కూతురికి కట్నంగా బుల్‌డోజర్‌ ఇచ్చిన తండ్రి.. కారణం తెలిస్తే మెచ్చుకోకుండా ఉండలేరు!

కట్నం అడిగినవాడు గాడిద అంటారు కానీ, నిజానికి బలవంతంగా అడిగిన వాడే గాడిద. పిల్లనిచ్చిన మావకి స్థోమత లేకపోయినా కట్నం అడిగేవాళ్ళుంటారు చూడండి వాళ్ళు గాడిదలు. అలా కాకుండా అల్లుడి మీద నమ్మకంతో.. ఇతనికి ఇస్తే పర్లేదు.. అని కట్నం కానుకగా ఇచ్చే తండ్రులు ఉంటారు. వీరు ఆ లెక్కలోకి రారు. ఇక్కడ అల్లుళ్ళని తప్పుబట్టడానికి లేదు. అసలు కట్నం, కానుక అని వేరు చేసి మాట్లాడుతున్నారు కానీ, కట్నకానుకలు అని కలిపి మాట్లాడాలి. కట్నం అంటే అల్లుడికి ఇచ్చే కానుక, బహుమానం. అది జీవితానికి ఉపయోగపడేలా ఉండాలి. ఇలాంటి ఆలోచనతో ఒక మావ.. తన అల్లుడికి ఇచ్చే కట్నాన్ని.. ఆర్థికంగా ఉపయోగపడేలా చేశాడు. దీంతో ఆ మావ చేసిన పనికి అందరూ శభాష్ అంటున్నారు.

వివరాల్లోకి వెళ్తే.. హమీర్‌పూర్‌ జిల్లా, సుమెర్‌పూర్ పరిధిలోని దేవ్‌గావ్‌లో నివసిస్తున్న రిటైర్డ్ ఆర్మీ ఉద్యోగి పరశురామ్ ప్రజాపతి, తన కుమార్తె నేహాకు నేవీలో పనిచేస్తున్న యోగేంద్రతో వివాహం నిశ్చయించారు. ఈ నెల 15న వీరి పెళ్లి జరిగింది. వివాహ సమయంలో వధువు తండ్రి కుమార్తెకు కట్నంగా బుల్డోజర్‌ను అందించాడు. బుల్‌డోజర్‌ను కానుకగా ఇవ్వడం వెనుక తండ్రి పరశురామ్‌ ఆలోచన అద్బుతమనే చెప్పాలి. తన అల్లుడికి కారు కట్నంగా ఇస్తే ఇంటి ముందు నిలబడి ఉంటుందని, అదే బుల్‌డోజర్‌ అయితే ఆదాయం తెచ్చిపెడుతుంది అని చెప్తున్నాడు. తనకుమార్తె సివిల్ సర్వీస్‌కు ప్రిపేర్ అవుతోందని, బుల్‌డోజర్‌ ఆదాయం వల్ల ఖర్చుల కోసం భర్తను డబ్బు అడగాల్సిన అవసరం లేదని తెలిపాడు.

#Bulldozer_model boom in UP

The groom Yogendra got a bulldozer as a gift at a wedding in Hamirpur.

The girl’s father said that if she had given the car, she would have stood, the bulldozer would do the work, my daughter would get the price.
https://t.co/zsLgbRcLIM… pic.twitter.com/qAYIqVPFTw

— @BUDAUNTV (@mohit_budaun) December 17, 2022

రాను.. రాను.. కాలంతో మనుషుల ఆలోచనా విధానంలో కూడా మార్పొస్తోంది. గతంలో ఆవులు, కోళ్లు, మేకలు వంటి జంతువులు కానుకగా ఇచ్చేవారు. ఆ తరువాత సైకిళ్లు, బైకులు, కార్లకు వచ్చింది. ఇప్పుడు బుల్‌డోజర్ల వంతు వచ్చింది. రాబోవు కాలంలో రైళ్లు కానుకగా ఇస్తారేమో చూడాలి. వధువు తండ్రి ఆలోచనను పెళ్లికొచ్చిన ప్రతి ఒక్కరు మెచ్చుకున్నారట. నేవీ ఉద్యోగి అయినా అల్లుడికి.. కట్నంగా బుల్‌డోజర్‌ ఇవ్వడం సమంజసమా?.. మీ అభిప్రాయాన్ని కామెంట్ల రూపంలో తెలియజేయండి.

In #Hamirpur district, a big gift was received in dowry in the marriage of an army man, riots in the wedding procession due to the groom getting a bulldozer in dowry. #viralvideo pic.twitter.com/Dasb7UyyWn

— Yazhini (@Yazhini_11) December 17, 2022