పాండ్యాపై సీరియస్ అయిన విరాట్ కోహ్లీ.. కారణమిదే..!

మూడు వన్డేల సిరీస్ లో భాగంగా శ్రీలంకతో జరుగుతున్న తొలి వన్డేలో భారత బ్యాటర్లు చెలరేగిపోయారు. దీంతో భారత్, శ్రీలంక ముంగిట 374 పరుగుల భారీ టార్గెట్ నిర్ధేశించింది. ముఖ్యంగా మాజీ సారధి విరాట్ కోహ్లీ సెంచరీతో వీర విహారం చేశాడు. 80 బంతుల్లో 10 ఫోర్లు, ఒక సిక్సర్‌ సాయంతో వన్డేల్లో 45వ సెంచరీ పూర్తి చేసుకున్నాడు. ఈ సెంచరీతో కోహ్లీ ఖాతాలో పలు రికార్డులు కూడా వచ్చి చేరాయి. స్వదేశంలో అత్యధిక సెంచరీలు సాధించిన సచిన్ సరసన చేరాడు. అలాగే, ఒకే ప్రత్యర్థిపై అత్యధిక సెంచరీ(9)లు సాధించిన ఆటగాడిగానూ రికార్డులకెక్కాడు. అయితే.. మ్యాచ్ జరుగుతుండగా చోటుచేసుకున్న ఒక సంఘటన కోహ్లీకి ఆగ్రహాన్ని తెప్పించింది.

విరాట్ కోహ్లీ ఫిట్ నెస్ లెవెల్ అందరకి తెలిసిందే. వికెట్ల మధ్య అతను పరుగెత్తే తీరు ఇంకో లెవెల్. మాజీ సారధి మహేంద్ర సింగ్ ధోని అయితేనే అతనికి సరైన పోటీ ఇవ్వగలడు. లేదంటే మరో ఎండ్ లో బ్యాటర్లు అతని ఆగ్రహానికి గురి కావాల్సిందే. సరిగ్గా అలాంటి ఘటనే చోటుచేసుకుంది. జట్టు స్కోర్ 303/4 వద్ద క్రీజులోకి వచ్చిన హార్దిక్ పాండ్య వేగంగా పరుగులు చేయడానికి ఇబ్బందిపడ్డారు. పైగా.. అప్పటికే కుదురుకున్న విరాట కోహ్లీకి స్ట్రైక్ ఇవ్వట్లేదు. ఇదిలావుంచితే.. ఇన్నింగ్స్ 43వ ఓవర్ లో స్క్వేర్ లెగ్ మీదుగా బంతిని బాదిన కోహ్లీ.. రెండో పరుగు కోసం ప్రయత్నించగా హార్దిక్ నో అన్నట్లుగా సంజ్ఞలు చేస్తాడు. ఇదే కోహ్లీకి ఆగ్రహాన్ని తెప్పించింది. పాండ్యా వైపు కోహ్లీ గుడ్లు ఉరిమి చూశాడు. అందుకు సంబంధించిన దృశ్యాలు సోషల్ మీడియాలో వైరల్ గా మారాయి.

pic.twitter.com/4cpWDRgfuw

— MINI BUS 2022 (@minibus2022) January 10, 2023

Bhaag Hardik bhaag…

Kohli couldn’t get Hardik run a two and then this stare 😂#INDvsSL | #SLvIND pic.twitter.com/0XzNc8Fb11

— 🏏Flashscore Cricket Commentators (@FlashCric) January 10, 2023

ఇక మ్యాచ్ విషయానికొస్తే.. ఈ మ్యాచ్‌లో టాస్ గెలిచి భారత్‌కు బ్యాటింగ్‌ అప్పగిం చడమే శ్రీలంక చేసిన అతి పెద్ద తప్పు. బ్యాటింగ్ కు దిగిన భారత బ్యాటర్లు చెలరేగిపోతుంటే లంక బౌలర్లు చేష్టలుడిగి చూస్తుండిపోయారు. కెప్టెన్ రోహిత్ శర్మ, శుభమన్ గిల్ పోటీ పడి షాట్లు బాదుతుంటే స్టేడియం హెరెత్తి పోయింది. వారిద్దనీ విడదీసేందుకు లంక కెప్టెన్ మార్చిమార్చి బౌలర్లను ప్రయోగించినా ఫలితం లేకపోయింది. విరాట్ కోహ్లీ(113) సెంచరీతో మెరవగా, రోహిత్(83), గిల్(70) అర్ధ సెంచరీలతో రాణించారు. దీంతో భారత్ నిర్ణీత 50 ఓవర్లలో 7 వికెట్ల నష్టానికి 373 పరుగులు చేసింది. హార్దిక్ పై కోహ్లీ సీరియస్ అయిన ఘటనపై.. మీ అభిప్రాయాలను కామెంట్ల రూపంలో తెలియజేయండి.

India put 373/7 on the board.

Can Sri Lanka chase this down? 🤞#INDvSL pic.twitter.com/JImQx7dKLp

— Sri Lanka Cricket 🇱🇰 (@OfficialSLC) January 10, 2023