Cheteshwar Pujara: మరోసారి పవర్ హిట్టింగ్‌తో రెచ్చిపోయిన పుజారా! వరుసగా రెండో సెంచరీ

టెస్టు బ్యాటర్‌ అనే ముద్రను పూర్తిగా తుడిచిపేట్టేందుకు పుజారా బలంగా ఫిక్స్‌ అయినట్లు ఉన్నాడు. తన శైలికి భిన్నంగా పవర్‌హిట్టింగ్‌తో దుమ్మురేపుతున్నాడు. రాయల్‌ లండన్‌ వన్డే కప్‌ 2022లో వరుసగా రెండో సెంచరీ సాధించి.. తగ్గేదేలే అంటున్నాడు. కేవలం 131 బంతుల్లో 20 ఫోర్లు, 5 సిక్సులతో 174 పరుగులు చేసి ఔరా అనిపించాడు. ఈ ఇన్నింగ్స్‌లో మరో విశేషం ఏమిటంటే.. ఆ చివరి 74 పరుగులను పుజారా కేవలం 28 బంతుల్లోనే బాదేశాడు.

ఈ రేంజ్‌లో పుజారా బ్యాటింగ్‌ చేయడం సగటు క్రికెట్‌ అభిమానిని సైతం ఆశ్యర్యంలో ముంచెత్తుతోంది. ఆదివారం సర్రేతో జరిగిన మ్యాచ్‌లో పుజారా ఈ అద్భుతమైన సెంచరీని సాధించాడు. ఈ మ్యాచ్‌ కంటే ముందు సదరన్‌ బ్రేవ్‌తో జరిగిన మ్యాచ్‌లోనూ పుజారా 79 బంతుల్లోనే 102 పరుగులు చేసి సంచలన సృష్టించిన సంగతి తెలిసిందే. అందులోనూ ఒకే ఓవర్‌లో ఏకంగా 22 పరుగులు బాదిన విషయాన్నే ఇండియన్‌ క్రికెట్‌ అభిమానులు ఇంకా నమ్మలేకపోతున్నారు.. ఆ షాక్‌ నుంచి వాళ్లు కొలుకోకముందే పుజారా మరో భారీ పవర్‌ హిట్టింగ్‌తో దెబ్బ మీద దెబ్బ కొట్టాడు.

ఇక మ్యాచ్‌ విషయానికి వస్తే.. ఇంగ్లండ్‌లో జరుగుతున్న రాయల్‌ లండన్‌ వన్డే కప్‌ 2022లో భాగంగా ఆదివారం సర్రే జట్టుతో జరిగిన మ్యాచ్‌లో ససెక్స్‌ జట్టు తొలుత బ్యాటింగ్‌ చేసింది. ఓపెనర్లు వార్డ్‌(5), అలీ(4) త్వరగానే అవుట్‌ అయినా.. కెప్టెన్‌ పుజారా(131 బంతుల్లో 20 ఫోర్లు, 5సిక్సులతో 174 పరుగులు), వన్‌ డౌన్‌లో వచ్చిన టామ్‌ క్లార్క్‌(106 బంతుల్లో 13 ఫోర్లతో 104 పరుగులు) మూడో వికెట్‌కు 205 పరుగుల భారీ భాగస్వామ్యం నెలకొల్పారు.

టాప్‌ అవుట్‌ అయినా పుజారా తన జోరు తగ్గించేలేదు. దీంతో జట్టు స్కోర్‌ నిర్ణత 50 ఓవర్లలో 6 వికెట్ల నష్టానికి 378 పరుగులకు దూసుకెళ్లింది. ఈ భారీ లక్ష్యఛేదనలో సర్రే జట్టు దారుణంగా బోల్తాపడింది. 31.4 ఓవర్లలోనే కేవలం 162 పరుగులకు ఆలౌట్‌ అయింది. దీంతో పుజారా కెప్టెన్సీలో ససెక్స్‌ టీమ్‌ ఏకంగా 216 పరుగుల భారీ తేడాతో విజయం సాధించింది. మరి వరుస సెంచరీలతో, పవర్‌ హిట్టింగ్‌ బ్యాటింగ్‌తో ఇంగ్లండ్‌ గడ్డపై దుమ్మురేపుతున్న పుజారా బ్యాటింగ్‌పై మీ అభిప్రాయాలను కామెంట్ల రూపంలో తెలియజేయండి.

Sussex captain Cheteshwar Pujara gets his career-best List A score!

Updates ▶ https://t.co/NAGl6Hrj80 pic.twitter.com/UpMY72dBds

— ESPNcricinfo (@ESPNcricinfo) August 14, 2022

Pleased to contribute to the team’s win tonight. Great play by the entire team @SussexCCC. We move onto the next one on a high note 🙌 #SharkAttack pic.twitter.com/qMsw3wgklt

— cheteshwar pujara (@cheteshwar1) August 14, 2022

ఇది కూడా చదవండి: పుజారా అంటే ఫ్లవర్‌ అనుకుంటివా? ఫైరు..! సెకండ్‌ ఫాస్టెస్ట్‌ సెంచరీ