నడిరోడ్డుపై జుట్టు పట్టుకుని కొట్టుకున్న అమ్మాయిలు.. వీడియో వైరల్

ఈ మధ్య అమ్మాయిలు కూడా అబ్బాయిల మాదిరి తయారవుతున్నారు. అన్నిటిలోనూ సమాన హక్కులు ఉండాలని కోరుకుంటున్న తరుణంలో.. మంచిలోనే కాకుండా చెడులోనూ సమాన వాటా కలిగి ఉంటున్నారు. విద్య, ఉద్యోగం వంటి వాటిలో పోటీ పడినా పర్లేదు కానీ నేరాలు, ఘోరాలు వార్తల్లో కూడా అబ్బాయిలతో పాటు పోటీ పడుతున్నారు. మెట్రో రైళ్లలో ముద్దులు పెట్టుకోవడం నుంచి బస్సుల్లో, రైళ్లలో ఒకరిపై ఒకరు పిడి గుద్దులు గుద్దుకునే వరకూ ఇలా చెడులో కూడా ఆడవాళ్లు అబ్బాయిలతో పోటీ పడుతున్నారు. రోడ్డు మీద అమ్మాయిలు జుట్టు పట్టుకుని కొట్టుకున్న సందర్భాలు గతంలో చాలానే చూశాం. దానికి సంబంధించిన వీడియోలు కూడా సోషల్ మీడియాలో వైరల్ అయ్యాయి. తాజాగా ఇద్దరు అమ్మాయిలు రోడ్డు మీద జుట్టు పట్టుకుని చితక్కొట్టుకున్నారు.

గుజరాత్ లోని రాజ్ కోట్ లో యాగ్నిక్ రోడ్డు మీద ఇద్దరు అమ్మాయిల మధ్య చోటు చేసుకున్న ఘర్షణకు సంబంధించిన వీడియో సోషల్ మీడియాలో వైరల్ అవుతుంది. వాహనాలు ఓవర్ టేక్ చేస్తున్న సమయంలో జరిగిన వాగ్వాదం ఇద్దరూ కొట్టుకునే పరిస్థితి తీసుకొచ్చింది. చుట్టుపక్కల దుకాణాల్లో ఉన్న వ్యాపారులు సైతం తమ వ్యాపారం పక్కన పెట్టి అమ్మాయిల ఫైట్ సీన్ ని ఆసక్తిగా తిలకించారు. వీరు కొట్టుకుంటుంటే వ్యాపారులతో పాటు పాదచారులు కూడా చుట్టూ గుమిగూడారు. టీ షర్టులు లాగేసుకుని.. మొఖం మీద గోర్లతో రక్కేసుకుంటూ రచ్చ రచ్చ చేశారు. వీరి వల్ల చాలా సేపు వాహనాలు నిలిచిపోయాయి. అమ్మాయిలతో పాటు వచ్చిన యువతి, యువకుడు వారిద్దరినీ ఆపేందుకు ప్రయత్నించారు.

కానీ ఆ అమ్మాయిలు మాత్రం కలబడి కొట్టుకున్నారు. ఆ తర్వాత ఒక అమ్మాయితో వచ్చిన అమ్మాయి, మరో అమ్మాయితో వచ్చిన అబ్బాయికి మధ్య చిన్న ఘర్షణ జరిగింది. జనాల్లో ఓ వ్యక్తి అమ్మాయిలు కొట్టుకునే సన్నివేశాన్ని వీడియో తీసి సోషల్ మీడియాలో పోస్ట్ చేశారు. అయితే అక్కడున్న వారు పోలీసులకు సమాచారం ఇవ్వడంతో వారు అక్కడకు చేరుకొని పరిస్థితిని అదుపులోకి తీసుకొచ్చారు. అమ్మాయిలిద్దరినీ విడదీసి కాంప్రమైజ్ చేసి ఎవరి దారిన వారిని పంపించేశారు. ఆ తర్వాత అక్కడ గుమిగూడిన జనాన్ని పోలీసులు చెదరగొట్టారు. చదువుకున్న అమ్మాయిలే ఇలా ప్రవర్తిస్తే ఎలా అంటూ నెటిజన్స్ విమర్శిస్తున్నారు. మరి ఈ ఘటనపై మీ అభిప్రాయమేమిటో కామెంట్ చేయండి.

#રાજકોટ: યાગ્નિક રોડ પર બે યુવતીઓ વચ્ચે છુટ્ટાહાથના મારામારી#Rajkot #Gujarat #ViralVideo pic.twitter.com/DXsSBx7Ccg

— Sanjay ᗪєsai 🇮🇳 (ᴢᴇᴇ ɴᴇᴡs) (@sanjay_desai_26) July 8, 2023