IPL కామెంటేటర్​గా బాలయ్య.. ఇక దబిడిదిబిడే!

నటసింహం నందమూరి బాలకృష్ణ ఏం చేసినా క్రేజే. సినిమాలతో పాటు ‘అన్​స్టాపబుల్’ లాంటి టాక్ షోలతోనూ ఈతరం ఆడియెన్స్​ను ఆయన ఆకట్టుకుంటున్నారు. ఈ క్రమంలో ఆయన మరో కొత్త అవతారం ఎత్తనున్నారు. త్వరలో ప్రారంభం కానున్న ఐపీఎల్ పదహారో సీజన్​లో వ్యాఖ్యాతగా అలరించనున్నారు బాలయ్య. ఈ విషయాన్ని తెలియజేస్తూ స్టార్ స్పోర్ట్స్ తెలుగు ఓ ట్వీట్ చేసింది. టోర్నీ ఫస్ట్ డే ఐపీఎల్​ కామెంట్రీ వేరే లెవల్​లో ఉండబోతోందని ట్వీట్​లో పేర్కొంది. కామెంట్రీ బాక్స్​లో బాలయ్య తనదైన శైలిలో సినిమాలను, క్రికెట్​ను అనుసంధానించి ఎలా కామెంట్రీ చేస్తాడో చూడాలని ప్రేక్షకులు ఆసక్తిగా ఎదురు చూస్తున్నారు. ఇక, బాలయ్యకు క్రికెట్ అంటే చాలా ఇష్టం. ఈ విషయాన్ని ఆయన పలుమార్లు బయటపెట్టారు. చిన్నతనం నుంచి క్రికెట్​ను ఆయన రెగ్యులర్​గా ఫాలో అయ్యేవారట.

కాలేజ్ డేస్​లో భాతర మాజీ సారథి మహ్మద్ అజహరుద్దీన్, ఉమ్మడి ఏపీ​ ఆఖరి సీఎం నల్లారి కిరణ్​ కుమార్ రెడ్డితో కలసి బాలయ్య క్రికెట్ ఆడేవారట. గతంలో సినీ స్టార్స్ ఆడే సెలబ్రిటీ లీగ్​లో తెలుగు వారియర్స్ జట్టుకు బాలయ్య సారథ్యం వహించారు. ఇలా ప్రతి దశలోనూ క్రికెట్​తో అనుబంధాన్ని కొనసాగించారాయన. జెంటిల్మన్ గేమ్​ మీద ఉన్న అమితమైన ఆసక్తితోనే స్టార్ స్పోర్ట్స్ తెలుగు అడగగానే కామెంట్రీకి బాలయ్య కాదనలేకపోయారని తెలుస్తోంది. కాగా, మార్చి 31న ఐపీఎల్​ టోర్నీ మొదలుకానుంది. తొలి మ్యాచ్​లో డిఫెండింగ్ ఛాంపియన్ గుజరాత్ టైటాన్స్ – నాలుగు సార్లు విజేత చెన్నై సూపర్ కింగ్స్ తలపడనున్నాయి. మరి.. ఐపీఎల్​లో బాలయ్య కామెంట్రీ చూసేందుకు మీరెంత ఆసక్తిగా ఎదురుచూస్తున్నారో కామెంట్ల రూపంలో తెలియజేయండి.

ఇన్క్రెడిబుల్ ప్రీమియర్ లీగ్😎
ఓపెనింగ్ డే విత్ మన లెజెండ్🤩
నందమూరి బాలకృష్ణ గారు😍

తెలుగుజాతి గర్వపడేలా 🔥
సంబరాన్ని అంబరాన్ని అంటేలా🥳
ఎంటర్టైన్మెంట్ వేరే లెవెల్ లో ఉండబోతుంది🤩

మరి మిస్ అవ్వకుండా చూడండి StarSportsTelugu/HD#IPLOnStar #JaiBalayya #BalaKrishna #HushaaruOn pic.twitter.com/GpARnqMdgg

— StarSportsTelugu (@StarSportsTel) March 26, 2023