బ్రేకింగ్: 24 గంటలు ఇంటర్నెట్ సేవలు నిలిపివేత.. మెసేజ్​ సర్వీసులు కూడా..!

ఖలిస్థాన్ వేర్పాటువాది అమృత్​పాల్ సింగ్​ను పంజాబ్ పోలీసులు అదుపులోకి తీసుకున్నారు. జలంధర్​లో అతడ్ని అరెస్ట్ చేశారు. తప్పించుకోవాలని చూసినా పోలీసులు అతడ్ని చాకచక్యంగా వెంబడించి మరీ పట్టుకున్నారు. అతడి నుంచి రెండు వాహనాలను స్వాధీనం చేసుకున్నారు. కాగా, అమృత్​పాల్ అరెస్టు నేపథ్యంలో పంజాబ్ ప్రభుత్వం కీలక నిర్ణయం తీసుకుంది. ఆ రాష్ట్రంలో 24 గంటల పాటు ఇంటర్నెట్ సేవలు నిలిచివేసింది సర్కారు. మార్చి 18వ తేదీ మధ్యాహ్నం 12 గంటల నుంచి మార్చి 19వ తేదీ మధ్యాహ్నం 12 గంటల వరకు పంజాబ్​లోని పలుచోట్ల ఇంటర్నెట్ సేవలను నిలిపివేశారు. ప్రజల భద్రతను దృష్టిలో ఉంచుకుని ఈ నిర్ణయం తీసుకున్నట్లు పంజాబ్ హోం వ్యవహారాలు, న్యాయశాఖ ప్రకటించింది.

అమృత్​పాల్ అరెస్టుతో రాష్ట్రంలోని కొన్ని చోట్ల ఘర్షణలు చెలరేగే అవకాశాలు ఉండటంతో పంజాబ్ పోలీసులు ఈ నిర్ణయం తీసుకున్నారు. మరోవైపు తనను పోలీసుల బారి నుంచి రక్షించాలంటూ ప్రజలను వేడుకుంటున్నాడు అమృత్‌ పాల్. ఈ నేపథ్యంలో ఎలాంటి అవాంఛనీయ ఘటనలు జరుగకుండా ఉండేందుకు ముందస్తుగా పటిష్ట భద్రతా చర్యలు చేపట్టారు పోలీసులు. కాగా, ప్రత్యేక ఖలిస్థాన్ దేశాన్ని కోరుతూ వారిస్ పంజాబ్ దే చీఫ్​ అమృత్​పాల్ సింగ్ ఇటీవల చేసిన వ్యాఖ్యలు సంచలనం సృష్టించాయి. ఖలిస్థాన్ దేశాన్ని తాము కోరుకోవడంలో తప్పు లేదని.. ఇదో సిద్ధాంతమని అమృత్​పాల్ రీసెంట్​గా కామెంట్స్ చేశారు. తమ టార్గెట్​ను మేధోపరంగా చూడాలని.. ఈ సిద్ధాంతానికి చావు లేదన్నారు.

All mobile internet services, all SMS services (except banking & mobile recharge) & all dongle services provided on mobile networks, except the voice call, in the territorial jurisdiction of Punjab shall be suspended from 18th March (12:00 hours) to 19th March (12:00 hours) in… https://t.co/NN3LeXoRZt pic.twitter.com/z3vXg4v158

— ANI (@ANI) March 18, 2023