Neeraj Chopra: చరిత్ర సృష్టించిన నీరజ్‌ చోప్రా.. ఒక్క త్రోతో 3 రికార్డులు.. తొలి భారతీయుడిగా..!

నీరజ్‌ చోప్రా.. ప్రపంచవ్యాప్తంగా ఈ పేరు ఒక అద్భుతం. తన ప్రతిభతో యావత్‌ భారతావని గర్వపడేలా చేశాడు. ఒలింపిక్స్‌ లో బంగారు పతకం సాధించిన నీరజ్‌ చోప్రా ఆ తర్వాత వరల్డ్‌ అథెలిటిక్స్ ఛాంపియన్‌షిప్‌ లో సిల్వర్‌ సాధించాడు. ఆ తర్వాత గాయం కారణంగా నీరజ్‌ చోప్రా కామెన్వెల్త్‌ క్రీడలకు దూరమైన విషయం తెలిసిందే. అయితే ఇప్పుడు మళ్లీ ట్రాక్‌ మీదకొచ్చిన నీరజ్‌ ఒకే త్రోతో 3 రికార్డులు క్రియేట్‌ చేశాడు.

స్విట్జర్లాండ్‌లో జరుగుతున్న డైమెండ్‌ లీగ్‌ టోర్నీలో నీరజ్‌ చోప్రా చరిత్ర సృష్టించాడు. 89.08 మీటర్లు ఈటెను విసిరి బంగారు పతకాన్ని అందుకున్నాడు. డైమెండ్‌ లీగ్‌ టైటిల్‌ నెగ్గిన తొలి భారతీయుడిగా నీరజ్‌ చోప్రా రికార్డులకెక్కాడు. అంతేకాకుండా వచ్చేనెల జ్యూరిచ్‌లో జరగనున్న డైమెండ్‌ లీగ్‌ ఫైనల్‌కు చేరాడు. గాయం నుంచి కోలుకుని ఇలాంటి ప్రదర్శన చేయడంతో అభిమానులు అంతా ఆనందం వ్యక్తం చేస్తున్నారు.

Neeraj is one of those athletes who sweats it out when no one is watching, prepares and plans – the battle is already won on game day.

Congratulations @Neeraj_chopra1 on becoming the 1st Indian to win a #DiamondLeague Meet & claim the top spot at #LausanneDL w/ a 89.08m throw! pic.twitter.com/lL2mxhSJdT

— Anurag Thakur (@ianuragthakur) August 27, 2022

డైమెండ్‌ లీగ్‌లో తన ప్రదర్శన పట్ల నీరజ్‌ చోప్రా సైతం ఆనందం వ్యక్తం చేశాడు. గాయం నుంచి కోలుకున్న తర్వాత ఇలాంటి రిజల్ట్‌ రావడం సంతోషాన్ని ఇచ్చిందంటూ ట్వీట్‌ చేశాడు. గాయం కారణంగా కామన్వెల్త్‌ లో పాల్గొనలేకపోయానన్నాడు. ఈరోజు వచ్చిన ఫలితం మాత్రం తన ఆత్మ విశ్వాసాన్ని పెంచిందంటూ వ్యాఖ్యానించాడు.

Disappointment makes you stronger and it propels you to aim higher & become better than before.

Your win at the #DiamondLeague in Lausanne just goes to show that perseverance & hard work always pays off.

You are a ⭐️ @Neeraj_chopra1! Keep shining always. pic.twitter.com/TLUYoe6CFp

— Sachin Tendulkar (@sachin_rt) August 27, 2022

సెప్టెంబర్‌ 7, 8 తేదీల్లో జ్యూరిచ్‌లో జరిగే డైమెండ్‌ లీగ్‌ ఫైనల్స్‌లో నీరజ్‌ చోప్రా పాల్గొననున్నాడు. ఈ ఘనత సాధించిన తొలి భారతీయుడు నీరజ్‌ చోప్రానే. ఇతని కంటే ముందు డిస్కస్‌ త్రోయర్ వికాస్‌ గౌడ మాత్రమే డైమెండ్‌ లీగ్‌ టాప్‌ 3కి చేరుకోగలిగాడు. 89.08 మీటర్ల త్రో అనేది నీరజ్‌ చోప్రా కెరీర్‌లో మూడో అత్యుత్తమ త్రో. ఇదే సీజన్లో 89.30 మీటర్లు, 89.98 మీటర్లు విసిరి కెరీర్‌లోనే అత్యుత్తమ త్రోలను నమోదు చేశాడు.

First @Diamond_League win✅
Great night at @athletissima in Lausanne and happy to receive so much support from the stands. 🙏🏽
Next stop ➡️ @WeltklasseZH pic.twitter.com/ZaT7TRUl8Y

— Neeraj Chopra (@Neeraj_chopra1) August 27, 2022

• ఇదీ చదవండి: పాకిస్థాన్‌తో మ్యాచ్‌కు ముందు తన ఫామ్‌పై స్పందించిన విరాట్‌ కోహ్లీ
• ఇదీ చదవండి: ప్రెస్ మీట్ కు రోహిత్ శర్మ దూరం! కేఎల్ రాహుల్ ఏమన్నాడంటే..