైపు సాగలేదు. కివీస్ బౌలర్లు కంటీన్యూస్ గా వికెట్లు పడగొట్టారు. దాంతో 43 ఓవర్లకి 182 పరుగులకే పాక్ కుప్పకూలింది. జట్టులో కెప్టెన్ బాబర్ అజామ్ ఒక్కడే 79 పరుగులతో రాణించాడు. మిగాతా పాక్ బ్యాటర్లు విఫలం కావడంతో.. పాక్ పరాజయం పాలైంది.

Ouch 😬🙏#PAKvNZ | #TayyariKiwiHai pic.twitter.com/JyuZ0Jwxi5

— Pakistan Cricket (@TheRealPCB) January 11, 2023