follow us:
క్రికెట్‌ ప్రపంచానికి ఒక చేదు వార్త.. న్యూజిలాండ్‌ మాజీ ఆల్‌రౌండర్‌ క్రిస్‌ కెయిర్న్స్‌ క్యాన్సర్‌ బారిన పడ్డాడు. సాధారణ చెక్‌అప్‌ కోసం ఆస్పత్రికి వెళ్లిన తనకు వైద్యులు ఈ విషాద వార్త చెప్పినట్లు క్రిస్‌ తన ఇన్‌స్టాగ్రామ్‌ అకౌంట్‌లో తెలిపాడు. కాగా గతేడాది ఆగస్టులో కెయిర్న్స్‌కు గుండెపోటు వచ్చింది. ఈ క్రమంలో శస్త్ర చికిత్స నిర్వహించిన సమయంలో పక్షవాతానికి గురయ్యాడు. వెన్నెముక కూడా బాగా దెబ్బతింది. ఈ క్రమంలో చాలా రోజుల పాటు వెంటిలేటర్‌పై చికిత్స అందించిన అనంతరం కెయిర్న్స్‌ కోలుకున్నాడు.
ఇక కివీస్‌ మాజీ టెస్టు ఆటగాడు లాన్స్‌ కెయిర్న్స్‌ కుమారుడైన క్రిస్‌ కెయిర్న్స్‌ న్యూజిలాండ్‌ తరఫున 62 టెస్టులు, 215 వన్డేలు ఆడాడు. 1989- 2006 వరకు కివీస్‌కు ప్రాతినిథ్యం వహించాడు. కాగా టీమిండియా స్టార్‌ క్రికెటర్‌ యువరాజ్‌ సింగ్‌ కూడా గతంలో క్యాన్సర్‌ బారిన పడి కోలుకున్న విషయం తెలిసిందే. మరి కెయిర్న్స్‌ క్యాన్సర్‌ బారిన పడటంపై మీ అభిప్రాయాలను కామెంట్ల రూపంలో తెలియజేయండి.
View this post on Instagram
