follow us:
దేశ రాజకీయాల్లో విషాదం నెలకొంది. రాష్ట్ర మాజీ ముఖ్యమంత్రి కన్నుమూశారు. ఆస్పత్రిలో చికిత్స పొందుతూ మంగళవారం తుదిశ్వాస విడిచారు. ఆయన మృతిపట్ల ప్రధాని మోదీ తీవ్ర దిగ్భ్రాంతి వ్యక్తం చేశారు. దేశవ్యాప్తంగా ఉన్న రాజకీయ నాయకులు, ప్రముఖులు, ముఖ్యమంత్రులు సంతాపం తెలియజేశారు.
భారతదేశ రాజకీయాల్లో విషాదం నెలకొంది. రాష్ట్ర మాజీ ముఖ్యమంత్రి కన్నుమూశారు. ఆయన మృతిపట్ల దేశవ్యాప్తంగా ఉన్న ఎంతో మంది ప్రముఖులు సంతాపం తెలియజేస్తున్నారు. ఐదుసార్లు ముఖ్యమంత్రిగా చేసిన ప్రకాశ్ సింగ్ బాదల్ 95 సంవత్సరాల వయసులో తుదిశ్వాస విడిచారు. ముఖ్యమంత్రిగా పంజాబ్ రాష్ట్రాభివృద్ధిలో కీలకపాత్ర పోషించారు. మోహాలీలోని ఓ ప్రైవేటు ఆస్పత్రిలో చికిత్స పొందుతూ ప్రాకాశ్‌ సింగ్ బాదల్ కన్నుమూశారు. శ్వాసతీసుకోవడంలో ఇబ్బందిగా ఉందని ఆదివారం ప్రైవేటు ఆస్పత్రిలో చేరారు. ప్రకాశ్ సింగ్ బాదల్ కు ఐసీయూలో చికిత్స అందిస్తుండగా మంగళవారం తుదిశ్వాస విడిచారు.
ప్రకాశ్ సింగ్ బాదల్ గతేడాది ఫిబ్రవరిలో పోస్ట్ కోవిడ్‌ హెల్త్ చెకప్‌ కోసం ఆస్పత్రికి వెళ్లారు. అప్పుడు అన్నీ గుండెకు సంబంధించి కూడా పరీక్షలు నిర్వహించారు. తర్వాత గతేడాది జూన్ లో ప్రకాశ్ సింగ్ బాదల్ గ్యాస్ట్రిక్, ఆస్తమా ఇబ్బందులతో ఆస్పత్రిలో చేరారు. గత ఆదివారం శ్వాసకోశ సమస్యతో ప్రైవేటు ఆస్పత్రిలో చేరి చికిత్స పొందుతూ మృతి చెందారు. ప్రకాశ్ సింగ్ బాదల్ మృతిపట్ల దేశవ్యాప్తంగా ఉన్న ప్రముఖులు, ముఖ్యమంత్రులు రాజకీయనేతలు సంతాపం తెలియజేశారు. ప్రధాని మోదీ ప్రకాశ్ సింగ్ బాదల్ మృతిపట్ల తీవ్ర దిగ్భ్రాంతి వ్యక్తం చేశారు. ఆయన మృతి వ్యక్తిగతంగా తనకు ఎంతో నష్టం అంటూ ప్రధాని వ్యాక్యానించారు.
“ఒక రాజకీయ నేతగా దేశాభివృద్ధికి ఎంతో కృషి చేశారు. పంజాబ్ కోసం ఎంతో కష్టపడ్డారు. ఎన్నో విపత్కర సమయాల్లో పంజాబ్ రాష్ట్రాన్ని నిలబెట్టారు. కొన్ని దశాబ్దాలుగా నేను ప్రకాశ్ సింగ్ బాదల్ ని దగ్గరగా చూశాను. ఆయన దగ్గరి నుంచి నేను ఎంతో నేర్చుకున్నాను. ఆయనతో జరిపిన సంభాషణలను నెమరు వేసుకుంటున్నాను. ఆయన కుటుంబ సభ్యులకు నా ప్రగాఢ సానుభూతిని తెలియజేస్తున్నాను” అంటూ ప్రధాని మోదీ ట్వీట్ చేశారు. ప్రకాశ్ సింగ్ బాదల్ మృతిపట్ల పంజాబ్ సీఎం భగవంత్ మాన్ స్పందించారు. ‘పంజాబ్ మాజీ ముఖ్యమంత్రి ప్రకాశ్ సింగ్ బాదల్ ఇకలేరనే విషాద వార్త కలచి వేసింది’ అంటూ ట్వీట్ చేశారు.
Shri Parkash Singh Badal’s passing away is a personal loss for me. I have interacted closely with him for many decades and learnt so much from him. I recall our numerous conversations, in which his wisdom was always clearly seen. Condolences to his family and countless admirers. pic.twitter.com/YtD9xKsos2
— Narendra Modi (@narendramodi) April 25, 2023
