WTC Final 2023: మరోసారి ఆస్ట్రేలియా బాల్ టాంపరింగ్? ఆ టీమ్​ను సస్పెండ్ చేయాలంటున్న ఫ్యాన్స్!

భారత్, ఆస్ట్రేలియా జట్ల మధ్య జరుగుతున్న వరల్డ్ టెస్ట్ ఛాంపియన్​షిప్ ఫైనల్ ఆసక్తికరంగా సాగుతోంది. ఈ టెస్టు తొలి రెండ్రోజులు ఆసీస్​దే పైచేయి అని చెప్పొచ్చు. ఫస్ట్ ఇన్నింగ్స్​లో 469 రన్స్ భారీ స్కోరు చేసింది కంగారూ టీమ్. ట్రావిస్ హెడ్ (163), స్టీవెన్ స్మిత్ (121) సెంచరీలతో చెలరేగి జట్టుకు భారీ స్కోరును అందించారు. ఆ తర్వాత బ్యాటింగ్​కు దిగిన టీమిండియా 296 రన్స్​కు ఆలౌట్ అయింది. ఒక దశలో 151 రన్స్​కే 5 వికెట్లు కోల్పోయి భారత్ పీకల్లోతు కష్టాల్లో పడింది. అలాంటి పరిస్థితుల్లో అజింక్యా రహానె (89), శార్దూల్ ఠాకూర్ (51) టీమ్​కు అండగా నిలిచారు. నిప్పులు చెరుగుతున్న ఆసీస్ బౌలర్లకు అడ్డుగా నిలిచారు. వీళ్లిద్దరి పోరాటంతో భారత్ 296 రన్స్ చేసింది. ఒకవేళ వీళ్లు కూడా టాపార్డర్ బ్యాట్స్​మెన్​లాగే ఫెయిల్ అయ్యుంటే టీమిండియా ఫాలో ఆన్​ ఆడాల్సి వచ్చేది. అనంతరం రెండో ఇన్నింగ్స్ ప్రారంభించిన ఆస్ట్రేలియా మూడో రోజు ఆట ముగిసేసరికి 4 వికెట్ల నష్టానికి 123 రన్స్ చేసింది.

ఫస్ట్ ఇన్నింగ్స్​లో సెంచరీలు కొట్టిన ట్రావిస్ హెడ్ (18), స్టీవెన్ స్మిత్ (34)ను రెండో ఇన్నింగ్స్​లో భారత బౌలర్లు త్వరగానే ఔట్ చేశారు. మార్నస్ లబుషేన్ (41 నాటౌట్), కామెరాన్ గ్రీన్ (7 నాటౌట్)లు క్రీజులో ఉన్నారు. ఆధిక్యం పెరగకుండా ఆసీస్​ను భారత్ ఎంత త్వరగా ఆలౌట్​ చేస్తే అంత మంచిదనే చెప్పాలి. ఇదిలా ఉంటే.. భారత ఇన్నింగ్స్ టైమ్​లో ఆసీస్ చేసిన ఒక పనిపై ఇప్పుడు పెద్ద చర్చే నడుస్తోంది. స్టార్ బ్యాటర్ విరాట్ కోహ్లీని ఔట్ చేసేందుకు కంగారూ టీమ్ బాల్ టాంపరింగ్​కు పాల్పడిందని ఆరోపణలు వస్తున్నాయి. ఆసీస్ ప్లేయర్లు 16, 18వ ఓవర్లలో కావాలనే బాల్ ఆకారాన్ని మార్చేశారని విమర్శలు వస్తున్నాయి. బాల్ టాంపరింగ్​ చేసినట్లు స్పష్టంగా టీవీలో కనిపించడంతో సోషల్ మీడియాలో క్రికెట్ ఫ్యాన్స్ విరుచుకుపడుతున్నారు. చీటింగ్ చేసిన ఆసీస్​పై ఐసీసీ సస్పెన్షన్ విధించాలని డిమాండ్ చేస్తున్నారు. మరి.. ఈ వివాదంపై మ్యాచ్ రిఫరీ, ఐసీసీ ఎలాంటి నిర్ణయాలు తీసుకుంటారో చూడాలి.

Basit Ali claimed that the Australian bowlers engaged in ball-tampering without being noticed by umpires, players, or commentators

Read More: https://t.co/FCWkDpZ6Qh#WTC23 | #AUSvIND pic.twitter.com/4JMsXFFWpP

— Cricket Pakistan (@cricketpakcompk) June 9, 2023