follow us:
ప్రస్తుత ఆధునిక సమాజంలో కుక్కలను పెంచుకోవడం ఒక ఫ్యాషన్ అయిపోయింది. అదీ కాక అలా శునకాల్ని పెంచడం ఓ స్టేటస్ గా కూడా కొందరు భావిస్తారు. ఇక వాటికి పెట్టే ఖర్చు గురించి ఎంత తక్కువ మాట్లాడితే అంత మంచిది. అయితే ఎవరిష్టం వారిది.. వారిని మనం అనడానికి లేదు. అలా పెంచుకుంటున్న క్రమంలో ఆ కుక్కల వల్ల కొన్ని సార్లు ఇతరులకు ప్రమాదాలు జరుగుతూంటాయి. తాజాగా ఓ పెంపుడు కుక్క కరవడం వల్ల ఓ బాలుడు నొప్పితో విలవిల్లాడిన సంఘటన ఘజియాబాద్ లో చోటుచేసుకుంది. పూర్తి వివరాల్లోకి వెళితే..
ఉత్తరప్రదేశ్ లోని ఘజియాబాద్ కు చెందిన ఓ బాలుడు తన పాఠశాల ముగించుకుని ఇంటికి వస్తున్నాడు. ఈ క్రమంలో పైకి వెళ్లడానికి అపార్ట్ మెంట్ లోని లిఫ్టు ఎక్కాడు. అప్పుడు ఆ బాలుడు ఒక్కడే లిఫ్టులో ఉన్నడు. ఇంకో ఫ్లోర్ లో ఓ మహిళ తన పెంపుడు కుక్కతో లిఫ్టులోకి ఎక్కింది. కుక్కను చూసిన ఆ బాలుడు అప్పటికే భయపడి దిగుదామని ముందుకు కదిలాడు. దాంతో వెంటనే ఆ కుక్క ఆ బాలుడిని కరిచింది. ఆ భాదతో పిల్లాడు అల్లాడుతూనే ఉన్నాడు. మహిళ ఆ పిల్లాడిని చూస్తూ ఉంది తప్ప కనీసం ఓదార్చే ప్రయత్నం కూడా చేయలేదు. బాలుడు దిగే ప్రయత్నం చేయగా మరో సారి కుక్క ముందుకు దూకింది. భయంతో బాలుడు బటన్స్ దగ్గరే నిలబడి గాయాన్ని రుద్దుకుంటూ గడిపాడు. ఇక తన ఫ్లోర్ రావడంతో ఆ మహిళ ఏమీ ఎరగనట్లు దిగి వెళ్లిపోయింది.
ఈ వీడియో మెుత్తం లిఫ్టు లో ఉన్న సీసీ కెమెరాలో రికార్డు అయ్యింది. తర్వాత లిఫ్టు ఎక్కిన వ్యక్తి బాలుడి పరిస్థితి చూసి విషయం తెలుసుకున్నాడు. ప్రస్తుతం ఈ వీడియో నెట్టింట వైరల్ గా మారింది. దీన్ని అశోక్ గుప్తా అనే ట్విటర్ యూజర్ ట్విట్ చేశాడు. ఆ పిల్లాడి బాధ మీకు కనిపించడం లేదా అంటూ ఆగ్రహం వ్యక్తం చేశాడు. ఈ వీడియో చూసిన నెటిజన్స్ ఆ మహిళ పై తీవ్ర స్థాయిలో మండి పడుతున్నారు. నైతిక బాధ్యతలేదా? అంటూ కొందరు ప్రశ్నించగా.. మానవత్వాన్ని మరిచి పోతున్నారు.. ఇది అనైతికం.. సిగ్గు చేటు అంటు కొందరు ఆ మహిళను తిడుతున్నారు. ఇక ఈ సంఘటనపై బాలుడి తల్లిదండ్రుల ఫిర్యాదు మేరకు పోలీసులు కేసు నమోదు చేసినట్లు వెల్లడించారు. మరి ఆ బాలుడి పట్ల మహిళ వ్యవహరించిన తీరుపై మీ అభిప్రాయాలను కామెంట్స్ రూపంలో తెలియజేయండి.
a pet dog bites a kid in the lift while the pet owner keeps watching even while the pet owner the kid is in pain! where is the moral code here just cos no one is looking?
.
.
p.s: @ghaziabadpolice
Location: Charms Castle, Rajnagar Extension, Ghaziabad
Dtd: 5-Sep-22 | 6:01 PM IST pic.twitter.com/Qyk6jj6u1e— Akassh Ashok Gupta (@peepoye_) September 6, 2022
