నాథన్ లయోన్ వరల్డ్ రికార్డు.. షేన్ వార్న్ కూడా ఈ ఫీట్ సాధించలేదు!

పరిమిత ఓవర్ల క్రికెట్ లో నోబాల్ రూపంలో వచ్చే అదనపు పరుగులు ఎంత నష్టాన్ని తెచ్చి పెడతాయో ప్రత్యేకంగా చెప్పాల్సిన అవసరం లేదు. టెస్టులు, వన్డేలు పక్కన పెడితే టీ 20 ఫార్మాట్ లో ఈ నోబాల్ చాలా ప్రమాదకరం. కొన్నిసార్లు అయితే నో బాల్ వలన మ్యాచ్ ఫలితం కూడా మారిపోతుంది. ఏ బౌలర్ కూడా అదనపు పరుగులు ఇవ్వాలని అనుకోరు. కానీ ఎంత ప్రయత్నించినా కొన్నిసార్లు అనుకోకుండా ఆ పొరపాటు జరుగుతూ ఉంటుంది. ఈ విషయంలో ఎవరిని నిందిచలేము. కానీ నో బాల్ వేయకుండా ఉండేవారిని మాత్రం కచ్చితంగా ప్రశంసిచాల్సిందే.

ఎందుకంటే ఎలాంటి సమయంలోనైనా క్రమశిక్షణ తప్పకుండా నో బాల్ వేయకుండా ఉండడమనేది చాల గొప్ప విషయం. ఇది చాలా అరుదుగా జరుగుతుంటుంది. ఈ విషయంలో మన టీం ఇండియా పేసర్ భువనేశ్వర్ కుమార్ టీ 20 ఫార్మాటులో ఇప్పటివరకు 298.3 ఓవర్లు వేసినప్పటికీ ఒక్క నోబాల్ కూడా వేయకపోవడం విశేషం. టీ 20 క్రికెట్లో అయితే నోబాల్స్ వలన చాలా నష్టం జరుగుతుంది కాబట్టి కొంచెం క్రమశిక్షణ పాటించి నోబాల్స్ విషయంలో జాగ్రత్తపడినా.. టెస్టుల్లో మాత్రం ఆ భయం ఉండదు. ఒకవేళ నోబాల్ వేసినా పెద్దగా దాని గురించి చర్చ జరగదు. కాబట్టి ఎవరు కూడా ఈ విషయాన్నీ పెద్దగా పట్టించుకోరు.

అయినా కూడా టెస్టుల్లో క్రమశిక్షణగా బౌలింగ్ చేయడం చాల గొప్ప విషయం. అలాంటిది ఒక బౌలర్ ఏకంగా 100 కు పైగా అంతర్జాతీయ టెస్టుల్లో దాదాపు 30,000 బంతులు వేసినప్పటికీ.. ఇప్పటి వరకు ఒక్క నో బాల్ కూడా వేయలేదంటే ఆ బౌలర్ ని శెభాష్ అనకుండా ఉండలేము. ఆ బౌలర్ ఎవరో కాదు ఆస్టేలియాన్ స్పిన్నర్ నాథన్ లయోన్. బోర్డర్ -గవాస్కర్ ట్రోఫీలో భాగంగా నాగపూర్ లో జరుగుతున్న తొలి టెస్టులో ఆస్ట్రేలియన్ ఆఫ్ స్పిన్నర్ నాథన్ లయోన్ 146 ఏళ్ల  టెస్ట్ క్రికెట్ చరిత్రలో ఓ నయా ప్రపంచ రికార్డును నెలకొల్పాడు. ఒక బౌలర్ తన అంతర్జాతీయ కెరీర్లో 100 కు పైగా టెస్టు మ్యాచులు ఆడి కనీసం ఒక్క నోబెల్ కూడా వేయని బౌలర్ గా లియోన్ చరిత్ర సృష్టిచాడు.

ఈ క్రమంలో లియోన్ టెస్టు క్రికెట్లో ఇప్పటివరకు 30,000 బంతులు వేసి ఒక్క నోబాల్ కూడా వేయకపోవడం గమనార్హం. ఈ రికార్డు దరిదాపుల్లో కూడా ఎవరూ లేకపోవడం విశేషం. 146 ఏళ్ళ టెస్టు క్రికెట్ చరిత్రలో 35 ఏళ్ళ లయోన్ కనీవినీ ఎరుగని రీతిలో ఒక అద్భుతమైన రికార్డు నెలకొల్పాడు. ఈ జనరేషన్ లో కూడా ఇలా క్రమశిక్షణగా బౌలింగ్ వేయడం చాలా కష్టం. ఒకే ఓవర్లో 5 నో బాల్స్ వేసిన బౌలర్లని కూడా మనం చూసాం కానీ, లియోన్ మాత్రం తన సుదీర్ఘ కెరీర్లో ఒక్క నో బాల్ కూడా వేయకపోవడం యావత్ ప్రపంచాన్ని ఆశ్చర్యానికి గురి చేస్తోంది. ప్రముఖ గణాంకవేత్త మజీర్ ఈ విషయాన్ని వెలుగులోకి తీసుకొచ్చాడు. 35 ఏళ్ళ ఈ సీనియర్ ఆఫ్ స్పిన్నర్ 2011లో శ్రీలంకపై అరంగ్రేటం చేసాడు.ఇప్పటివరకు 115 టెస్టుల్లో ఆడిన నాథన్ లియోన్ మొత్తం 460 వికెట్లు తీసుకున్నాడు. ఇదిలా ఉంటే బోర్డర్ గవాస్కర్ ట్రోఫీలో భాగంగా నాగపూర్ లో జరుగుతున్న తొలి టెస్టులో భారత్ ఇన్నింగ్స్ 132 పరుగుల తేడాతో ఘన విజయం సాధించి 1-0 ఆధిక్యంలో నిలిచింది.

Nathan Lyon today bowled his 30,000th delivery in Test cricket without ever overstepping. Not a single line no-ball in entire career.

— Mazher Arshad (@MazherArshad) February 11, 2023

Record Alert: Not Murlitharan Or Shane Warne, But Nathan Lyon Achieved This Unique World Record In Test Cricket#CricketNews #Sports #SportsNews #CRICInformer #ShaneWarn #Aswin https://t.co/gHdoWwiPaz

— CricInformer (@CricInformer) February 11, 2023