Rinku Singh: రింకూ సింగ్‌.. మ్యాచ్‌ ఓడినా మనసులు గెలిచాడు! ఎవరితను?

ఐపీఎల్‌ 2022లో బుధవారం లక్నో సూపర్‌ జెయింట్స్‌, కోల్‌కత్తా నైట్‌ రైడర్స్‌ మధ్య సూపర్‌ థ్రిల్లింగ్‌ హైస్కోరింగ్‌ మ్యాచ్‌ జరిగింది. చివరి బంతి వరకు ఉత్కంఠభరితంగా సాగిన ఈ మ్యాచ్‌లో విజయం లక్నోను వరించింది. కానీ.. కేకేఆర్‌ యువ క్రికెటర్‌ రింకూ సింగ్‌ మాత్రం అందరి మనసులు గెలిచాడు. ఈ మ్యాచ్‌లో లక్నో రికార్డు ఓపెనింగ్‌ భాగస్వామ్యం నెలకొల్పినా, డికాక్‌ ఫోర్లు, సిక్సర్ల వర్షం కురిపించినా.. కేఎల్‌ రాహుల్‌ బ్యాట్‌ ఝుళిపించినా.. ప్రస్తుతం రింకూ సింగ్‌ టాక్‌ ఆఫ్‌ది క్రికెట్‌ టౌన్‌గా మారిపోయాడు. కొట్టింది 40 పరుగులే అయినా 140 పరుగులు చేసిన డికాక్‌ కంటే కూడా ఎక్కువ అభినందనలు అందుకుంటున్నాడు.

సూపర్‌ బ్యాటింగ్‌తో లక్నో బౌలర్లపై విరుచుకుపడుతున్న కేకేఆర్‌ కెప్టెన్‌ శ్రేయస్‌ అయ్యర్‌, నితీష్‌ రాణా, స్యామ్‌ బిల్లింగ్స్‌ వేగంగా ఆడే ప్రయత్నంలో అవుట్‌ అయినా.. అరివీర భయంకర బ్యాటర్‌ ఆండ్రూ రస్సెల్‌ తక్కువ రన్స్‌కే పెవిలియన్‌ చేరినా.. కొండంత లక్ష్యం అసాధ్యంగా కనిపిస్తున్నా.. పట్టువదలని విక్రమార్కుడిలా పోరాడాడు రింకూ సింగ్‌. లక్నో టాప్‌ క్లాస్‌ బౌలర్లను చివరి ఓవర్లలో ఊపిరి బిగపట్టిన ఒత్తిడిలో కేవలం 15 బంతుల్లో 2 ఫోర్లు, 4 సిక్సులతో 40 పరుగులు చేసి లక్నో గుండెల్లో రైళ్లు పరిగెటించాడు. కేకేఆర్‌ విజయానికి చివరి ఓవర్‌లో 21 పరుగులు అవసరమైన దశలో ఆకాశమే హద్దుగా చెలరేగాడు. తొలి నాలుగు బంతుల్లో వరుసగా 4, 6, 6, 2 కొట్టి కేకేఆర్‌ను గెలుపు ముంగిట నిలబెట్టాడు. కానీ ఐదో బంతికి లూయిస్‌ అద్భుతమైన క్యాచ్‌కు అవుట్‌ అయ్యాడు. చివరి బంతికి 3 పరుగులు చేయలేక కేకేఆర్‌ మ్యాచ్‌లో ఓడిపోయింది. కానీ.. రింకూ ఆడిన ఇన్నింగ్స్‌పై, ఒత్తిడిలో అతను చూపించిన పోరాట పటిమపై మాత్రం సర్వత్రా ప్రశంసల వర్షం కురుస్తుంది.

ఉత్తర్‌ప్రదేశ్‌కు చెందిన రింకూ పూర్తి పేరు రింకూ ఖాన్‌చంద్‌ సింగ్‌. ఫస్ట్‌క్లాస్‌ క్రికెట్‌, లిస్ట్‌ ఏ మ్యాచ్‌ల్లో ఉత్తర్‌ ప్రదేశ్‌కు ప్రాతినిథ్యం వహిస్తాడు. 2018 నుంచి కోల్‌కత్తా నైట్‌ రైడర్స్‌కే ఆడుతున్నాడు. 2018లో రింకూను కేకేఆర్‌ రూ.80 లక్షలకు కొనుగోలు చేసింది. ఐపీఎల్‌ 2022 మెగా వేలంలో రూ.55 లక్షలకు కొనుగోలు చేసింది. గత మూడు సీజన్లలో కలిపి రింకూ కేవలం 10 మ్యాచ్‌ల్లో మాత్రమే తుది జట్టులో స్థానం దక్కింది. ఈ సీజన్‌లో 7 మ్యాచ్‌లు ఆడిన రింకూ 174 పరుగులు చేశాడు. ఫస్ట్‌క్లాస్‌ క్రికెట్‌లో 30 మ్యాచ్‌లు ఆడిన రింకూ 2307 పరుగులు చేశాడు. అందులో 5 సెంచరీలు, 16 హాఫ్‌ సెంచరీలు ఉన్నాయి. కాగా బుధవారం లక్నోతో ఆడిన ఇన్నింగ్స్‌ రింకూ కెరీర్‌లోనే అత్యుత్తుమ ఇన్నింగ్స్‌ అని చెప్పవచ్చు. మరి ఈ సూపర్‌ యంగ్‌ టాలెంటెడ్‌ ప్లేయర్‌ గురించి మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: IPL 2022: లక్నోకు ధీటుగా బదులిచ్చిన KKR.. కానీ ఆ ఒక్క క్యాచ్‌ కొంపముంచింది!

RINKU SINGH THOUGH 🙌

40 runs
15 balls
2 fours
4 sixes

One of the BEST knocks in the IPL this year 🔥 pic.twitter.com/UybwkEkVrv

— ESPNcricinfo (@ESPNcricinfo) May 18, 2022

You done your job king, remember the name Rinku singh. ♥️#LSGvsKKR pic.twitter.com/Igi3oR7cBO

— Prayag (@theprayagtiwari) May 18, 2022

Heart goes out to Rinku Singh who played splendidly and got out to hell of a good catch. What a brave innings little boy. More coming in your way. #LSGvsKKR #TATAIPL pic.twitter.com/DluymS27Cv

— Amit Mishra (@MishiAmit) May 18, 2022

The entire cricketing fraternity to Rinku Singh. #Respect pic.twitter.com/kEgbZRWeXh

— Rajabets India🇮🇳👑 (@smileandraja) May 18, 2022