follow us:
‘నీరజ్‌ చోప్రా’ వందేళ్ల భారత్‌ కలని నిజం చేశాడు. టోక్యో ఒలింపిక్స్‌లో అద్భుతం చేసి చూపించాడు. జావెలిన్‌ త్రో ఫైనల్లో 87.58 మీటర్ల త్రోతో భారత్‌కు స్వర్ణం తెచ్చిపెట్టాడు. అప్పటి నుంచి నీరజ్‌ చోప్రాను ఎప్పుడూ ఎవరొకరు ఇంటర్వ్యూ చేస్తూనే ఉన్నారు. అలాగే జూమ్‌ యాప్‌ద్వారా రేడియో జాకీ మలిష్కా మెండోన్సా కూడా ఇంటర్వ్యూ చేశారు. అందులో తప్పేముందంటారా?. అది తప్పు కాదండి, ఇంటర్వ్యూకి ముందు కొందరు యువతులు కలిసి ‘నయాదౌర్‌’ బాలీవుడ్‌ సినిమాలోని ‘ఉడెన్‌ జబ్‌ జబ్‌ దల్హే తేరీ’ పాటకు నృత్యాలు చేశారు. ఆ తర్వాత మలిష్కా నీరజ్‌కు కొన్ని ప్రశ్నలు వేసింది. దీనికి సంబంధించిన వీడియోనూ మలిష్కా తన ట్విటర్‌లో షేర్‌ చేసింది.
ఇక, అక్కడే అసలు రచ్చ మొదలైంది. ఇంకేముంది వీడియో చూసిన నెటిజన్లు యువతులను ఆడుకున్నారు. దేశానికి ఒలింపిక్‌ పతకం తెచ్చిన వ్యక్తితో ఇలాగేనా ప్రవర్తించేది అంటూ ఏకిపారేశారు. కొందరు యువతులకు మద్దతుగా నిలిచారు. వారు చేసినదాంట్లో తప్పేంటని ప్రశ్నించారు. నీరజ్‌పై వారికున్న అభిమానాన్ని డ్యాన్స్‌ చేసి చూపించారు అంతే కదా అన్నారు. ఆ నృత్యాలు చూశాక నీరజ్‌కు థెరపీ కావాలంటే నేను ఉచితంగా చేస్తానంటూ చలోక్తులు వేశారు. మరి ఆ వీడియో మీరు చూసేయండి.
Ladiesssss..Yes I got the hard hitting, deep answers too but..Take the first 4 secs before the cam moves to the zoom call to guess who we are dancing for😇 😉 #udejabjabzulfeinteri and then tell me I did it for all of us😄 #gold #olympics #neerajchopra @RedFMIndia @RedFM_Mumbai pic.twitter.com/SnEJ99MK31
— Mumbai Ki Rani (@mymalishka) August 19, 2021
