follow us:
‘మహేల జయవర్ధనే’.. ఈ శ్రీలంక లెజెండరీ బ్యాట్సమెన్ గురుంచి ప్రత్యేకంగా చెప్పక్కర్లేదు. చూడడానికి మనిషి పొట్టిగా ఉన్నా.. బౌలర్లను ఎదుర్కోవడంలో తనకు తానే సాటి. ఇంతటి గొప్ప బ్యాటర్ అయిన జయవర్ధనే.. ఒక బౌలర్ ను జడుసుకునేవాడట. ఈ విషయాన్నే తనే స్వయంగా చెప్పుకొచ్చాడు. ఐసీసీ నిర్వహిస్తున్న ఐసీసీ రివ్యూ కార్యక్రమంలో మహేల ఈ వ్యాఖ్యలు చేశాడు. ఇంతకీ.. ఆ గొప్ప బౌలర్ ఎవరో చూద్దామా?’
ఐపీఎల్ లో ముంబై ఇండియన్స్ జట్టుకు హెడ్ కోచ్ గా వ్యవహరిస్తున్న మహేల జయవర్ధనే.. అంతర్జాతీయ క్రికెట్ ఆడే సమయంలో వందల మంది బౌలర్లను ధీటుగా ఎదుర్కున్నాడు. నిజంగా చెప్పాలంటే.. టెస్టుల్లో జయవర్ధనేను అవుట్ చేయడమంటే.. బౌలర్లకే విసుగుపుట్టేది. అలాంటిది అతడు కూడా ఒక పాకిస్తాన్ దిగ్గజ బౌలర్ ను చూడగానే జడుసుకునేవాడట. పాక్ దిగ్గజ పేసర్, ఆ జట్టు మాజీ సారథి వసీం అక్రమ్ బౌలింగ్ ఎదుర్కోవడమంటే సవాల్ తో కూడుకున్న పని చెప్పిన.. మహేల.. అతని వల్ల ఎన్నో నిద్రలేని రాత్రులను గడిపానని చెప్పుకొచ్చాడు.
Former Sri Lankan captain, Mahela Jayawardene, has named legendary Pakistani pacer, Wasim Akram, as the toughest bowler he faced throughout his career
Read more: https://t.co/hGIZtVcfbu#WasimAkram #MahelaJayawardene pic.twitter.com/aOWg4zHiCO
— Cricket Pakistan (@cricketpakcompk) June 2, 2022
ఇంగ్లాండ్ మాజీ క్రికెటర్ ఇషా గుప్తా హోస్ట్ గా వ్యవహరించిన ఈ కార్యక్రమంలో ఆమె.. మహేలను మీరు ఎదుర్కున్న బౌలర్లలో బెస్ట్ బౌలర్ ఎవరు..? అని అడగ్గా జయవర్దనే మాట్లాడుతూ.. ‘డౌటే లేదు. వసీం అక్రమ్. నేను అప్పుడే శ్రీలంక తరఫున అంతర్జాతీయ క్రికెట్ లోకి ఎంట్రీ ఇచ్చాను. వసీం అక్రమ్ అప్పటికే కెరీర్ లో పీక్స్ లో ఉన్నాడు. అక్రమ్ ను ఎదుర్కోవడం నాకు ఎప్పుడూ సవాల్ గానే ఉండేది. అతడి బౌలింగ్ అంటేనే నాకు ఓ పీడకలగా మారింది. ఆట మొదలైన తొలి బంతి నుంచి చివరి బంతి వరకూ అతడు ఒకే రకమైన వేగంతో బంతులు విసిరేవాడు. ఇక.. కొత్త బంతితో అక్రమ్ ను ఎదుర్కోవడం అంటే మాములు విషయం కాదు. ఒకరకంగా చెప్పాలంటే.. అక్రమ్ బౌలింగ్ అంటే నాకు ముందే ప్యాంటు తడిసిపోయేది. ఫార్మాట్ ఏదైనా సరే అతడు ప్రత్యర్థులపై చెలాయించే ఆధిపత్యం మాములుగా ఉండదు. నేను ఎదుర్కున్న బౌలర్లలో అత్యుత్తమ బౌలర్ అతడే’ అని మహేల చెప్పుకొచ్చాడు.
View this post on Instagram
అంతర్జాతీయ క్రికెట్ లో టెస్టుల్లో 149 మ్యాచులాడిన మహేల .. 11814 పరుగులు చేశాడు. ఇందులో 34 సెంచరీలు ఉండగా.. 50 హాఫ్ సెంచరీలు ఉన్నాయి. ఇక.. వన్డేల్లో 448 మ్యాచులాడిన మహేల .. 12650 పరుగులు చేశాడు. ఇందులో 19 సెంచరీలు ఉండగా.. 77 హాఫ్ సెంచరీలు ఉన్నాయి.
ఇక.. వసీం అక్రమ్ విషయానికొస్తే..అక్రమ్ తన కెరీర్ లో 916 వికెట్లు పడగొట్టాడు. 104 టెస్టులాడిన అక్రమ్.. 414 వికెట్లు తీశాడు. ఇక 356 వన్డేలు ఆడిన అతడు.. ఏకంగా 502 వికెట్లు తీశాడు. శ్రీలంక దిగ్గజం ముత్తయ్య మురళీధరన్ తన రికార్డును బద్దలు కొట్టేదాకా వన్డేలలో అక్రమ్ లీడింగ్ వికెట్ టేకర్ గా ఉన్నాడు. మురళీధరన్ తన కెరీర్ లో 1,334 వికెట్లు తీశాడు. 133 టెస్టులలో 800 వికెట్లు, 350 వన్డేలలో 534 వికెట్లతో ఎవరికీ అందనంత దూరంలో నిలిచాడు.
Wasim Akram vs Rahul Dravid In Chennai 1999.
Wonderful Bowling. 2 Indipper or inswingers & then Late out Swing by @wasimakramlive. Dravid Have no answer to this high class bowling.#WasimAkram pic.twitter.com/Er1V50FNte— Zohaib (Cricket King) 🏏 (@Zohaib1981) June 2, 2022
